হগয় 2:3 - Chakma Bible

³ তমা ভিদিরে এমন কন্না আঘে যিবে এই ঘরানরে তার পুরোণি সয়-সাগোজ্যে অবস্থায় দেখ্যে? আর ইক্কিনে সিয়েন কেধোক্ক্যেন দেগর্? তমা ইধু কি মনে ন-অর্ যে, আগ তুলোনায় ইয়েন কিচ্ছু নয়?

হগয় 2:3 Iomraidhean Croise

১ বংশধর 22:5

দায়ুদে কলঅ, “মর্‌ পুয়োবো শলোমন বয়সছান কম্‌ আর তার্‌ অভিজ্ঞতায়ো কম্‌, মাত্তর্‌ লগেপ্রভুত্তে যে ঘরান্‌ বানা পড়িবো সিয়েন্‌ যেনে বেক্‌ জাদ্‌তুনো চোগোত্‌ নাঙ্‌গোজ্যে আর যদবদে আর বাঈনী গরে পারা অয়। সেনত্তে তাত্তে মুই বেক্কানি যুক্কোল্‌ গুরি রাগেম্‌।” ইয়েন্‌ কোইনে দায়ূদে তার্‌ মুরিবার আগেন্দি ভালোক্কানি আয়োজন গুরি রাগেল।

ইষ্রা 3:11

লগেপ্রভুরে বাঈনী আর ভালেদির্ গীত্ গাদে গাদে তারা গেলাক্, তে ভালেদিগুরিয়্যে, ইস্রায়েল উগুরে তার্ কোচ্‌‌‌পানাগান্ উমরত্যে থিদেবর্ গোজ্যে। লগেপ্রভুর ঘরর গড়াগান্ থিদেবর্ গরা ওইয়্যে বিলিনে বেক্ মানুচ্চুনে অমকদ রঅ ছাড়িনে লগেপ্রভুরে বাঈনী গুরিলাক্।

ইষ্রা 3:12

মাত্তর্ ভালোকজনে যেক্কেনে হুজিয়ে রঅ ছাড়ি উদিলাক্ সেক্কে যিগুনে আগ উবোসনা ঘরান্ দেখ্যন সেধোক্ক্যেন বোউত্ বুড়ো ধর্মগুরু, লেবীয় আর বংশর নেতা এই উবোসনা-ঘরর গড়াগান থিদেবর্ গত্তে দেগিনে রঅ ছাড়ি ছাড়ি কানা ধুরিলো।

যিশাইয় 64:10

তর্ সুদ্ধো-সাংগ শঅরানি ধূল্যেচর চাগালা ওই যেইয়্যে; এমন্ কি, সিয়োনর্‌‌অ সেই অবস্থা ওইয়্যে, অয়, যিরূশালেম মানুচ্ নেইয়্যে ওইয়্যে।

যিহিষ্কেল 7:20

তারার্ দোল্ সোনানিলোই তারা বাড়্‌বো গুরিদাক্ আর সিয়েনিলোই তারার্ জঘন্য মূত্তি আর মূত্তিগুন বানেদাক্। সেনত্তে মুই তারাত্তে সিগুন অসিজি গুরি দিম্।

হগয় 2:9

আগ ঘরর্ সয়-সাগোজ্যেত্তুন্ ইক্কিনে ঘরর্ সয়-সাগোজ্যেগান আরঅ বেশ্ অবঅ। এ জাগানত্ মুই ভালেদি আনিম। মুই বেগত্তুন্ খেমতাবলা গোজেন লগেপ্রভু এ কধাগান কঙর্।’ ”