পত্থম 9:6 - Chakma Bible

⁶ গোজেনে মানুচ্চুনোরে তা ধোক্ক্যেন গুরি বানেইয়্যে; সেনত্ত্যে কনঅ মান্‌জ্যরে যুদি কেউ খুন্‌ গরন্‌ সালে অন্য একজনত্তুন্‌ সে খুনীবোর পরাণান্‌ নেযা অবঅ।

পত্থম 9:6 Iomraidhean Croise

পত্থম 4:14

এচ্চ্যে তুই মরে ভূইয়োত্তুন্ ধাবেই দিলে, যিয়েনত্তে মুই তঅ চোগো আন্দলত্‌ ওই যেম্‌। পোল্ল্যেই পোল্ল্যেই মুই যেক্কে পিত্‌থিমীয়ানত্ ঘুরি বেড়েম্‌ সেক্কে যিবে মুজুঙোত্‌ মুই পুরিম তেয়ই মরে খুন গুরিবো।”

পত্থম 42:22

রূবেণে তারারে কলঅ, “মুই দঅ তমারে কোইয়োং, ‘তা উগুরে কনঅ অন্যেয় ন-গোজ্য,’ মাত্তর্‌ তুমি সিয়েন ন-শুনো। ইক্কিনে তার্ লো ঝড়ানার্ ইজেব দিবার অক্ত ওইয়্যে।”

পত্থম 5:1

ইবে অলঅ আদম বংশগুনোর্ কধা। মানুচ্‌ সৃট্টি গুরিবার অক্তত্‌ গোজেনে তারে তা নিজো ধোক্ক্যেন গুরি বানেল;

২ শমূয়েল 4:11

সালে যিগুনে এক্কো নিদ্দুজী মান্‌জ্যরে তা নিজোর্‌ ঘরত্‌ তা নিজোর্‌ বিচ্ছোন উগুরে খুন গোজ্যেন্, মুই সেই পাজি মানুচ্চুনোরে আরঅ যে কত্তমান্‌ বেশ্ সাজা দিম্। সেনত্তে মুই তমা আঢত্তুন্‌ তার্‌ লো ঝড়ানার্‌ হেনাগান দাবি গুরিম আর পিত্তিমীর্‌ উগুরেত্তুন্‌ তমারে তুলি দিম্।”

১ রাজাবলী 2:9

মাত্তর্‌ ইক্কিনে তুই তারে গম্‌ বিলিনে মনে ন-গুরিবে। তুই বুদ্ধিবলা; তা উগুরে তুই কি গুরিবে সিয়েন তুই নিজেই বুঝি পারিবে। তার বুড়ো বয়জত্‌ লো-ঝরানার মাধ্যমে তারে মরণজাগাত্‌ পাধেই দিবে।”

২ রাজাবলী 11:1

যিহূদার রাজা অহসিয়োর মা অথলিয়া যেক্কে দেগিলো, তা পুয়োবো মুরি যেইয়্যে সেক্কে তে পূরো রাজবংশবোরে ভস্ত গুরিলো।

২ রাজাবলী 11:16

সেনত্তে অথলিয়ারে ধরা অলঅ আর ঘোড়াগুনে যিয়েনন্দি রাজঘর মাদত্‌ সমন্‌ তারে সিদু নেযানার্‌ পরেন্দি মারে ফেলা অলঅ।

২ রাজাবলী 11:20

সেক্কে দেজর্‌ বেক্‌ মানুচ্চুনে ফুত্তি গুরিলাক্‌ আর শঅরান্‌ অলর্ অলঅ। অথলিয়ারে রাজঘরত্‌ মারে ফেলা ওইয়্যে।

২ বংশধর 33:24

আমোনর কাম্‌গুরিয়্যেগুনে তা বিরুদ্ধে কুজুরোমি গুরিনে রাজঘরদই তারে খুন্‌ গুরিলাক্‌।

গীতসংহিতা 51:4

তর্ বিরুদ্ধে, বানা তর্ বিরুদ্ধে মুই পাপ গোজ্যং আর তর্ চোগেন্দি যিয়েনি ভান্ন্যেই সিয়েনি গোজ্যং। সেনত্তেই তর্ রায়ান্ ঠিগ্, তর্ বিচেরান গম্।

যাত্রা 20:13

খুন্‌ ন-গোজ্য।

গম্ উপদেজ্ 28:17

যে মানুচ্চো খুন্ গুরিনে চিদে গত্তে গত্তে দুখ্ পার্ ন-মরানা সং তে ধেই ধেই বেড়ায়; কনজনে তারে সাহায্য ন-গোরোক্।

উপদেশক 3:3

মারে ফেলেবার্ সময় আর গম্ গুরিবার সময়, ভাঙি ফেলেবার্ সময় আর বানেবার্ সময়,

লেবীয় 24:17

“যুনি কনজনে কাররে খুন গরন্‌ সালে তারেয়ো মারে ফেলা অবঅ।

গণাণা 35:16

কনঅ মানুচ্ যুনি লুয়োর্‌ জিনিস্‌সোই কাররে আঘাত গরে আর সেক্কে তে মুরি যায় সালে তে খুনি। সেই খুনিবোরে মারে ফেলা পুরিবো।

গণাণা 35:25

বিচের-সভার মানুচ্চুনে সেক্কে লুয়োগানর্‌ হেনা যিবের সুজিবার কধা তা আদত্তুন্‌ খুন গোজ্যে মানুচ্চোরে রোক্ষে গুরিনে আরঅ তারে সেই জিরেবার-শঅরানত্‌ পাধেই দিবাক্‌ যিয়েনত্‌ তে ধেই যেইয়্যে। পবিত্র তেল্‌লোই অভিষেগ গোজ্যে দাঙর্‌ ধর্মগুরুবোর্‌ ন-মরানা সং সেই মানুচ্চোত্তুন্‌ সিয়েনত্‌ থাহ্ পুরিবো।

গণাণা 35:33

তুমি তমার্‌ দেজ্‌ছানরে ফিবলা ন-গুরিবা, কিত্যে লো নিগিলিলে দেজ্‌ছান ফি-বলা অয়। যে দেজত্‌ লো নিগিলে-নিগিলি ওইয়্যে লো দিয়োবোর্‌ লো বাদে আর কেধোক্ক্যেনগুরি সেই দেজর্‌ ফি-বলাগান্‌ ঢাগি দিয়্যে ন-যায়।

মথি লেখ্যে গম্ হবর্ 26:52

সেক্কে যীশু তারে কলঅ, “তঅ ছুরিগান্ খাবত্ থঅ। ছুরি যিগুনে ধরন্ তারা ছুরিলোই মরন্।

রোমীয় 13:4

তমা ভালেদিত্যে তে গোজেনর্ সেবাগুরিয়্যে ইজেবে কাম্ গরে। তুমি যুনি অন্যেয় গরঅ সালে দোরেয়ো, কিয়া অন্যেয় গুরিয়্যেগুনোরে সাজা দিবার্ অধিকার্ তার্ আঘে। তে দঅ গোজেনর্ সেবাগুরিয়্যে; যিগুনে অন্যেয় কাম্ গরন্ তারারে তে গোজেনর্ ওইনে সাজা দে।

১ করিন্হীয় 11:7

মাঢাবো ঢাঘি রাগানা মরদর্ উচিত নয়, কিয়া গোজেনে মরদরে নিজো ধোক্ক্যেন গুরি বানেয়্যে আর মরদর্ মাধ্যমে গোজেনর্ বাঈনী ফগদাং পায়; মাত্তর্ মিলেগুনোর্ মাধ্যমে মরদ্‌তুনোর্ বাঈনী গরানা ফগদাং পায়।

দ্বি’লম্বর বিররণ 19:11

মাত্তর্‌ যুনি কনজনে ইংসে গুরিনে কাররে মারে ফেলেবাত্যে উত্‌ পাদিনে বোই থান্‌ আর তারে আক্রমণ গুরিনে মারেই ফেলান আর পরেন্দি তার্‌ কায়-কুরে আশ্রয়-শঅরানত্‌ ধেই যান,

দ্বি’লম্বর বিররণ 5:17

খুন্ ন-গোজ্য।

যাকোব 3:9

এ জিলান্‌দোই আমি আমার প্রভুর্, অত্তাৎ বাবা গোজেনর্ বাঈনী গুরিই, আরঅ এ জিলান্দোই তা ধোক্ক্যেন গুরি বানেয়্যে মানুচ্চুনোরে অভিশাব্ দিই।

ফগদাং পেইয়্যে 13:10

যিবের বন্দী অবার্ কধা আঘে তে বন্দী অবঅ। যিবের ছুড়িলোই খুন অবার কধা আঘে তে খুন অবঅ। ইয়েনত্যে গোজেন মানুচ্চুনোর ধৈজ্জ্য আর বিশ্বেজর্ দরকার।

বিচের গুরিয়্যেগুন 9:56

সত্তুরজন ভেইয়োরে মারে ফেলেনেই অবীমেলকে তা বাবঅ উগুরে যে অন্যেয়ানি গোজ্যে গোজেনে ইঙিরিনেই তার পাওনা সাজা দিলো।

১ শমূয়েল 15:33

মাত্তর্‌ শমূয়েলে কলঅ, “তর্‌ লাম্বা কিরিচ্‌ছান্দোই বোউত্‌ মিলে যেবাবোত্যে পূঅ-ছা আরা ওইয়োন, সেবাবোত্যে মিলেগুনো ভিদিরে তর্‌ মাবোয়ো পূঅ-ছা আরা অবঅ।” এই কধাগান কোইনে শমূয়েলে গিল্‌গলত্‌ লগেপ্রভুর মুজুঙোত্‌ অগাগরে কট্টা কট্টা গুরি কাবি ফেলেল।