হগয় 1:4 - Chakma Bible

⁴ ইয়েন কি ঠিগ্ অর্, তুমি নিজে আড়ুগো কাম গোজ্যে ঘরত্ আঘ আর মঅ ঘরান্ ভস্ত ওইয়্যে কুড়্ ওই পড়ি আঘে?

হগয় 1:4 Iomraidhean Croise

২ শমূয়েল 7:2

রাজা সেক্কে একদিন্যে ভাববাদী নাথনরে কলঅ, “চাহ্, মুই বজত্তি গরঙর্‌ এরস তক্তার্‌ ঘরত্‌ আর গোজেন সুন্দুক্কো আগেদে তাম্বুলোত্‌।”

২ রাজাবলী 5:26

মাত্তর্‌ ইলীশায় তারে কলঅ, “সে মানুচ্চো যেক্কে তঅ লগে দেগা গুরিবাত্তে রথ্‌তানত্তুন্‌ লাম্মে সেক্কে মর্‌ মনানে কি তঅ লগে ন-যায়? টেঙা-পোইজ্যে, কাবড়্‌-চুগোড়্‌, জলপাইয়োর্‌ বাগান, আংগুর-ক্ষেত, গোরু-ছাগল-ভেড়া আর চাগর্‌-চাগরানী নেযেবার্‌ ইবে কি সময়?

গীতসংহিতা 102:14

তা শীল পাত্তরুন্ তঅ চাগরুনো ইদু কোচ্‌পানার্; তার ধূল্যেকণাগুনো উগুরেয়ো তারার মেয়্যে আঘে।

গীতসংহিতা 74:7

তর্ সুদ্ধো-সাংগ জাগানত্ তারা আগুন বাজেই দুয়োন্, তর্ থেবার জাগানত্ মাদি সমারে মিজেইনে অসিজি গোজ্যন্।

উপদেশক 3:3

মারে ফেলেবার্ সময় আর গম্ গুরিবার সময়, ভাঙি ফেলেবার্ সময় আর বানেবার্ সময়,

যিরমিয় 22:14

অভিশাব্ পোড়োক তার, যে মানুচ্চো কয়, ‘মুই নিজোত্তে এক্কান দাঙর্ ঘর্ বানেম যিয়েনর উগুরে তলাত্ থেবঅ দাঙর্ দাঙর্ ঘুদি। মুই সিয়েন ভিদিরে দাঙর্ দাঙর্ জানালা বোজেম আর সিয়েনর তক্তানি এরস গাজ্‌চোই বানেম আর রাঙা রঙোই সাজেম‍।’‍‍‌

যিরমিয় 26:18

“যিহূদার রাজা হিষ্কিয়র সময়োত্ মোরেষ্টীয় মীখা ভাববাদী ইজেবে কধা কদঅ। তে যিহূদার মানুচ্চুনোরে কোইয়্যেদে, ‘বেগত্তুন খেমতাবলা লগেপ্রভু কোইয়্যেদে, সিয়োনানরে ক্ষেদ ধোক্ক্যেন গুরি চাষ গরা অবঅ, যিরূশালেমান অবঅ ভস্তর্ কুড়্ আর উবোসনা-ঘরর মুড়োবো ঘন ঝুব্-ঝাড়ে নাঢা পড়িবো।’

যিরমিয় 26:6

তুমি যুনি এবাবোত্যেগুরি থাগঅ সালেন্ মুই এ ঘরানরে শীলো ধোক্ক্যেন গুরিম আর এমন গুরিম যেনে পিত্‌থিমীর বেক জাদ্‌‌‌‌‌‌‌‌তুনে এ শঅর নাঙান্দোই অভিশাব্ দুয়োন‌‌‌‌‌।’ ”

যিরমিয় 33:10

“তুমি এ জাগান পৌইদ্যেনে কোই থাগঅ, ‘ইয়েন এক্কান ফেলা যেইয়্যে ভূই; ইয়েনত্ মানুচ্ বা য়েমান কিচ্চু নেই।’ মাত্তর্ যিহূদার যে শঅরানি আর যিরূশালেমর যে পথ্‌তানি খালি পড়ি আঘে, সিয়েনত্ মানুচ্ বা য়েমান বজত্তি ন-গরন সিয়েনত্ আরঅ ফুত্তি আর হুজির্ রঅ বা নেগ-মোগোর্ রঅ শুনো যেবঅ; যিগুনে লগেপ্রভুর ঘরত্ ভালেদি উৎসর্বত্তে জিনিস আনিবাক্ তারার্ রঅগুনো শুনো যেবঅ। তারা কবাক্, ‘বেগত্তুন্ খেমতাবলা লগেপ্রভুরে সাধুবাদ্ দুয়ো, কিত্তে লগেপ্রভু মংগলময়, তার অমকদ কোচ্‌‍‍‍পানা জিংকানিবরত্তে থিদেবর্।’ আগ ধোক্ক্যেন মুই এ দেজর্ অবস্থাগান ফিরেম্।

যিরমিয় 33:12

এই ফেলাযেইয়্যে ভূইয়ানি, যিয়েনত্ মানুচ্ আর য়েমান কিচ্চু নেই, সিয়েনত্ আর সিদুগোর্ বেক শঅরানিত্ আর আদামানিত্ আরঅ গরগ্‌‍‍‍কুনোর ভেড়াগুনোত্তে চোরেয়্যে ভূই অবঅ।‍‍

যিরমিয় 52:13

তে লগেপ্রভুর ঘরত্, রাজঘরত্ আর যিরূশালেমর বেক্ ঘরানিত্ আগুন ধোরেই দিলো। বেক্ আজল্ আজল্ ঘরানি তে পুড়ি ফেলেল।

আবিলেচ্ 2:7

লগেপ্রভু তার ডালিপূজোবোরে এলাফেলা গোজ্যে, ছাড়ি দিয়্যে তার সুদ্ধো-সাংগ জাগায়ান। তা তাম্বুলানির্ বেক্ দেবালানি তে শত্রুগুনো আঢত্ তুলি দিয়্যে। পরব দিনো ধোক্ক্যেন্‌গুরি শত্রুগুনে লগেপ্রভুর ঘরত্ যগার্ পাত্তন্।

আবিলেচ্ 4:1

হায়! সোনাগানে কিবাবোত্যেগুরি তা জোল্‌জোল্যেগান আরেয়্যে, খাটি সোনা বুদুলি যেইয়্যে। পত্তি দফদা পদথ্ ছিদি রোইয়্যেদে মংগা মংগা পাত্তরুন্।

লেবীয় 19:25

পাঁচ বজরত্তুন্‌ ধুরি তুমি সে গাজর্‌ ফলুন্ হেই পারিবা। সেক্কে তমার গাজ্‌চুনোত্‌ ভালোক্কুন্‌ ফল্ অবাক্‌। মুই লগেপ্রভু তমার গোজেন।

মীখা 3:12

সেনত্তে তমাত্তে সিয়োনরে খেদ ধোক্ক্যেন গুরি চাষ গরা অবঅ, যিরূশালেমান অবঅ ভস্তর্ কুড়্, আর উবোসনা-ঘরর মুড়োবো ঘন ঝুব্-ঝাড়ে নাঢা পড়িবো।

হগয় 1:3

সেক্কে ভাববাদী হগয়রে দিইনে লগেপ্রভু আরঅ কোইয়্যেদে,

হগয় 1:5

মুই বেগত্তুন্ খেমতাবলা লগেপ্রভু কঙর্, তুই কিবাবোত্যেগুরি চলর্ সিয়েন গমেডালে চিন্তে গুরি চাহ্।

হগয় 1:9

“তুমি বোউত্ ফসল পেবার্ আজা গোজ্য, মাত্তর্ কম পেইয়ো। তুমি যিয়েনি ঘরত্ আন্য সিয়েনি মুই উড়েই দুয়োং। কিত্তে দুয়োং? মঅ ঘরত্তে সিয়েনি গোজ্যং, কিত্যে সেই ঘরান ভস্ত ওই পড়ি আঘে আর ইন্দি তুমি পত্তিজনে নিজো নিজো ঘর্‌লোই কামত্ আগঅ।‌

মথি লেখ্যে গম্ হবর্ 6:33

মাত্তর্ তুমি পত্তমে গোজেন রেজ্য পৌইদ্যেনে আর তা আওজ্ মজিম চলিবাত্তে মনান্ দুয়ো। সালে সেই বেক্ জিনিস্‌চানিয়ো তুমি পেবা। কেল্যেত্যে চিদে ন-গোজ্য;

ফিলিপীয় 2:21

অন্য বেক্কুনে যীশু খ্রীষ্ট পৌইদ্যেনে কামত্ ন-থেইনে নিজো পৌইদ্যেনে কামত্ থান্।