পত্থম 9:7 - Chakma Bible

⁷ তুমি তমার বংশবাড়েবার খেমতালোই নিজো মানুচ্চুন বাড়েই তুলো। তুমি পিত্‌থিমীর চেরোকিত্তে ছিদি পড়অ আর নিজো মানুচ্চুন্ আরঅ বাড়অ।”

পত্থম 9:7 Iomraidhean Croise

পত্থম 1:28

গোজেনে তারারে বর্‌ দিইনে কলঅ, “তুমি বংশবাড়েবার খেমতালোই ভুরি যঅ, আরঅ নিজোর মানুচ্চুন বাড়েইনে পিত্‌থিমীগান ভোরেই ফেলঅ আহ্ পিতথিমীগান্‌ নিজোর্‌ শাজনত্‌ আনঅ। ইয়েনবাদে তুমি দোজ্যে সাগরর মাছ, আগাজ পেক্‌, আর মাদি উগুরে ঘুরি বেড়েইয়্যে বেক্‌ জেদা পরাণবলাগুনো উগুরে রাজাগিরি গরঅ।”

পত্থম 35:11

গোজেন তারে আরঅ কলঅ, “মুয়ই বেগত্তুন্‌ খেমতাবলা গোজেন। তুই ভালোক্কুন্‌ পুয়ো-ছার্ বাপ্‌ ওইনে জনেদি বাড়ি উদ্। তঅ ভিদিরেত্তুন্‌ এক্কো জাদ্ উদিবো, আর উদিবো এক্কো ভালোক্ গুট্টির্‌ জাদ্। তঅ বংশত্‌ ভালোক্কুন্‌ রাজার্‌ জর্ম অবঅ।

পত্থম 8:17

আর সে লগে বেক্‌ য়েমানুন-পেক্কুন আর বুক্কোই-আঢি বেড়েয়্যে প্রাণীগুন, অত্তাৎ যিদুক্কুন য়েমান আগন্‌ তারারে বেক্কুনোরে নিগিলেই আন। মুই চাং পিত্‌থিমীয়ানত্‌ তারার বংশ বোউত্‌ বাড়ন্‌ আর বংশবাড়েবার খেমতালোই তারা জনেদি বাড়ি উদোন।”

পত্থম 9:1

গোজেনে নোহ আর তা পুয়োগুনোরে বর্ দিইনে কলঅ, “তুমি বংশবাড়েবার খেমতালোই জনেদি বাড়ি উদো আর পিত্‌থিমীগান ভোরেই ফেলঅ।

পত্থম 9:19

নোহর এ তিন্নো পুয়োর বংশধরুনে গোদা পিত্‌থিমীগানত্‌ ছিদি পড়িলাক্‌।

পত্থম 9:8

পরেদি গোজেনে নোহ আর তা পুয়োগুনোরে কলঅ, “তমার আর তঅ বংশধরুনোত্তে আর যিদুক্কুন জেদাপ্রাণী তমা লগে এলাক্, অত্তাৎ যিদুক্কুন পেক্‌ আর ঘোর্‌বো আহ্‌ ঝাড়্‌বো য়েমান তমা লগে জাহাজত্তুন্ নিগিলি এচ্চোন্‌-এক কধায় পিত্‌থিমীর বেক্‌ জেদাপরাণবলাগুনোত্তে মুই ইক্কিনে মর্ এ সুদোমান থিদেবর্ গরঙর্‌।

যিরমিয় 29:6

বৌ লোইনে পুয়ো-ছার্ জর্ম দুয়ো; তমা পুয়ো-ঝিগুনোরে মেলা গুরি দুয়ো যেনে তারার্‌‍অ পুয়ো-ছা অয়। সিয়েনত্ তমা মানুচ্চুন বাড়েবা, ন-কোমেবা।