হগয় 1:6 - Chakma Bible

⁶ তুমি বোউত্ লাগেয়ো, মাত্তর্ কম্ কাপ্প্য। তুমি হেই থাগঅ, মাত্তর্ কনদিন্‌অ ঈল্ ন-অয়। তুমি আংগুর-রস হেই থাগঅ, মাত্তর্ যদেষ্ট ন-পঅ। তুমি কাবর-চুগোর্ কিয়্যেনত্ দুয়ো, মাত্তর্ সিয়েনিলোই কিয়্যে উমুম্ ন-অয়। তুমি বেতন পেইনে কানা থৈল্যেত্ রাগঅ।

হগয় 1:6 Iomraidhean Croise

২ শমূয়েল 21:1

দায়ূদোর রাজাগিরি গরানার সলাবোত্‌ উদোউত্যে তিন বজর সং ভাদরাত্‌ ওইয়্যে। সেনত্তে দায়ূদে লগেপ্রভু ইদু ইয়েনর কারণান পুযোর্‌ গুরিলো। জোবত্‌ লগেপ্রভু কলদে, “ইয়েন্‌ ওইয়্যেদে শৌল আর তা গুট্টিগুনোত্তে। তারা লো ঝরানার্ দুজে দুষী; শৌল গিবিয়োনীয়গুনোরে মারে ফেলেয়্যে।”

১ রাজাবলী 17:12

জোবত্‌ সে রানিমিলেব কলঅ, “তঅ গোজেন জেদা লগেপ্রভুর নাঙে শমক্‌ হেইনে কঙর্‌, মইদু এক্কান্‌অ রুটি নেই। পিলেবোত্‌ বানা এক মুঠ্‌ ময়দ্যে আর জক্কোত্‌ এক্কানা তেল্‌ আঘে। ঘরত্‌ নেযেবাত্তে মুই কদক্কানি দার্‌বো কুড়োঙর্‌; সিয়েন্‌দোই মর্‌ আর মর্‌ পূঅবোত্তে কিজু হানা বানেম্‌। সে পরেন্দি সিয়েন্‌ হেইনে আমি মুরিবোঙ্‌।”

নহিমিয় 5:2

কয়েকজনে কদন্‌, “আমি আমা ঝি-পূঅগুন্দোই মান্‌জ্যন্দি ভালোক্কুন্‌; খেইনে বাঁজি থেবাত্তে আমার্‌ অমকদ ভাদঅ্‌ দরকার্‌।”

ইয়োব 20:22

তার বোউত্‌ কিজু থানার্‌ সময়ত্‌অ তে দুঘোত্‌ পুরিবো। দুঘ্‌কানে তার্‌ পুরো খেমতালোই লোইনে তা উগুরে এবঅ।

ইয়োব 20:28

বান পানিয়্যে তা ঘরানর বেক্কানি নেযেব, গোজেনর রাগর্ দিনোত্‌ সিয়েনি পুরোপুরি ধোয় নেযেব।

গীতসংহিতা 107:34

আর ফসল জর্মেয়্যে ভূইয়ানিরে গরে নুনো খলা। যিগুনে সিদু বজত্তি গরন তারার পাজিগানির কারনে তে ইয়েনি গরে।

গম্ উপদেজ্ 11:24

যে কনজনে গম্ মনে দান গরে তে আরঅ বেশ্ পায়; আরঅ যে কনজনে যগাজ্যেগুরি খরচ্ গুরিবাত্তে অস্বিগের্ গরে তে অভাবত্ পড়ে।

যিশাইয় 5:10

ত্রিশ বিঘা আংগুর খেদত্তুন্ বানা বেইশ্ লিটার আংগুর-রস পাহ্ যেবঅ, আর এজশঅ আশি কেজি বিজ্ ফেলেইনে বানা আদার কেজি শোজ্য জর্মেব।”

যিরমিয় 12:13

তারা লাগেয়োন গম মাত্তর্ কাব্‌‌‌পোন্দে কাদা; তারা জদবদে কাম্ গোজ্যন মাত্তর্ কিচ্চু ন-পান। লগেপ্রভুর জ্বোল্‌জোল্যে রাগর কারনে তুমি তমার খেত্‌‌‌‌খেত্তি কাবিবার লাজানাগান পঅর্।‌”

যিরমিয় 14:4

মাদি ফাদি যেইয়্যে, কিত্তে দেজত্ কনঅ ঝড় ন-অয়; চাষ গুরিয়্যেগুনে মন-ভাঙালা ওইনে মাঢাত্ আত্ দুয়োন।

যিরমিয় 44:18

মাত্তর্ যেক্কেত্তুন্ ধুরি আমি আগাজ-রাণী নাঙে আগর্‌বাট্টি জ্বালানা আর পানীয়-উৎসর্ব গরানা ন-থামেলং, সেক্কেত্তুন ধুরি আমার্ অভাব অর্ আর আমি যুদ্ধো আর ভাদ রাদে ভস্ত ওই যের্।”

হোশেয় 4:10

তারা হেবাক্ মাত্তর্ ঈল্ ন-অবঅ; তারা বেভিচের্ গুরিবাক্ মাত্তর্ জনেদি ন-বাড়িবাক্, কিয়া তারা মূত্তি পূজোর্ কারনে লগেপ্রভুরে ছাড়ি যেইয়োন।

হোশেয় 8:7

তারা দঅ বোইয়্যেরানরে কুজোন্ আর শেজদি তুট্ট্যে বোইয়্যের্ কাবন্। শোজ্য শীজোত্ কনঅ বিজি নেই; সিয়েনত্তুন মোয়দ্যে ন-অবঅ। যুনি সিগুনোত্ কিজু অয়ও সালে সিগুন বিদেশীগুনে গিলি ফেলেবাক্।

লেবীয় 26:20

সেক্কে তুমি অনত্তক্ কাম গুরিনে মুরিবা; তমার ভূইয়োত্‌ সেক্কে ফসলঅ ন-অবঅ, গাজ-বাজত্‌ গুলোগুলিও ন-ধুরিবাক্।

লেবীয় 26:26

মুই তমারে হানার্‌ অভাব-অনটনত্‌ ঘোদেম্‌। সেক্কে দশজন মিলের্‌ রুটি সেঁক্‌কে এক্কোত্তুন্‌ বেশ্‌ চুলো ন-লাগিবো, আর হেবার্‌ অক্তত্‌ তুমি রুটি মাবি মাবি দিবা। তুমি পেট ভুরি হেই ন-পেবা।

হগয় 1:10

সেনত্তেই তমাত্তে আগাশ্‌‌‌চানে তার শিরো পানি পড়ানা আর ভূইয়ো খেত-খেত্তিগানি দেনা বন্ধ গুরি দিয়্যে।

হগয় 1:5

মুই বেগত্তুন্ খেমতাবলা লগেপ্রভু কঙর্, তুই কিবাবোত্যেগুরি চলর্ সিয়েন গমেডালে চিন্তে গুরি চাহ্।

হগয় 1:7

সেনত্তে তুমি কেনে চলর্ সিয়েনি গমেডালে চিন্তে গুরি চঅ।

হগয় 1:9

“তুমি বোউত্ ফসল পেবার্ আজা গোজ্য, মাত্তর্ কম পেইয়ো। তুমি যিয়েনি ঘরত্ আন্য সিয়েনি মুই উড়েই দুয়োং। কিত্তে দুয়োং? মঅ ঘরত্তে সিয়েনি গোজ্যং, কিত্যে সেই ঘরান ভস্ত ওই পড়ি আঘে আর ইন্দি তুমি পত্তিজনে নিজো নিজো ঘর্‌লোই কামত্ আগঅ।‌

হগয় 2:16

কনজনে যেক্কে কুড়িমন শোজ্য কুড় কায়কুরে এদঅ সেক্কে সিয়েনত্ পেদঅ বানা দশ মণ। যেক্কে কনজনে পঞ্চাশ লিটার আংগুর-রস নিবাত্তে আংগুর-রস থোইয়্যে কুম্মো ইধু যেদঅ সেক্কে সিয়েনত্ থেদঅ বানা কুড়ি লিটার।

হগয় 2:17

মুই খেত-খেত্তি শুগেই যেইয়্যে রুগ্ আর ছুমো রুগ্ আর শিলো ঝড়ে তমা আঢর্ বেক কামানিরে আঘাত্ গোজ্যং, মাত্তর্ তো তুমি মইন্দি ন-ফিরো।

সখরিয় 5:4

বেগত্তুন্ খেমতাবলা লগেপ্রভু কত্তে, ‘মুই সেই অভিশাব্‌পান্ পাদেম্ আর তা চুরুনো ঘরত্ আহ্ মঅ নাঙে মিজে শমক্ হেইয়্যেগুনোর্ ঘরত্ যেইনে সুমিবাক্ আর তারা ঘরত্ থেইনে তক্তা আর পাত্তর্ সুদ্ধো ভস্ত গুরি ফেলেবাক্।’ ”

সখরিয় 8:10

সেই কামান্ আরাম্ভ গুরিবার আগে কনজনে মান্‌‌জ্যর বেতন বা য়েমান ভাড়া দি ন-পারিদাক্, কিত্যে মুয়ই পত্তি জনরে তার পাড়াল্যেগুনো বিরুদ্ধে উচ্চোমি দুয়োং।‌‌

দ্বি’লম্বর বিররণ 28:17

তমা ফসলর কাল্লোঙুন্‌ আর ময়দে থবার পিলেগুনে অভিশাব্ পেবাক।