ইব্রীয় 10:11 - Chakma Bible

¹¹ পত্তি ধর্মগুরু পত্তি দিন থিয়্যেইনে গোজেনর্ সেবা গরে আর বারবার্ এক্কুই উৎসর্ব গরে, মাত্তর্ এবাবোত্যে উৎসর্ব কনদিন্অ পাপ ধাবেই দি ন-পারে।

ইব্রীয় 10:11 Iomraidhean Croise

যাত্রা 29:36

পাপ ঢাগিবাত্যে পাপ-উৎসর্ব ইজেবে তুই সেই সাত্‌ দিনোর্‌ পত্তি দিন এক্কো গুরি দামাড়া গোরু ডালি দিবে। পাপ ঢাগিবার অনুষ্ঠানান্দোই ডালিপূজোবো সিজি গুরি নেযেবে আর তেল ঢালিনে সিবে মঅ নাঙে ফারক্‌ গুরি নেযেবে।

যিশাইয় 1:11

লগেপ্রভু কোইয়্যেদে, “তমার্ কনঅ য়েমান-উৎসর্ব মর্ দরকার্ নেই। ভেড়া আর পক্তামক্তা য়েমান তেল্লোই পুজ্যে-উৎসর্ব যেন মঅ গত্তনাবো সং উঠ্যেগি; গোরু, ভেড়া ছঅ আর ছাগল লুয়োলোই মুই কনঅ হুজি ন-অং।

যিহিষ্কেল 45:4

এ ভাগ্‌‌‌‌‌‌কান ধর্মগুরুগুনোত্তে; সিয়েন পবিত্র। ধর্মগুরুগুনে উবোসনা-ঘরত্ সেবা-কাম গরন আর লগেপ্রভুরে সেবা গুরিবাত্তে তা মুজুঙোত্ উজেই যান্। সেই জাগানত্ অবঅ তারার্ ঘর-বাড়ি আর উবোসনা-ঘরত্তে সুদ্ধো-সাংগ জাগা।

দানিয়েল 11:31

তা সৈন্যগুনে উপোসনা-ঘর, অত্তাৎ ঘরানি অসিজি গুরিবাক্ আর পত্তিদিনোর উৎসর্বর অনুষ্ঠান বন্ধ গুরি দিবাক্। সে পরেদি তারা ভস্ত অবার্ ঈচ্ গরেদে জিনিস থিদেবর্ গুরিবাক্।

দানিয়েল 12:11

যেদিন্যেত্তুন্ ধুরি অক্ত মজিম্ উৎসর্ব বন্ধ গুরি দিয়্যে অবঅ আর সর্বনাশা ঈচ্ গরেদে জিনিস থিদেবর্ গরা অবঅ সেদিন্যেত্তুন্ ধুরি এক আজার্ দিশঅ নব্বই দিন অবঅ।

দানিয়েল 8:11

তে নিজোরে সেই তারাগুনোর নেতার সংসং দাবি গুরিলো। তা নাঙে গোজ্যে পত্তিদিনোর উৎসর্বর অনুষ্ঠান তে বন্ধ গুরি দিলো আর উবোসনা-ঘরান্‌অ অসিজি গরা অলঅ।

দানিয়েল 9:21

মুই সেক্কেয়ো তবনা গরঙর্ এমন সময়োত্ আগ দর্শনত্ মুই যিবেরে দেখ্যং সেই গাব্রিয়েল দূতে সাজোন্যে উৎসর্বর সময়োত্ জোরে উরিনে মইদু এলঅ।

দানিয়েল 9:27

সাত বজরত্তে বোউত্ মান্‌‌‌‌‌‌‌জ্য লগে সেই শজন্‌গুরিয়্যেবো মিলে-মিলি গুরিবো, মাত্তর্ সাত বজরর্ সংমোধ্যে তে য়েমান আর শোজ্য উৎসর্ব গরানা বন্ধ গুরি দিবো। সেই ভস্তগুরিয়্যেবো উগুরে ঠিগ্ গোজ্যে সাজা পুরোপুরিভাবে ঢালি ন-দেনা সং উবোসনা-ঘর ভিদিরে যে সর্বনাশা ঘিনেইদ্যে জিনিস্ রাগেবে।”

মীখা 6:6

মুই কিলোই লগেপ্রভুর মুজুঙোত্ যেইম্ আর স্বর্গর্ গোজেনর্ উবোসনা গুরিম? মুই কি পুজ্যে-উৎসর্বত্তে এক বোজোজ্যে কয়েক্কো গোরু ছঅলোই তা মুজুঙোত্ যেইম্?

গণাণা 28:24

ইঙিরিনে সাত দিনোর পত্তি দিনোত্‌ লগেপ্রভুরে খুজি গুরিবার তুম্বাজ্‌ ইজেবে এই বেক্‌ খানাগানিলোই আগুন্দোই-পুজ্যে উৎসর্ব গরা পুরিবো। অক্ত মজিম্ যে পুজ্যে-উৎসর্ব আর তা সমারে ঢালন-উৎসর্ব রোইয়্যে তা উগুরে ইবেয়ো গরা পুরিবো।

গণাণা 28:3

তে তারারে এই কধাগান কবাত্তে কলঅ, আগুন্দোই-পুজ্যে উৎসর্বত্তে লগেপ্রভুর মুজুঙোত্‌ পত্তি দিনোর্ অক্ত মজিম্ পুজ্যে-উৎসর্বত্তে তমাত্তুন এক বোজোজ্যে দ্বিবে দাগ্‌-দুগ্‌ নেইয়্যে ভেড়াছাগল-ছঅ আনা পুরিবো।

গণাণা 29:6

পত্তি মাজর্ আর পত্তি দিনোর্‌ ঠিগ গোজ্যে পুজ্যে-উৎসর্ব আর তা সমারে শোজ্য-উৎসর্ব আর ঢালন-উৎসর্ব বাদেয়ো এই বেক্‌ উৎসর্বগুন্‌ গরা পুরিবো। ইগুন্‌ লগেপ্রভুর্ নাঙে আগুন্দোই-পুজ্যে উৎসর্ব যিবের্‌ তুম্বাজে লগেপ্রভু খুজি অয়।

ইব্রীয় 10:1

রীদি-সুদোমত্ যিয়েনি আঘে সিয়েনি বানা ভবিচ্চদর্ ভালেদি পৌইদ্যেনে ছাবা ধোক্ক্যেন; সিয়েনিত্ ঘেচ্চ্যেকগুরি দাঙর্ বেপারানি নেই। সেনত্যে যিগুনে গোজেনর্ উবোসনা গুরিবাত্যে এজন্ রীদি-সুদোমত্ কনদিন্অ বজরর্ পর্ বজর্ এবাবোত্যে গুরি য়েমান উৎসর্বলোই তারার্ পরিপূরোণান্ দান গুরি ন-পারে।

ইব্রীয় 10:4

কিয়া বলদ্ গোরু আর ছাগলর্ লো-গানি কনদিনঅ পাপ ধাবেই দি ন-পারে।

ইব্রীয় 5:1

মান্‌জ্যর্ ওইনে গোজেনর্ সেবা গুরিবাত্যে পত্তি দাঙর্ ধর্মগুরুরে মান্‌জ্য ভিদিরেত্তুন্ বেঈ লোইনে নেযা অয়, যেনে তে মান্‌জ্যর্ পাপত্যে য়েমান উৎসর্ব গরে আর অন্য জিনিস্-অ উৎসর্ব গরে।

ইব্রীয় 7:27

অন্য দাঙর্ ধর্মগুরুগুনে যেধোক্ক্যেন পত্তমে নিজোর্ আর যেরেদি অন্যগুনোর্ পাপত্যে য়েমান উৎসর্ব গত্তাক্, সেধোক্ক্যেন গুরি এই ধর্মগুরুবোর সিয়েন গুরিবার দরকার ন-এলঅ, কিয়া তে উমরত্যে এক বার্ নিজোর্ জিংকানিগান উৎসর্ব গুরিনে সেই কামান থুম্ গোজ্জ্যে।

ইব্রীয় 8:2

তে দাঙর্ পবিত্র জাগানত্, অত্তাৎ আজল্ উবোসনা-তাম্বুলোত্ গোজেনর্ সেবা গরের্। সেই উবোসনা-তাম্বুলান্ মান্‌জ্যে ন-টাঙান্, সিয়েন প্রভুই টাঙেয়্যে।

ইব্রীয় 8:4

মাত্তর্ তে যুনি ইক্কিনে এ জগদত্ থেদঅ সালে ধর্মগুরু ওই ন-পারিদো, কিয়া ইধু রীদি-সুদোম মজিম উৎসর্ব গুরিবাত্যে ধর্মগুরু দঅ আঘে।