ইব্রীয় 1:2 - Chakma Bible

² মাত্তর্ এ দিনুনোর্ শেজদি তে তার্ পুয়োবোরে দিইনে আমা ইধু কধা কোইয়্যে। গোজেনে তা পুয়োবোরে বেক্কানির অধিকারী অবাত্যে বেঈ লোইয়্যে। পুয়োবোরে দিইনে তে বেক্কানি সৃট্টি গুরিলো।

ইব্রীয় 1:2 Iomraidhean Croise

পত্থম 49:1

পরেদি যাকোবে তা পুয়োগুনোরে ডাগিনে কলঅ, তুমি বেক্কুনে মঅ কায়-কুরে এজঅ। আগাম্ তমা জীংকানিত্‌ যিয়েনি ঘুদিবো সিয়েনি মুই তমারে কোই দোঙর্‌।

যিশাইয় 2:2

শেজ্‌কালত্ বেক মুড়োমুড়িগুনো ভিদিরেত্তুন্ সেই মুড়োবোরে বেগত্তুন্ অজলত্ তুলো অবঅ যিয়েনত্ লগেপ্রভুর্ ঘর্ আঘে। চিগোন চিগোন মুড়োগুনোত্তুন্ সিবেরে অজলত্ তুলো অবঅ, আর বেক্ জাদ্‌তুনে পানি গঙার ধোক্ক্যেন তান্দি যেবাক্।

যিশাইয় 44:24

লগেপ্রভু, যিবে তর্ উদ্ধোরগুরিয়্যে, যিবে তরে পেদত্ দাঙর্ গোজ্যে তে কোইয়্যেদে, “মুই লগেপ্রভু; মুয়ই বেক্কানি বানেয়োং। মুই গায় গায় আগাজ্‌‌চানরে বিজেই দুয়োং আর নিজেই পিত্‌থিমীগানরে মেলি দুয়োং।‌

যিশাইয় 45:12

মুয়ই পিত্‌থিমীগানরে বানেইনে তা উগুরে মানুচ্চুনোরে বানেয়োং; মুই নিজো আঢে আগাজ্‌চানরে বিজেই দুয়োং আর আগাজর বেলান্, চানান্ আর তারাগুনোরে বোজেই দুয়োং। ‌‌‌‌‌‌‍‌‌‌‌‌‌

যিশাইয় 45:18

লগেপ্রভু, যিবে দাঙর্ আগাজ্‌‌চান বানেয়্যে, তেয়ই গোজেন; যিবে পিত্‌‌থিমীগানর আরুগ্ দিয়্যে আর বানেয়্যে, তেয়ই সিয়েন থিদেবর্ গোজ্যে। তে বজত্তি গুরিবার অযোগ্য গুরি পিত্‌থিমীগান ন-বানায়, বরং মানুচ্চুনে যেনে বজত্তি গুরি পারন্ সেবাবোত্যেগুরি সিয়েন বানেয়্যে। তে কোইয়্যেদে, মুয়ই লগেপ্রভু, আর কনজন নয়।‌

যিরমিয় 30:24

লগেপ্রভু যেদক্কন সং তা মনর্ আজাগান্ গমেডালে কামত্ ন-লাগায় সেদক্কন সং তার্ দর্‌গরেপারা রাগ্‌কান ফিরি ন-যেবঅ। আগামিদি তুমি ইয়েন বুঝি পারিবা।‌‌‌‌‍‌‌‌‌‌‍‌

যিরমিয় 48:47

মাত্তর্ আগামিদি মুই মোয়াবর অবস্থা ফিরেম। মুই লগেপ্রভু এ কধাগান কঙর্।” মোয়াবর বিচেরর কধা ইয়োত্ থুম্ ওইয়্যে।

যিহিষ্কেল 38:16

দেজ্‌‌‌চান মেঘ ধোক্ক্যেন গুরি নাঢি ফেলেবাত্তে তুই মঅ মানুচ্ ইস্রায়েল বিরুদ্ধে উজেই এবে। ও গোগ, শেজ্ কালত্ মুই মঅ দেজ্‌‌‌‌‌চান বিরুদ্ধে তরে আনিম। সেক্কে মুই জাদ্‌‌‌‌‌তুনোর চোগো মুজুঙোত্ তঅ ভিদিরেদি নিজোরে সুদ্ধো-সাংগ বিলি দেগেম্ যেনে তারা মরে হবর্ পান।

দানিয়েল 10:14

আগামিদি তঅ মানুচ্চুনো উগুরে যিয়েনি ঘুদিবো সিয়েনি তরে বুঝিবাত্তে মুই ইক্কিনে তইদু এচ্চ্যং, কিত্যে দর্শনর ভিদিরেদি যে সময়র্ কধা কুয়ো ওইয়্যে সিয়েনি এজঅ ন-এজে।”

দানিয়েল 2:28

মাত্তর্ স্বর্গত্ এক্কো গোজেন আঘে যিবে গুমুরো বিষয়ে ফগদাং গরে। ভবিচ্চদে যিয়েনি ঘুদিবো সিয়েনি তে রাজা নবূখদ্‌‌‌‌‌নিৎসররে জানেয়্যে। তর্ স্ববনান্, অত্তাৎ বিচ্ছোনত্ পড়িনে যে দর্শনান্ তুই দেখ্যচ্ সিয়েন মুই ইক্কিনে কোম্।

হোশেয় 3:5

সে পরেদি তারা তারার্ গোজেন লগেপ্রভুর আর তারার্ রাজা দায়ূদো ইন্দি ফিরিবাক্। শেষ্‌‌‌‌‌‌‌‌‌‌কালত্ তারা লগেপ্রভুর বর্ পেবাত্তে দোরেই দোরেই তাইদু এবাক্।

মীখা 4:1

শেজ্‌কালত্ বেক মুড়োমুড়িগুনো ভিদিরেত্তুন্ সেই মুড়োবোরে বেগত্তুন্ অজলত্ তুলো অবঅ যিয়েনত্ লগেপ্রভুর্ ঘর্ আঘে। চিগোন চিগোন মুড়োগুনোত্তুন্ সিবেরে অজলত্ তুলো অবঅ, আর বেক্ জাদ্‌তুনে পানি গঙার ধোক্ক্যেন তান্দি যেবাক্। ‌‌‌

গণাণা 24:14

মুই ইক্কিনে মর্‌ মানুচ্চুনো ইদু ফিরি যাঙর্‌, মাত্তর্‌ তা আগেন্দি মুই তরে উজিয়ার্‌ গুরি কোই দি যাঙর্‌ এই জাদ্‌তো আগামিদি তর্‌ জাদ্‌তো উগুরে কি গুরিবো।”

মথি লেখ্যে গম্ হবর্ 13:39

যে শত্রুবো বীজি ফেলেয়্যে তে অলঅ শদান্, আর শোজ্য কাবিবার অক্তবো অলঅ এ যুগোর্ থুম্ সময়। যিগুনে শোজ্য কাবিবাক্ তারা অলাক্ স্বর্গদূত।

মথি লেখ্যে গম্ হবর্ 17:5

পিতরে যেক্কে কধা কর্ সেক্কে এক্কান্ পোত্‌পোত্যে মেঘে তারারে নাঢি ফেলেল। সেই মেঘ্‌কানত্তুন্ এ কধাগান্ শুনো গেলঅ, “ইবেই মর্ কোচ্‌পেইয়্যে পুয়ো, ইবে উগুরে মুই অমকদ হুজি। তুমি ইবে কধা শুনো।”

মথি লেখ্যে গম্ হবর্ 21:38

মাত্তর্ সেই চাষাবলাগুনে পুয়োবোরে দেগিনে নিজো ভিদিরে কুয়ো-কি গুরিলাক্, ‘ইবেই দঅ সোম্বোত্তির্ গিরোজ পুয়োবো। যেই, আমি তারে মারে ফেলেই, সেক্কে আমি সোম্বোত্তির্ গিরোজ্ অবং।’

মথি লেখ্যে গম্ হবর্ 26:63

মাত্তর্ যীশু অলর্ গুরি থেলঅ। দাঙর্ ধর্মগুরুবো আরঅ তারে কলঅ, “তুই জেদা গোজেনর্ নাঙে শমক্ হেইনে আমারে কঅ, তুই কি সেই মশীহ, অত্তাৎ গোজেনর্ পুয়ো না হি।”

মথি লেখ্যে গম্ হবর্ 28:18

সেক্কে যীশু কায়কুরে এইনে তারারে এ কধাগান্ কলঅ, “স্বর্গর্ আর পিত্‌থিমীর বেক্ খেমতাগান্ মরে দিয়্যে ওইয়্যে।

মথি লেখ্যে গম্ হবর্ 3:17

সেক্কে স্বর্গত্তুন্ কুয়ো অলঅ, “ইবেয়ই মর্ কোচ্‌পানার্ পুয়ো, ইবে উগুরে মুই অমকদ হুজি।”

মার্ক 1:1

গোজেন পুয়ো যীশু খ্রীষ্ট পৌইদ্যেনে গম্ হবরর্ আরাম্ভ।

মার্ক 12:6

সিধু পাধেই দিবাত্তে গিরোজ্‌‌সোর্ বানা তার্ কোচ্‌‌‌‌পানার পুয়ো‍‍বো বাগি এলঅ। তে বেগ যেরেদি পুয়োবোরে পাধেই দিলো; ভাবিলোদে, তারা অন্ততঃ মঅ পুয়োবোরে সর্মান গুরিবাক্।

মার্ক 12:7

মাত্তর্ সেই চাষাবলাগুনে একজন আরেকজন সমারে কুয়োকি গরা ধুরিলাক্, ইবেই দঅ সোম্বোত্তির্ গিরোজ পুয়োবো। যেই, আমি তারে মারে ফেলেই, সেক্কে আমি সোম্বোত্তির্ গিরোজ্ অবং।

যোহন 1:10

তে পিত্‌থিমীত্ এলঅ আর পিত্‌থিমীগান্ তা মাধ্যমে সৃট্টি ওইয়্যে, তো জগদর্ মানুচ্চুনে তারে ন-চিনিলাক্।

যোহন 1:14

সে কধাগানই মানুচ্‌ ওইনে জর্মেল আর আমা ভিদিরে বজত্তি গুরিলো। বাবা গোজেনর্ বানা এক্কো গুরি পুয়ো ইজেবে তার্ যে মহিমা সে মহিমাগান্ আমি দেক্ক্যেই। তে দোয়্যে আর সত্যলোই ভরা।

যোহন 1:3

বেক্কানি সেই কধালোই সৃট্টি ওইয়্যে। আর যিয়েনি সৃট্টি ওইয়্যে সিয়েনি ভিদিরে কনঅ কিজু তারে বাদে সৃট্টি ন-অয়।

যোহন 13:3

যীশু কোই পারিদো, বাবা গোজেনে তা আঢত্ বেক্কানি দিয়্যে। তে আরঅ কোই পারিদো, তে তাত্তুন্ এচ্চ্যে আর তা ইধু ফিরি যার্।

যোহন 13:32

গোজেনর্ মহিমাগান্ যেক্কে তা মাধ্যমে ফগদাং অবঅ সেক্কে গোজেনেয়ো মান্‌জ্য পুয়োবোর্ মহিমাগান্ নিজো ভিদিরে ফগদাং গুরিবো আর সিয়েন্ তে যাদিমাদি গুরিবো।

যোহন 15:15

মুই তমারে আর চাগর্ ন-কং, কিয়া গিরোজে কি গরে চাগরে সিয়েন্ কোই ন-পারে; বরং মুই তমারে সমাজ্যে কোইয়োং, কিয়া মঅ বাবাত্তুন্ যিয়েনি শুন্ন্যং সিয়েনি তমারে কোইয়োং।

যোহন 17:2

তুই তারে বেক্‌ মানুচ্চুনো উগুরে অধিকার্ দুয়োচ্, যেন যিগুনোরে তুই তা আদত্ দুয়োচ্ তারারে বেক্কুনোরে তে উমর্‌অ জিংকানি দি পারে।

যোহন 3:16

“গোজেনে মান্‌জ্যরে এদক্ কোচ্‌পেলদে যে, তার্ বানা এক্কোগুরি পুয়োরে তে দান্ গুরিলো, যেন যে কেঅ সেই পুয়োবো উগুরে বিশ্বেজ্ গরে তে ভস্ত ন-অয় মাত্তর্ উমর্‌অ জিংকানি পায়।

যোহন 3:25

সে সময়োত্ ধর্মর্ সুদোম্ মজিম্ সিজি অনা পৌইদ্যেনে যোহন শিচ্চ্যগুনে এক্কো যিহূদী সমারে তর্কাতর্কি আরাম্ভ গোজ্যন্।

যোহন 5:26

ইয়েনর্ কারনান্ অলঅ, বাপ্পো নিজে যেবাবোত্যেগুরি জিংকানির্ অধিকারী সেবাবোত্যেগুরি তে পুয়োবোরেয়ো জিংকানির্ অধিকারী অবাত্তে দিয়্যে।

যোহন 5:27

বাবে পুয়োবোরে মান্‌জ্যর্ বিচের গুরিবার্ খেমতা দিয়্যে, কিয়া তে মান্‌জ্যপুয়ো।

যোহন 9:29

আমি কোই পারিই গোজেনে মোশি সমারে কধা কোইয়্যে, মাত্তর্ সে মানুচ্চো কুত্তুন্ এচ্চ্যে সিয়েন্ আমি কোই ন-পারিই।”

প্রেরিত্‌ 10:36

গোজেনে ইস্রায়েলীয়গুনো ইধু এ গম্ হবরান্ পাধেয়্যেদে যে, যীশু খ্রীষ্ট, যে বেক্কুনোর প্রভু, তা মাধ্যমে শান্তি পাহ্ যায়।

প্রেরিত্‌ 2:17

শেচ্‌ কালত বেক্‌ মানুচ্চুনো উগুরে মুই মঅ আত্মাগান ঢালি দিম্; সেক্কে তমা পুয়োগুনে আর ঝিগুনে ভাববাদী ইজেবে গোজেন কধা কবাক্, তমা গাবুজ্যেগুনে দর্শন পেবাক্, তমা বুড়ো মানুচ্চুনে স্ববন্ দেগিবাক্।

রোমীয় 8:17

যুনি আমি পুয়ো-ছা ওই থেই সালে গোজেনে তা পুয়ো-ছা গুনোরে যিয়েন দিবো বিলিনে এগেম্ গোজ্জ্যে আমি সিয়েন পেবং। খ্রীষ্ট গোজেনত্তুন্ সিয়েন পেবঅ আর আমিয়ো তা সমারে সিয়েন পেবং; কিয়া যুনি আমি খ্রীষ্ট সমারে দুঘ্ ভুগি পারিই সালে তা সমারে মানীগুণির্‌‌‌অ ভাগি অবং।

১ করিন্হীয় 2:7

আজলে আমি গোজেনর্ জ্ঞানবলা গুমুরো উদ্দেচ্চ্যর্ কধা কোই। সেই উদ্দেচ্চ্যগান লুগেইয়্যে এলঅ আর জগদ্‌তান্ বানেবার আগেদি গোজেনে সিয়েন থির্ গুরি রাগেয়্যে যেন আমি তার্ মহিমার্ ভাগী ওই পারিই।

১ করিন্হীয় 8:6

মাত্তর্ আমাত্তে গোজেন বানা এক্কো আঘে। তেয়ই বাপ্; তাত্তুন্ বেক্কানি এচ্চ্যে আর তাত্তেই আমি বাঁজি আঘিই। আর প্রভুয়ো আমার বানা এক্কো, তে যীশু খ্রীষ্ট। তা মাধ্যমে বেক্কানি এচ্চ্যে আর তা মাধ্যমে আমি বাঁজি আঘিই।

গালাতীয় 4:4

মাত্তর্ সময় পূরেলে পরেদি গোজেনে তা পুয়োবোরে পাধেই দিলো। সেই পুয়োবো মিলে পেদত্ জোর্মেল আর রীতি-সুদোম অধীনোত্ জিংকানি কাদেল,

ইফিষীয় 1:10

তে ঠিগ্ গুরি থোইয়্যেদে যে, সময় পুরেলে পরেদি সেই উদ্দেচ্চ্যগান্ গুরিবাত্যে তে স্বর্গর্ আর পিত্‌থিমীর্ বেক্কানি এগত্তর্ গুরিনে খ্রীষ্টর্ শাসন অধীনোত্ আনিবো।

ইফিষীয় 3:9

ইয়েন বাদে তার গুমুরো উদ্দেচ্চ্যগান যে কিবাবোত্যেগুরি কামত্ লাগা অবঅ সিয়েন ফগদাং গুরিবার্ ভারান্‌অ তে মঅ উগুরে দিয়্যে। বেক্কানির্ সৃট্টিগুরিয়্যে গোজেনে এদক্ বিলোন ধুরি তার্ সেই উদ্দেচ্চ্যগান গুমুরোত্ থোইয়্যে।

দ্বি’লম্বর বিররণ 18:15

তমার গোজেন লগেপ্রভু তমার ইস্রায়েলীয় ভেইয়ুনো ভিদিরেত্তুন তমাত্তে মঅ ধোক্ক্যেন এক্কো ভাববাদী যুক্কোল্‌ গুরিবো। তার কধামঝিম তমাত্তুন চলা পুরিবো।

দ্বি’লম্বর বিররণ 31:29

মুই হবর্‌ পাংগে যে, মর্‌ মরাণার পরেন্দি তুমি এক্কুবারে ভান্ন্যেই ওই যেবা আর যে পদেন্দি মুই তমারে চলিবার উগুম দুয়োঙর্‌ তুমি সিয়েনত্তুন সোরেই যেবা। আগামিদি তমা উগুরে দযা লামি এবঅ, কিত্যে লগেপ্রভুর চোগোত্‌ যিয়েনি ভান্ন্যেই তুমি সিয়েনি গুরিবা আর তমার নিজোর আঢ্‌তোই বানেয়্যে মূত্তিলোই তুমি তারে অখুজি গুরিবা।”

দ্বি’লম্বর বিররণ 4:30

যেক্কেনে তুমি দুগোত্‌ পুরিবা আর এই বেক্কানি তমা উগুরে ঘুদি যেবঅ সেক্কে আগামি দিনুনোত্‌ তুমি তমা গোজেন লগেপ্রভু ইদু ফিরি এবা আর তার্‌ বাধ্য ওইনে চলিবা।

ইব্রীয় 1:5

গোজেনে কনদিন্অ কি কনঅ স্বর্গদূতরে এ কধাগান কোইয়্যে, “তুই মর্ পুয়ো, এচ্চ্যে মুই তর্ বাব্ অলুং”? আরঅ তে কি কোইয়্যে, “মুই ওম্ তার্ বাপ আর তে অবঅ মর্ পুয়ো”?

ইব্রীয় 1:8

মাত্তর্ পুয়োবো পৌইদ্যেনে গোজেনে কোইয়্যেদে, “ও গোজেন, তর্ সিংহাসনান্ উমরত্যে; তর্ শাসনান্ ন্যায়র্ শাসন।

ইব্রীয় 11:3

বিশ্বেজ্‌সোই আমি বুঝি পারিই যে, গোজেন মুয়োর্ কধালোই এই জগদ্‌তান সৃট্টি ওইয়্যে। সিয়েন্দোই বুঝো যায়, যিয়েন আমি দেগির্ সিয়েন কনঅ দেগা জিনিজোত্তুন্ সৃট্টি ন-অয়।

ইব্রীয় 2:3

সালে পাপত্তুন্ উদ্ধোর্ পেবাত্যে গোজেনে ইয়েন যে দাঙর্ বেবস্থা গোজ্জ্যে সিয়েন যুনি আমি য়েলাফেলা গুরিই সালে কেধোক্ক্যেন গুরিনে আমি উদ্ধোর্ পেবং? পাপত্তুন্ উদ্ধোর পেবার কধা পত্তমে প্রভু যীশুই কোইয়্যে আর যিগুনে সিয়েনি শুন্ন্যন্ তারা আমা ইধু সেই উদ্ধোরর্ সত্যগান প্রমাণ গুরি দেগেয়োন।

ইব্রীয় 3:6

মাত্তর্ খ্রীষ্ট সেই পরিবারর্ ভারান-পেইয়্যে পুয়ো ইজেবে বিশ্বেজি-এলঅ। আমার ঘেচ্চ্যেকগুরি আজা আঘে বিলিনে মনত্ যে সাহচ্‌ আর হুজী এজে, সিয়েন্দোই যুনি আমি থুম্ সং থির্ থেই সালে দেগা যেবঅ, আমি গোজেন ঘোর্‌বো।

ইব্রীয় 4:14

সেনত্যে এজঅ, আমি খুলোমেলা গুরি গোজেনর্ পুয়ো যীশু খ্রীষ্ট উগুরে আমা বিশ্বেজ্‌‌চান স্বীগের্ গুরি যেই, কিয়া তেয়ই আমার দাঙর্ ধর্মগুরু যিবে স্বর্গত যেইনে ইক্কিনে গোজেন মুজুঙোত্ আঘে।

ইব্রীয় 5:8

মাত্তর্ গোজেনর্ পুয়ো ওইনেয়ো তে দুঘ্ পানাগান্দোই বাধ্যতাগান শিগেয়্যে।

ইব্রীয় 7:28

রীদি-সুদোমে মন্-মরা মানুচ্চুনোরে দাঙর্ ধর্মগুরু পদত্ নেযায়; মাত্তর্ রীদি-সুদোমর্ পরেদি যে শমক্ গরা ওইয়্যে সেই শমক্‌কান্ উমরত্যে পূরোণ ওইয়্যে গোজেনর্ পুয়োবোরে দাঙর্ ধর্মগুরু পদ্‌তানত্ নেযা ওইয়্যে।

ইব্রীয় 7:3

মল্কীষেদকর্ মা-বাপ বা কনঅ বংশ-নাঙানি ন-এলঅ। গোজেনর্ পুয়োবো ধোক্ক্যেন তা জিংকানির্ আরাম্ভয়ো ন-এলঅ, থুম্অ ন-এলঅ; তে উমরর্ ধর্মগুরু।

ইব্রীয় 9:26

সিয়েনই যুনি গরা পত্ত সালে পিত্‌থিমী সৃট্টির লক্কেত্তুন ধুরি আরাম্ভ গুরি তাত্তুন্ ভালোক্‌বার্ দুঘ্ পেইনে মরা পত্ত; মাত্তর্ ইক্কিনে বেক্‌ যুগ্‌কুনোর পরেদি তে এক বারই ফগদাং পেয়্যে যেনে নিজোরে উৎসর্ব গুরি তে পাপ ধাবেই পারে।

১ পিতর 1:20

পিত্‌থিমীগান বানেবার আগেদি গোজেনে ইয়েনত্যে তারে ঠিগ্ গুরি থোইয়্যে, মাত্তর্ এই থুমো সময়োত্ তমাত্যে তে ফগদাং ওইয়্যে।

২ পিতর 3:3

পত্তমে এ কধাগান মনত্ রাগেয়ো, যিগুনোর্ গম কাম পৌইদ্যেনে ঠাট্টা-তামাজা গরানার্ খাচ্চ্যদ্ তারা শেজ্ কালত্ এইনে ঠাট্টা-তামাজা গুরিবাক্। তারা নিজোর্ কামনা-বাচনালোই চলিবাক্,

যিহূদা 1:18

তারা তমারে এ কধাগান কধাক্, “ঠাট্টা-তামাঝা গরানা যিগুনোর্ খাচ্চ্যত্ তারা শেজ্ সময়োত্ এবাক আর তারার ভোক্তি নেইয়্যে কামনা-বাসনা মজিম চলিবাক্।”