হগয় 1:9 - Chakma Bible

⁹ “তুমি বোউত্ ফসল পেবার্ আজা গোজ্য, মাত্তর্ কম পেইয়ো। তুমি যিয়েনি ঘরত্ আন্য সিয়েনি মুই উড়েই দুয়োং। কিত্তে দুয়োং? মঅ ঘরত্তে সিয়েনি গোজ্যং, কিত্যে সেই ঘরান ভস্ত ওই পড়ি আঘে আর ইন্দি তুমি পত্তিজনে নিজো নিজো ঘর্‌লোই কামত্ আগঅ।‌

হগয় 1:9 Iomraidhean Croise

২ শমূয়েল 21:1

দায়ূদোর রাজাগিরি গরানার সলাবোত্‌ উদোউত্যে তিন বজর সং ভাদরাত্‌ ওইয়্যে। সেনত্তে দায়ূদে লগেপ্রভু ইদু ইয়েনর কারণান পুযোর্‌ গুরিলো। জোবত্‌ লগেপ্রভু কলদে, “ইয়েন্‌ ওইয়্যেদে শৌল আর তা গুট্টিগুনোত্তে। তারা লো ঝরানার্ দুজে দুষী; শৌল গিবিয়োনীয়গুনোরে মারে ফেলেয়্যে।”

২ শমূয়েল 22:16

লগেপ্রভুর ধমক্কোই আর নিজেযর্‌ তেলাই সাগর তলাগান দেগা গেল, পিথ্‌তিমীর ভিদিরেগান নিগিলিলো।

২ রাজাবলী 19:7

শুন্‌, মুই তা ভিদিরে এন্‌ এক্কান্‌ মনোভাব জাগেই দিম্‌ যিয়েনত্তে তে এক্কান্‌ হবর্‌ শুনিলে তা দেজত্‌ ফিরি যেবঅ আর সিদু মুই তারে লাম্বা ছুড়িলোই শেজ্‌ গুরি দিম্‌।’ ”

ইয়োব 10:2

ও গোজেন, মরে দুযি ন-গুরিচ্‌, মাত্তর্‌ মঅ বিরুদ্ধে তর্‌ যে আবিত্তি আঘে সিয়েন্‌ মরে কঅ।

গম্ উপদেজ্ 11:24

যে কনজনে গম্ মনে দান গরে তে আরঅ বেশ্ পায়; আরঅ যে কনজনে যগাজ্যেগুরি খরচ্ গুরিবাত্তে অস্বিগের্ গরে তে অভাবত্ পড়ে।

গম্ উপদেজ্ 27:20

গোর জাগা আর নরগর্ যেধোক্ক্যেন কনদিন্অ ঈল্ ন-অয়, সেধোক্ক্যেন্ মান্‌‌জ্য চোগোর্‌‌অ ঈল্ ন-অয়।

উপদেশক 1:8

বেক্কানি ঘুরি ঘুরি এজে আর বল্‌পোজ্যে অয়; সে পৌইদ্যেনে কবার্ কধা কারর্ নেই। চোগ্‌কুনে যেদক্ দেগিদাক্ সাৎ আরঅ দেগিবাত্তে চায়, কানানিয়ে যেদক্ শুনিদো সাৎ আরঅ শুনিবাত্তে চায়।

যিশাইয় 40:7

ঘাস শুগেই যায় আর ফুলঅ ছিনি পড়ে, কিত্তে লগেপ্রভুর নিজেস্‌ছো সিগুনো উগুরেদি বেই যায়। ঘেচ্চেক্‌গুরি মানুচ্ দঅ ঘাস ধোক্ক্যেন্।

যিশাইয় 5:10

ত্রিশ বিঘা আংগুর খেদত্তুন্ বানা বেইশ্ লিটার আংগুর-রস পাহ্ যেবঅ, আর এজশঅ আশি কেজি বিজ্ ফেলেইনে বানা আদার কেজি শোজ্য জর্মেব।”

যিরমিয় 12:13

তারা লাগেয়োন গম মাত্তর্ কাব্‌‌‌পোন্দে কাদা; তারা জদবদে কাম্ গোজ্যন মাত্তর্ কিচ্চু ন-পান। লগেপ্রভুর জ্বোল্‌জোল্যে রাগর কারনে তুমি তমার খেত্‌‌‌‌খেত্তি কাবিবার লাজানাগান পঅর্।‌”

যিহিষ্কেল 21:31

মঅ রাগ্‌‌‌‌‌কান মুই তমা উগুরে ঢালি দিম আর তমা বিরুদ্ধে মর্ অমকদ রাগর্ আগুনোত্ ফুন্ দিম। মুই তমারে এমন চিৎনপুজ্যে মান্‌‌‌‌‌‌‌জ্য আঢত্ তুলি দিম যিগুনে ভস্ত গুরিবার কামত্ কাবিল্।

লেবীয় 19:25

পাঁচ বজরত্তুন্‌ ধুরি তুমি সে গাজর্‌ ফলুন্ হেই পারিবা। সেক্কে তমার গাজ্‌চুনোত্‌ ভালোক্কুন্‌ ফল্ অবাক্‌। মুই লগেপ্রভু তমার গোজেন।

হগয় 1:4

ইয়েন কি ঠিগ্ অর্, তুমি নিজে আড়ুগো কাম গোজ্যে ঘরত্ আঘ আর মঅ ঘরান্ ভস্ত ওইয়্যে কুড়্ ওই পড়ি আঘে?

হগয় 1:6

তুমি বোউত্ লাগেয়ো, মাত্তর্ কম্ কাপ্প্য। তুমি হেই থাগঅ, মাত্তর্ কনদিন্‌অ ঈল্ ন-অয়। তুমি আংগুর-রস হেই থাগঅ, মাত্তর্ যদেষ্ট ন-পঅ। তুমি কাবর-চুগোর্ কিয়্যেনত্ দুয়ো, মাত্তর্ সিয়েনিলোই কিয়্যে উমুম্ ন-অয়। তুমি বেতন পেইনে কানা থৈল্যেত্ রাগঅ।

দ্বি’লম্বর বিররণ 28:38

তুমি বোউত্ লাগেবা মাত্তর্‌ কাবিবাদে কম, কিত্যে পুগ্-যুগ্‌কুনে ফলুন খেই ফেলেবাক।

ফগদাং পেইয়্যে 2:4

তো তঅ বিরুদ্ধে মর্ এ কধাগান কবার্ আঘে, মঅ উগুরে পত্তমে তর্ যেবাবোত্যে কোচ্‌পানাগান এলঅ সিয়েন তুই আযেই ফেলেয়োচ্।

ফগদাং পেইয়্যে 3:19

মুই যিগুনোরে কোচ্‌পাং সিগুনোরে দুষ্ দেগেই দুয়োং আর শাসন গরং। সেনত্যে এ অবস্থাত্তুন্ মনানি ফিরেবাত্যে আওজি অং।