হগয় 2:11 - Chakma Bible

¹¹ “মুই বেগত্তুন খেমতাবলা লগেপ্রভু কঙর্, রীদি-সুদোম পৌইদ্যেনে তুই ধর্মগুরুগুনোরে এ কধাগান পুযোর্ গর্,

হগয় 2:11 Iomraidhean Croise

যিহিষ্কেল 22:26

তার ধর্মগুরুগুনে মর্ রীদি-সুদোম বিরুদ্ধে কাম্ গরন আর মর্ সুদ্ধো-সাংগ জিনিস্‌চানি অসিজি গরন। যিয়েনি সিজি আর যিয়েনি সিজি নয় তারা সিয়েনি এক গুরি ফেলান্; তারা সিজি আর অসিজি ভিদিরে যে ফারক্কান্ আঘে সে পৌইদ্যেনে শিক্ষ্যে ন-দুয়োন্ আর মর্ জিরেবার দিনুন পালানা পৌইদ্যেনে চোগ্‌‌‌‌‌‌‌‌‌‌‌কুন নাঢি রাগান্। ইয়েনত্ তারা ভিদিরে মঅ নাঙানর্ পবিত্রতাগান বর্‌‌‌‌‌‌‌‌‌‌‌‌বাত্ অর্।

মালাখি 2:7

আজলে গোজেন আওজ পৌইদ্যেনে শিক্ষ্যে দেনা ধর্মগুরুগুনোর উচিত্ যেনে সেই শিক্ষ্যেগান আযি ন-যায়। ইয়েনি বাদেয়ো গোজেন কধানি জানিবাত্তে ধর্মগুরুগুনো ইধু মানুচ্চুনোর্ যানা উচিত, কিত্যে তারা বেগত্তুন্ খেমতাবলা লগেপ্রভুর হবর্ হোইয়্যে।

দ্বি’লম্বর বিররণ 33:10

তর্‌ উগুমানি তে যাকোবরে শিগায়, আর রীদি-সুদোমানি শিগায় ইস্রায়েলরে। তে তমা মুজুঙোত্‌ আগর্‌বাট্টি জ্বালায়, তর্‌ ডালি ঘর উগুরে পুজ্যে-উৎসর্ব গরে।

তীত 1:9

গোজেনর্ বিশ্বেজবলা কধানি, যিয়েনি মুই শিক্ষ্যে দুয়োং, তাত্তুন্ সিয়েনি দরমর গুরি ধুরি থা পরিবো, যেন সত্য শিক্ষ্যে পৌইদ্যেনে তে প্রচার গুরি পারে আর যিগুনে বিরুদ্ধে যান্ তারারে ভুলানি দেগেই দি পারে।