ইব্রীয় 10:10 - Chakma Bible

¹⁰ গোজেনর্ সেই আওজ্ মজিম যীশু খ্রীষ্টর্ কিয়্যেগান একপল্লা উৎসর্ব গরানালোই গোজেন নাঙে আমারে যুদো গরা ওইয়্যে।

ইব্রীয় 10:10 Iomraidhean Croise

সখরিয় 13:1

মুই বেগত্তুন্ খেমতাবলা লগেপ্রভু কঙর্, সেদিন্যে দায়ূদো বংশর আর যিরূশালেম আদাম্মেগুনোর পাপ আর অসিজিগান ধোই ফেলেবাত্তে এক্কো পয়নালা খুলো অবঅ। সেদিন্যে দেজত্তুন্ মূত্তিগুন দূর গুরি দিয়্যে অবঅ আর তারার্ নাঙানিয়ো আর কারঅ মনত্ ন-থেবঅ। মুই দেজত্তুন্ তারার্ ভাববাদীগুনোরে দূর্ গুরি দিম আর ভান্ন্যেই আত্মাগুনোরেয়ো দূর্ গুরি দিম।

যোহন 17:19

তারাত্যে তর্ নাঙে মুই নিজোরে যুদো গোজ্যং যেন সত্যলোই তারারেয়ো ফারগ্ গরা অয়।

যোহন 19:34

মাত্তর্ এক্কো সৈন্য তা বুগোদ্ শেল্লোই গুদো মারিলো, আর সেক্কেনে সিয়োত্তুন লো আর পানি নিগিলি এলঅ।

যোহন 6:51

মুয়ই সেই জিংকানি-রুটিগান্ যিয়েন স্বর্গত্তুন্ লামি এচ্চ্যে। এ রুটিগান্ যে হেবঅ তে উমরত্তে জিংকানি পেবঅ। মঅ কিয়্যেগানই সেই রুটিগান্। মান্‌জ্যে যেন জিংকানি পান্ সেনত্তে মুই মর্ এ কিয়্যেগান্ দিম্।”

১ করিন্হীয় 1:30

যীশু খ্রীষ্ট সমারে যে তুমি এগত্তর্ গুরি আঘ সিয়েন গোজেনত্তুন্ ওইয়্যে। যীশু খ্রীষ্ট আমা ইধু গোজেনর্ দিয়্যে জ্ঞান; তেয়ই আমার নিদ্দুজি, পবিত্র আর উদ্ধোর্।

১ করিন্হীয় 6:11

তমা ভিদিরে কেঅ কেঅ সেবাবোত্যে এলা, মাত্তর্ প্রভু যীশু খ্রীষ্টর্ মাধ্যমে আর আমা গোজেন আত্মার্ মাধ্যমে তমারে ধোইনে সাব্ গরা ওইয়্যে, গোজেন নাঙে যুদো গরা ওইয়্যে আর নিদ্দুজি বিলিনে মানি লুয়ো ওইয়্যে।

ইফিষীয় 5:2

খ্রীষ্ট যেধোক্ক্যেন গুরি আমারে কোচ্‌পেইয়্যে আর আমাত্যে গোজেনর্ উদ্দেচ্চ্যে তুমবাচ্‌‌‌‌বলা উৎসর্ব ইজেবে নিজোরে দিয়্যে, ঠিগ সেবাবোত্যেগুরি তুমিয়ো কোচ্‌পানার পধেদি চলঅ।

ইফিষীয় 5:26

খ্রীষ্টর্ উদ্দেচ্চ্য অলঅ যেন তে মন্ডলীরে পবিত্র গুরিবাত্যে তার্ কধার মাধ্যমে পানিত্ ধোইনে মহিমালোই ভরা অবস্থায় নিজো মুজুঙোত্ আঝির্ গুরি পারে। সেলক্কে মন্ডলী ভিদিরে কনঅ কলংকর দাগ্, থুদো বা সেবাবোত্যে কনঅ কিজু ন-থেবঅ, বরং সিয়েন পবিত্র আর থুদোনেইয়্যে অবঅ।

ইব্রীয় 10:12

মাত্তর্ যীশু পাপত্যে উমর কাল ধোক্ক্যেন বানা এক্কো উৎসর্ব গুরিনে গোজেনর্ ডেন্ ধাগেদি বলঅ।

ইব্রীয় 10:14

কিয়া গোজেনর্ নাঙে যিগুনোরে যুদো গরা ওইয়্যে সেই এক্কো উৎসর্বলোই তে উমরত্যে তারারে পূর্ণতাগান দান গোজ্জ্যে।

ইব্রীয় 10:20

খ্রীষ্ট আমাত্যে এক্কান নূয়ো আর জেদা পথ্ মেলি দিয়্যে, যেন আমি পদ্দা ভিদিরেদি, অত্তাৎ তার্ কিয়্যেগানর্ মাধ্যমে গোজেন মুজুঙোত্ আঝির্ ওই পারিই।

ইব্রীয় 10:29

সালে গোজেনর্ পুয়োবোরে যে ঈচ্ গোজ্জ্যে, যে লো-গান্দোই তে সিজি ওইয়্যে গোজেনর্ সেই বেবস্থার্ লো-গানরে যে অপবিত্র মনে গোজ্জ্যে আর যে দোয়্যে গরে সেই পবিত্র আত্মাগানরে যে অগমান গোজ্জ্যে, ভাবি চঅ, তে আরঅ কত্তমান বেশ্ সাজা পেবার্!

ইব্রীয় 10:5

সেনত্যে খ্রীষ্ট এ জগদত্ এবার্ অক্তত্ গোজেনরে কোইয়্যেদে, “য়েমান আর অন্য উৎসর্ব তুই ন-চাজ্, মাত্তর্ মত্যে এক্কান কিয়্যে তুই বানেয়োচ্।

ইব্রীয় 13:12

সেবাবোত্যে গুরি যীশুয়ো যিরূশালেম শঅরর্ বারেদি দুঘ্ পেইনে মোজ্জ্যে, যেন তার্ নিজোর্ লো-গান্দোই মান্‌জ্যরে পাপত্তুন্ সিজি গুরি পারে।

ইব্রীয় 2:11

যে মানুচ্চুনোরে পবিত্র গরে সেই যীশু নিজে আর যিগুনোরে তে পবিত্র গরে সে মানুচ্চুনে বেক্কুনে গোজেনর্ ঘোর্‌বো। ইয়েনত্যে যীশু সে মানুচ্চুনোরে ভেই বিলিনে ডাগদে ন-লাজায়।

ইব্রীয় 2:14

সেই পুয়োগুনে অলাক্ লো-য়েরাবলা মানুচ্‌। সেনত্যে যীশু নিজেয়ো লো-য়েরাবলা মানুচ্‌ অলঅ, যেনে মরণর খেমতাগান যিবে আঢত্ আঘে সেই শদানরে তে নিজোর মরণানরে দিইনে বল্‌‌পোজ্যে গরে,

ইব্রীয় 5:7

যিবে তারে মরণ আদত্তুন রোক্ষ্যে গুরি পারিদো সেই গোজেন ইধু যীশু এ জগদত্ থেবার অক্তত্ জোরে রঅ ছাড়িনে কানি কানি কোজোলী গোজ্জ্যে আর ভিক্ষ্যে মাক্যে। তার্ ভোক্তিগান সমারে বাধ্যতা এলঅ বিলিনে গোজেনে তার্ তবনাগান শুন্ন্যে।

ইব্রীয় 7:27

অন্য দাঙর্ ধর্মগুরুগুনে যেধোক্ক্যেন পত্তমে নিজোর্ আর যেরেদি অন্যগুনোর্ পাপত্যে য়েমান উৎসর্ব গত্তাক্, সেধোক্ক্যেন গুরি এই ধর্মগুরুবোর সিয়েন গুরিবার দরকার ন-এলঅ, কিয়া তে উমরত্যে এক বার্ নিজোর্ জিংকানিগান উৎসর্ব গুরিনে সেই কামান থুম্ গোজ্জ্যে।

ইব্রীয় 9:12

ছাগল আর গোরু ছঅ লো-লোই খ্রীষ্ট সেই দাঙর্ পবিত্র জাগানত্ ন-সমায়। তে নিজোর্ লো-লোগান্দোই একবার সিয়েনত্ সোম্মেগোই। এবাবোত্যে গুরি তে উমরত্যে পাপত্তুন্ উদ্ধোরর্ পথ্‌তান্ গুরিলো।

ইব্রীয় 9:14

মাত্তর্ যে উমর্‌অ পবিত্র আত্মালোই গোজেন ইধু নিজোরে থুদো নেইয়্যে উৎসর্ব ইজেবে দান গুরিলো সেই যীশুর লো-গানে আমা বিবেগরে ফল-নেইয়্যে কামত্তুন্ আরঅ কত্তমান বেশ্ গুরি সিজি গুরিবো, যেনে আমি জেদা গোজেনর্ সেবা গুরি পারিই!

ইব্রীয় 9:26

সিয়েনই যুনি গরা পত্ত সালে পিত্‌থিমী সৃট্টির লক্কেত্তুন ধুরি আরাম্ভ গুরি তাত্তুন্ ভালোক্‌বার্ দুঘ্ পেইনে মরা পত্ত; মাত্তর্ ইক্কিনে বেক্‌ যুগ্‌কুনোর পরেদি তে এক বারই ফগদাং পেয়্যে যেনে নিজোরে উৎসর্ব গুরি তে পাপ ধাবেই পারে।

ইব্রীয় 9:28

ঠিগ্ সেবাবোত্যেগুরি ভালোক্কুন মান্‌জ্যর পাপর্ বুধি ভুগিবাত্যে খ্রীষ্টরেয়ো একবার উৎসর্ব গরা ওইয়্যে। তে দ্বিপল্লা এবঅ, মাত্তর্ সেক্কে পাপর্ কারনে মুরিবাত্যে ন-এবঅ, বরং যিগুনে তাত্যে আওজ্ গুরিনে বাজ্জেই আঘন তারারে পুরোপুরি গুরিনে উদ্ধোর্ গুরিবাত্যে এবঅ।

১ পিতর 2:24

তে ক্রুশো উগুরে নিজোর কিয়্যেগান্দোই আমার পাপর্ ভারান্ বুয়োল, যেন আমি পাপর দাবি-দেনা ইধু মুরিনে গোজেনর্ আওজ্‌ মজিম চলিবাত্যে বাঁজি থেই। তার্ কিয়্যেগানর্ ঘা গানিয়ে তমারে গম গোজ্জ্যে।

১ পিতর 3:18

খ্রীষ্টয়ো পাপত্যে একবার মোজ্জ্যে। গোজেন ইধু আমারে নেযেবাত্যে সে নিদ্দুজি মানুচ্চো পাপীগুনোত্যে, অত্তাৎ আমাত্যে মোজ্জ্যে। কিয়্যেদি তারে মারে ফেলা ওইয়্যে, মাত্তর্ আত্মায় তারে জেদা গরা ওইয়্যে আর তে বন্দী আত্মাগুনো ইধু যেইনে ফগদাং গোজ্জ্যে।

১ যোহন 5:6

ইবেই যীশু খ্রীষ্ট, যিবে পানি আর লো-লোই এচ্চ্যে। বানা পানিলোই নয়, মাত্তর্ পানি আর লো-লোই এচ্চ্যে। পবিত্র আত্মাগানে এ পৌইদ্যেনে সাক্ষি দে, কিয়া তে নিজেই সত্য।