ইব্রীয় 10:1 - Chakma Bible

¹ রীদি-সুদোমত্ যিয়েনি আঘে সিয়েনি বানা ভবিচ্চদর্ ভালেদি পৌইদ্যেনে ছাবা ধোক্ক্যেন; সিয়েনিত্ ঘেচ্চ্যেকগুরি দাঙর্ বেপারানি নেই। সেনত্যে যিগুনে গোজেনর্ উবোসনা গুরিবাত্যে এজন্ রীদি-সুদোমত্ কনদিন্অ বজরর্ পর্ বজর্ এবাবোত্যে গুরি য়েমান উৎসর্বলোই তারার্ পরিপূরোণান্ দান গুরি ন-পারে।

ইব্রীয় 10:1 Iomraidhean Croise

লেবীয় 9:16

পরেদি তে তারার্‌ পুজ্যে-উৎসর্বর য়েমান্‌ দ্বিবে আনিনে লগেপ্রভুর্ দিয়্যে সুদোম মজিম্ উৎসর্ব গুরিলো।

রোমীয় 8:3

মান্‌জ্যর পাপ খাচ্চ্যদত্যে আইন-কানুনানি ভাঙি পোজ্জ্যে, আর সেনত্তে রীতি-সুদোমে যিয়েনি গুরি ন-পারে গোজেনে নিজে সিয়েনি গোজ্জ্যে। তে পাপ্‌পানি ধাবেবাত্যে নিজোর্ পাপ-নেইয়্যে পুয়োবোরে মান্‌জ্যর্ খাচ্চ্যত্ দিইনে পাধেই দিলো আর তা পুয়োবোর্ মরণর্ মাধ্যমে পাপর্ বিচের গুরিনে তা খেমতাগানরে বাদ দি দিলো।

কলসীয় 2:17

ইয়েনি দঅ এলঅ আগামিদি যিয়েনি অবঅ সিয়েনির ছাবা, মাত্তর্ যিয়েন আজল্ সিয়েন খ্রীষ্ট ভিদিরে আঘে।

ইব্রীয় 10:22

সেনত্যে বিশ্বেজর্ মাধ্যমে যে নিচ্চয়তাগান এজে, এজঅ, আমি সেই পুরোপুরি নিচ্চয়তাগানর্ খাটি রিবেঙোই গোজেন মুজুঙোত্ যেই; কিয়া দুষি বিবেগ আঢত্তুন্ আমা রিবেঙানরে লো ছিদিনেই সিজি গরা ওইয়্যে আর পন্ পানিলোই আমা কিয়্যেগানিরে ধূয়ো ওইয়্যে।

ইব্রীয় 7:11

যিগুনে ধর্মগুরুর্ কাম গুরিদাক্ সেই লেবি গুট্টিগুনোর্ কামানি উগুরে ভর্ গুরিনে গোজেনে ইস্রায়েলীয়গুনোরে তার্ রীদি-সুদোমানি দিয়্যে। লেবি বংশর ধর্মগুরুগুনোর্ কামানিলোই যুনি পূরোগান লাভ গরা যেদঅ, সালে পত্তম লেবীয় ধর্মগুরু হারোণর্ বদলে মল্কীষেদক ধোক্ক্যেন অন্য আরেক্‌‌জন ধর্মগুরু এবার্ কি দরকার এলঅ?

ইব্রীয় 8:5

ধর্মগুরু ইজেবে তারার্ এ কামান্ স্বর্গ কামর বানা এক্কান আরুক্ আর ছাবা ধোক্ক্যেন। সেনত্যে মোশি যেক্কে সেই উবোসনা-তাম্বুলান বানেবাত্যে যার্ সেক্কে গোজেনে ইয়েন কোইনে মোশিরে উজিয়ার্ গোজ্জ্যে, “সিনাই মূড়োবো উগুরে তরে যে নমুনাগান দেগা অলঅ ঠিগ্ সেবাবোত্যেগুরি যেন বেক্কানি বানা অয় সিয়েন চেইজ্।”

ইব্রীয় 9:11

মাত্তর্ খ্রীষ্ট এচ্চ্যেদে ভবিচ্চদর্ বেক্‌ ভালেদি পৌইদ্যেনে দাঙর্ ধর্মগুরু ওইনে। মহৎ আরঅ গম্ উবোসনা-তাম্বুলোত্ গোজেনর্ সেবা গুরিবাত্যে তে এচ্চ্যে। এই তাম্বুলান মান্‌জ্যর আঢ্‌তোই বানেয়্যে নয়, অত্তাৎ সিয়েন জগদর্ কনঅ জিনিচ্‌ নয়।

ইব্রীয় 9:23

যিয়েন স্বর্গীয় জিনিজোর্ বানা নকল সিয়েনি য়েমান উৎসর্বলোই সিজি গরানা দরকার এলঅ মাত্তর্ যিয়েনি আজলে স্বর্গীয় জিনিচ্‌ সিয়েনি সিজি গুরিবাত্যে আরঅ দাঙর্ উৎসর্বর দরকার।

ইব্রীয় 9:25

দাঙর্ ধর্মগুরুবো য়েমান লো-লোই যেবাবোত্যে গুরি পত্তি বজর্ দাঙর্ পবিত্র জাগানত্ সমায়, খ্রীষ্ট নিজোরে বারবার্ উৎসর্ব গুরিবাত্যে সেবাবোত্যে গুরি স্বর্গত্ ন-সমায়।