ইব্রীয় 1:3 - Chakma Bible

³ গোজেনর্ বেক্‌ গুণানি সেই পুয়োবো ইধু আঘে; পুয়োবোই গোজেনর্ পুরো ফোটু ধোক্ক্যেন। পুয়োবো তার্ খেমতাবলা কধালোই বেক্কানি ধুরি রাগেইনে পরিচালনা গরে। মান্‌জ্যর পাপ্পানি দূর্ গরানার্ পরে পুয়োবো স্বর্গত্ মহান গোজেনর্ ডেন্ ধাগেদি বজিলো।

ইব্রীয় 1:3 Iomraidhean Croise

১ বংশধর 29:11

ও লগেপ্রভু, মহিমা, খেমতা, সয়-সাগোজ্যে, জিদেনা আর বাঈনী পানা তর্‌, কিত্তে স্বর্গর আর পিত্‌থিমীর বেক্কানি তর্‌। ও লগেপ্রভু, তুয়ই বেক্কানি উগুরে রাজাগিরি গরর্‌; তর্‌ জাগায়ান্‌ বেক্কানি উগুরে।

ইয়োব 37:22

উত্তোরেন্দিত্তুন সোনা রঙর্ দোক্‌দোক্যে গুরি এজে; তার চেরোকিত্তে দর্ বুক্ লাগেদে ধোক্ক্যেন মহিমাগান্ দেগা যায়।

গীতসংহিতা 110:1

লগেপ্রভু মঅ গিরোজ্‌সোরে কোইয়্যেদে, “যেদক্কন সং মুই তঅ শত্রুগুনোরে তঅ টেঙত্ তলে ন-রাগাং, সেদক্কন্ সং তুই মঅ ডেনেন্দি বস।”

গীতসংহিতা 75:3

পিত্‌থিমী আর তার মানব-সমাজর সুদোমানি যেক্কে ভাঙি যায়, সেক্কেনে মুয়ই তার খুদোগুন টিগেই রাগেয়োং।

উপদেশক 8:4

রাজার্ কধানি যেক্কেনে বেক্কানিত্তুন্ দাঙর্ সেক্কেনে কন্না তারে কোই পারে, “তুই কি গোজ্যস্?”

লেবীয় 15:15

ধর্মগুরুবো সে দ্বিবেত্তুন্‌ এক্কো দিইনে পাপ-উৎসর্বর আর অন্যবোলোই পুজ্যে-উৎসর্বর্‌ অনুষ্ঠান গুরিবো। স্রাবর কারনে মানুচ্চোর্‌ যে ফি-বলা অবস্থা ওইয়ে তাত্তেই ধর্মগুরুবো ইঙিরিনে লগেপ্রভু মুজুঙোত তার্‌ ফি-বলাগান্‌ ঢাগি দিবার্‌ বেবস্থা গুরিবো।

মীখা 5:4

সেই শাজন্‌গুরিয়্যেবো এইনে লগেপ্রভুর বল্লোই, তার গোজেন লগেপ্রভুর মহিমায় গরগ ধোক্ক্যেন তা মানুচ্চুনোরে চালেব। তারা গমেডালে বজত্তি গুরিবাক্, কিত্যে তে যে দাঙর্ সে কধাগান সেক্কে জগদর্ শেজ্ দুযি সং বেক্কুনে স্বিগের্ গুরিবাক্;

মথি লেখ্যে গম্ হবর্ 22:24

ইয়েনত্তে তারা যীশুরে পুজোর্ গুরিলাক্, “মাষ্টরবাবু, মোশি কোইয়্যেদে, যুনি কনঅ মানুচ্ পুয়ো-ছা নেই গুরি মুরি যায় সালে তা ভেইবো তা মোক্কোরে লোইনে ভেইয়োর্ ওইনে তা বংশবো রোক্ষ্যে গুরিবো।

মার্ক 16:19

শিচ্চ্যগুনো মুজুঙোত্ এই বেক্ কধানি কনার্ পরেদি প্রভু যীশুরে স্বর্গত্ তুলি নেযা অলঅ। সিধু তে গোজেনর্ ডেনেদি বুজিলো।

যোহন 1:14

সে কধাগানই মানুচ্‌ ওইনে জর্মেল আর আমা ভিদিরে বজত্তি গুরিলো। বাবা গোজেনর্ বানা এক্কো গুরি পুয়ো ইজেবে তার্ যে মহিমা সে মহিমাগান্ আমি দেক্ক্যেই। তে দোয়্যে আর সত্যলোই ভরা।

যোহন 1:29

তার্ কেল্যে যোহনে যীশুরে তা নিজো ইন্দি এত্তে দেগিনে কলঅ, “উইয়োবু চঅ, গোজেনর্ ভেড়া ছবুয়ো, যিবে মান্‌জ্যর্ বেক্‌ পাপ্পানি দূর্ গরে।

যোহন 1:4

তা ভিদিরে জিংকানি এলঅ আর সেই জিংকানিগান্ এলঅ মান্‌জ্যর পহর্।

প্রেরিত্‌ 2:33

গোজেনর ডেনেদি বঝিবার বাঈনী তারে দান গরা ওইয়্যে আর এগেম্ গোজ্যে পবিত্র আত্মারে তেয়ই গোজেনত্তুন্ পেয়্যে; আর ইক্কিনে তুমি যিয়েন দেগর্ আর শুনোর্ সিয়েন যীশু নিজে দিয়্যে।

প্রেরিত্‌ 7:56

“চঅ, মুই দেগঙর্ স্বর্গগান খুলো আঘে আর গোজেনর্ ডেনেদি মান্‌জ্যপুয়োবো থিয়্যেই আঘে।”

রোমীয় 1:16

যীশু খ্রীষ্ট পৌইদ্যেনে এই যে গম্ হবর্ সিয়েনত্ মর্ কনঅ লাজ নেই, কিত্যেই এ গম্ হবরানই অলঅ গোজেনর্ খেমতা যিবের্ মাধ্যমে তে বেক্ বিশ্বেজি গুনোরে পাপত্তুন্ উদ্ধোর্ গরে-পত্তমে যিহূদীগুনোরে, সে পরেদি অযিহূদীগুনোরে।

রোমীয় 8:34

কন্না তারারে দুষি বিলিনে ঠিগ্ গুরিবো? যিবে মুরি যেয়্যে আর যিবেরে মরণত্তুন্ জেদা গরায়ো ওইয়্যে সেই খ্রীষ্ট যীশু ইক্কিনে গোজেনর্ ডেন্ ঢাগদি আঘে আর আমাত্যে কোজোলী গরের্।

২ করিন্হীয় 4:4

অবিশ্বেজি মানুচ্চুনোর মনানি এ যুগোর্ দেবেদাগুনে কান্ গুরি দুয়োন যেন তারা গম্ হবরর্ পহ্‌রান্ ন-দেগন্। এ গম্ হবরানত্ খ্রীষ্টর্ মহিমাগান্ ফুদি উঠ্যে; আর এ খ্রীষ্টই অলঅ গোজেনর্ অবিকল্ ফগদাং।

কলসীয় 3:1

সালে তুমি যেক্কে খ্রীষ্ট সমারে মরণত্তুন্ জেদা ওইয়ো সেক্কে খ্রীষ্ট স্বর্গত যিয়েনত্ গোজেনর্ ডেন্ ডাগেদি বৈই আঘে সেই স্বর্গীয় বেপারানিত্যে আয়োজি অ।

তীত 2:14

যীশু খ্রীষ্ট আমাত্যে নিজো জিংকানিগান দিয়্যে, যেন বেক্‌ পাপ্‌পানিত্তুন আমারে উদ্ধোর্ গুরি পারে আর সিয়েন্দোই এমন্‌ এক দল মান্‌জ্যরে সিজি গুরি পারে যিগুনে বানা তা মানুচ্ অবাক্ আর যিগুনে অন্যগুনোরে উপকার গুরিবাত্যে আয়োজি অবাক্।

ইব্রীয় 1:13

গোজেনে কনদিন্অ কি কনঅ স্বর্গদূতরে এ কধাগান কোইয়্যে, “যেদক্কন সং মুই তঅ শত্রুগুনোরে তঅ টেঙত্ তলে ন-রাগাং, সেদক্কন সং তুই মঅ ডেনেদি বস্”?

ইব্রীয় 10:12

মাত্তর্ যীশু পাপত্যে উমর কাল ধোক্ক্যেন বানা এক্কো উৎসর্ব গুরিনে গোজেনর্ ডেন্ ধাগেদি বলঅ।

ইব্রীয় 12:2

আর এজঅ, আমা চোগ্‌কুন যীশু উগুরে থির্ রাগেই যিবে বিশ্বেজর্ গড়াগান্ আর পূর্ণতাগান। তা মুজুঙোত্ যে হুজী অনাগান থুয়ো ওইয়্যে সিয়েনত্যে তে অসর্মানর্ ইন্দি রিনি ন-চেইনে ক্রুশীয় মরণান্ সোজ্জ্য গুরিলো আর ইক্কিনে গোজেনর্ সিংহাসন ডেন্ ধাগেদি বৈই আঘে।

ইব্রীয় 4:14

সেনত্যে এজঅ, আমি খুলোমেলা গুরি গোজেনর্ পুয়ো যীশু খ্রীষ্ট উগুরে আমা বিশ্বেজ্‌‌চান স্বীগের্ গুরি যেই, কিয়া তেয়ই আমার দাঙর্ ধর্মগুরু যিবে স্বর্গত যেইনে ইক্কিনে গোজেন মুজুঙোত্ আঘে।

ইব্রীয় 7:27

অন্য দাঙর্ ধর্মগুরুগুনে যেধোক্ক্যেন পত্তমে নিজোর্ আর যেরেদি অন্যগুনোর্ পাপত্যে য়েমান উৎসর্ব গত্তাক্, সেধোক্ক্যেন গুরি এই ধর্মগুরুবোর সিয়েন গুরিবার দরকার ন-এলঅ, কিয়া তে উমরত্যে এক বার্ নিজোর্ জিংকানিগান উৎসর্ব গুরিনে সেই কামান থুম্ গোজ্জ্যে।

ইব্রীয় 8:1

আমি যিয়েন কোর্ সিয়েনর আজল্ কধাগান অলঅ ইয়েন, আমার এমন্‌ এক্কো দাঙর্ ধর্মগুরু আঘে যিবে স্বর্গত্ দাঙর্ গোজেন সিংহাসনর্ ডেন্ ধাগেদি বৈচ্চ্যে।

ইব্রীয় 9:16

দান কবলা কামত্ লাগেবার অলে দান কবলাগান্ যে গোজ্জ্যে সিয়েনর্ মরণর্ প্রমাণর্ দরকার,

ইব্রীয় 9:26

সিয়েনই যুনি গরা পত্ত সালে পিত্‌থিমী সৃট্টির লক্কেত্তুন ধুরি আরাম্ভ গুরি তাত্তুন্ ভালোক্‌বার্ দুঘ্ পেইনে মরা পত্ত; মাত্তর্ ইক্কিনে বেক্‌ যুগ্‌কুনোর পরেদি তে এক বারই ফগদাং পেয়্যে যেনে নিজোরে উৎসর্ব গুরি তে পাপ ধাবেই পারে।

১ পিতর 1:21

গোজেনে তারে মরণত্তুন্ জেদা গুরি তুলিনে মহিমা দান গোজ্জ্যে আর তা মাধ্যমে তুমি গোজেন উগুরে বিশ্বেজ্ গোজ্জ্য; আর সেনত্যে তমার্ বিশ্বেজ্ আর আজা গোজেন উগুরে আঘে।

১ পিতর 3:22

যীশু স্বর্গত্ যেয়্যে আর ইক্কিনে গোজেনর্ ডেন্ ধাগেদি আঘে, আর স্বর্গদূত্‌তুনে, খেমতার্ অধিকারীগুনে আর শাসনগুরিয়্যেগুনে তা অধীনত্ আঘন্।

২ পিতর 1:16

আমা প্রভু যীশু খ্রীষ্টর খেমতা আর তার্ এযানা পৌইদ্যেনে তমারে জানেবাত্যে যেইনে আমি কনঅ বানেইয়্যে কিত্ত্যে ন-কোই; আমি তার মহিমাগান নিজো চোগেদি দেক্ক্যেই।

২ পিতর 1:17

“ইবে মর্ কোচ্‌পেইয়্যে‌ পুয়ো, ইবে উগুরে মুই ভারী হুজী,” স্বর্গত্তুন্ কোইয়্যে এই কধাগান্দোই খ্রীষ্ট বাবা গোজেনত্তুন্ সর্মান আর বাঈনী পেইয়্যে।

১ যোহন 1:7

মাত্তর্ গোজেনে যেধোক্ক্যেন পহ্‌রত আঘে আমিয়ো যুনি সেধোক্ক্যেন পহ্‌রত চলিই সালে আমা ভিদিরে উদোন্-বজন্ থায় আর তা পুয়োবো যীশুর লো-গান্দোই বেক্ পাপ্পানিত্তুন্ আমারে সিজি গরে।

১ যোহন 3:5

তুমি দঅ কোই পারঅ যে, আমা পাপ্পানি ধাবেই দিবাত্যে খ্রীষ্ট ফগদাং ওইয়্যে। খ্রীষ্ট ইধু কনঅ পাপ নেই। যিগুনে খ্রীষ্ট সমারে থান্ তারা পাপত্ পড়ি ন-থান্।

ফগদাং পেইয়্যে 3:21

“মুই জিদিনেই যেধোক্ক্যেন গুরি মঅ বাবা সমারে তা সিংহাসনানত্ বোস্যং, ঠিগ্ সেধোক্ক্যেন যে জিদিবো তারে মুই মঅ সমারে মঅ সিংহাসনানত্ বুজিবার্ অধিকার দিম।

ফগদাং পেইয়্যে 4:11

“আমার প্রভু আর গোজেন, তুই বাঈনী, সর্মান আর খেমতা পেবার যগাজ্যে, কিয়া তুয়ই বেক্কানি সৃট্টি গোজ্জ্যস্; আর তরই আওজে সিয়েনি বেক্কানি সৃট্টি ওইয়্যে আর থিগি আঘে।”