ইব্রীয় 1:6 - Chakma Bible

⁶ না, তে সিয়েন ন-কয়। গোজেনে তার্ আজল্ পুয়োবোরে এ পিত্‌থিমীত দিপাধেবার অক্তত্ কোইয়্যেদে, “গোজেনর্ বেক্ দূত্‌‌তুনে তারে গোজেনর্ সর্মান দিইনে সালাম গোরোদোক্।”

ইব্রীয় 1:6 Iomraidhean Croise

গীতসংহিতা 97:7

যিগুনে মূত্তিপূজো গরন আর দেব-দেবেদালোই বাড়্‌বো গরন্ তারা বেক্কুনে লাজত্ পোড়োদোক্; লগেপ্রভুর মুজুঙোত্ দেব-দেবেদাগুনে মাঢা নিগিরোদোক্।

মথি লেখ্যে গম্ হবর্ 24:14

বেক্ জাদ ইধু সাক্ষি দিবাত্তে স্বর্গ-রেজ্যর্ গম্ হবর্ গোদা পিত্‌থিমীত্ ফগদাং গরা অবঅ আর সে পরেদি শেজ্ সময় আজির্ অবঅ।

যোহন 1:14

সে কধাগানই মানুচ্‌ ওইনে জর্মেল আর আমা ভিদিরে বজত্তি গুরিলো। বাবা গোজেনর্ বানা এক্কো গুরি পুয়ো ইজেবে তার্ যে মহিমা সে মহিমাগান্ আমি দেক্ক্যেই। তে দোয়্যে আর সত্যলোই ভরা।

যোহন 1:18

গোজেনরে কেঅ কনদিন্অ ন-দেগন্। তা লগে থেইয়্যে সেই বানা এক্কো গুরি পুয়ো, যিবে নিজেই গোজেন, তেয়ই তারে ফগদাং গোজ্যে।

যোহন 3:16

“গোজেনে মান্‌জ্যরে এদক্ কোচ্‌পেলদে যে, তার্ বানা এক্কোগুরি পুয়োরে তে দান্ গুরিলো, যেন যে কেঅ সেই পুয়োবো উগুরে বিশ্বেজ্ গরে তে ভস্ত ন-অয় মাত্তর্ উমর্‌অ জিংকানি পায়।

রোমীয় 8:29

গোজেনে যিগুনোরে আগেদি বেঈ লোইয়্যে তারারে তে তার্ পুয়ো ধোক্ক্যেন্ অবাত্তে আগেদি ঠিগ্ গুরিয়ো থোইয়্যে, যেন সেই পুয়োবো ভালোক্ ভেইয়োত্তুন্ আজল্লো অয়।

দ্বি’লম্বর বিররণ 32:43

ও বেক জাদর্‌ মানুচ্চুন, তুমি লগেপ্রভুর মানুচ্চুনো সমারে তার বাঈনী গরঅ, কিত্যে তে তার চাগরুনোর লো-গানর্ হেনা শুজিবো, তার শত্রুগুনোরে সাজা দিবো আর তার দেজ্‌চান আহ তা মানুচ্চুনোর পাপ ঢাগিবার বেবস্থা গুরিবো।

কলসীয় 1:15

এ পুয়োবো অলদে দেগা ন-যেইয়্যে গোজেনর্ অদে অদে ফগদাং। বেক্‌ সৃট্টির আগেদি তেয়ই এলঅ আর বেক্‌ সৃট্টির উগুরে তেয়ই আজল্লো,

কলসীয় 1:18

ইয়েনবাদে তেয়ই তার্ কিয়্যেগানর্, অত্তাৎ মন্ডলীর মাঢাবো। তেয়ই পত্তম্ আর তেয়ই মরণত্তুন্ পৌইল্যা জেদা ওইয়্যে, যেন বেক্কানিত্ তেয়ই আজল্লো ওই পারে।

ইব্রীয় 1:5

গোজেনে কনদিন্অ কি কনঅ স্বর্গদূতরে এ কধাগান কোইয়্যে, “তুই মর্ পুয়ো, এচ্চ্যে মুই তর্ বাব্ অলুং”? আরঅ তে কি কোইয়্যে, “মুই ওম্ তার্ বাপ আর তে অবঅ মর্ পুয়ো”?

ইব্রীয় 10:5

সেনত্যে খ্রীষ্ট এ জগদত্ এবার্ অক্তত্ গোজেনরে কোইয়্যেদে, “য়েমান আর অন্য উৎসর্ব তুই ন-চাজ্, মাত্তর্ মত্যে এক্কান কিয়্যে তুই বানেয়োচ্।

১ পিতর 3:22

যীশু স্বর্গত্ যেয়্যে আর ইক্কিনে গোজেনর্ ডেন্ ধাগেদি আঘে, আর স্বর্গদূত্‌তুনে, খেমতার্ অধিকারীগুনে আর শাসনগুরিয়্যেগুনে তা অধীনত্ আঘন্।

১ যোহন 4:9

আমা উগুরে গোজেনর্ কোচ্‌পানা এবাবোত্যে গুরি ফগদাং ওইয়্যে তে তার্ বানা এক্কোগুরি পুয়োরে এই জগদত্ দিপাধেল যেন আমি তারে দিইনে জিংকানি পেই।