ইব্রীয় 10:2 - Chakma Bible

² রীদি-সুদোমে যুনি তারারে পরিপূরোণ গুরি দান গুরি পাত্ত সালে দঅ য়েমান উৎসর্ব বন্ধ ওই যেদঅ; কিয়া উবোসনা গুরিয়্যেগুনে যুনি একবারে সিজি ওই পারিদাক্ সালে পাপত্যে আর নিজোরে দুষি মনে ন-গুরিদাক্।

ইব্রীয় 10:2 Iomraidhean Croise

গীতসংহিতা 103:12

পোজিমেত্তুন্ ধুরি পূগেন্দি যেত্তমান্ দূরোত্, আমা বেক পাপ্পানি তে সেত্তমান্ দূরোত্ সোরেই দিয়্যে।

যিশাইয় 43:25

“মুই, মুয়ই মর্ নিজোত্তে তঅ অন্যেয়ানি ফুজি ফেলাং; মুই তঅ পাপ্‌‌‌‍পানি আর ইদোত্ ন-তুলিম।‍

যিশাইয় 44:22

মেঘ ধোক্ক্যেন গুরি তর্ বেক অন্যেয়ানি আর বেন্যে মাঢান্ কুয়ো ধোক্ক্যেন গুরি তর্ বেক পাব্‌‍পানি মুই দূর্ গুরি দুয়োং। তুই মইদু ফিরি আয়, কিত্তে মুয়ই তরে উদ্ধোর্ গোজ্যং।” ‍‍

মীখা 7:19

তুই আরঅ আমা উগুরে মেয়্যে গুরিবে; তুই আমা বেক্ পাপ্‌পানি টেঙোই উড়িবে আর আমা বেক্ অন্যেয়ানি সাগর গভীন পানিত্ ফেলেই দিবে।

সখরিয় 9:11

ও যিরূশালেম, তত্তেই মর্ সুদোমান থিদেবর্ গুরিবার লো-লোই মুই তর্ বন্দীগুনোরে সেই পানি নেইয়্যে গাঢত্তুন্ উদ্ধোর্ গুরি দিম।

ইব্রীয় 10:17

ইয়েনর্ পরেদি পবিত্র আত্মাগানে কোইয়্যেদে, “মুই তারার্ পাপ, অন্যেয় আর কনদিনঅ মনত্ ন-রাগেম।”

১ পিতর 2:19

যুনি কেঅ অন্যেয় গুরিনে দুঘোত্ ভুগোন্ আর গোজেনরে মনত্ থোইনে সিয়েন সোজ্জ্য গরে সালে তে গোজেনর্ চোগোদি নাঙ্ গিনে হেবার যগাজ্জ্যে।