পত্থম 9:21 - Chakma Bible

²¹ তে একদিন্যে আংগুর-রস হেইনে মাত্তল্ অলঅ আর নিজো তাম্বুলো ভিদিরে লাংটা ওইনে পড়ি রলঅ।

পত্থম 9:21 Iomraidhean Croise

পত্থম 6:9

ইয়েন অলঅ নোহ জীংকানির্ কধা। নোহ এক্কো গম্‌ মানুচ্‌ এলঅ। তা সময়ানত্‌ মানুচ্চুনো ভিদিরে তেয়ই এলঅ গম্‌। গোজেন লগে তার দোল্‌ উদো-লোলি এলঅ।

পত্থম 9:20

নোহ চাষ-বাস্‌ গরানা আরম্ভ গুরিলো আর এক্কান্‌ আংগুর ক্ষেত্‌ গুরিলো।

গম্ উপদেজ্ 20:1

যে মানুচ্চো আংগুর-রস হেইনে মাত্তল্ অয় তে ঠাট্টা-মশ্‌কারি গরে, আর যিবে মদ হায় তে অমকদ কোল্-কোজ্যে গরে; ইয়েনি হেইনে যে মাত্তল্ অয় তে জ্ঞানি নয়।

উপদেশক 7:20

পিত্‌থিমীত এবাবোত্যে কনঅ গম্ মানুচ্ নেই যে নিত্য গম্ কাম গরে, কনদিন্অ পাপ ন-গরে।

রোমীয় 13:13

রঅ ছাড়িনে মদ হানা আর মাত্তল্ ওইনে নয়, সিনেলী আর যাগুলুক্যে জিংকানিত্ নয়, কোল্-কোজ্যে আর ইংসেলোই নয়, মাত্তর্ যিগুনে দিনো পহ্‌রত্ আঢাউদো গরন্, এজঅ, আমি তারা ধোক্ক্যেন্ গমেডালে জিংকানি কাদেই।

১ করিন্হীয় 10:12

ইয়েনত্যে যুনি কেঅ মনে গরে তে দরমর গুরিনে থিয়্যেই আঘে সালে তে উজিয়ার্ ওক্‌ যেন পড়ি ন-যায়।

গালাতীয় 5:21

ইংসে, মাত্তল্ অনা, রঅ ছাড়িনে মদ হানা, আর এবাবোত্যে ভালোক্কানি। মুই যেধোক্ক্যেন্ গুরি ইয়েনর্ আঘেদি তমারে উজিয়ার্ গোজ্জ্যং ইক্কিনিয়ো সিয়েন গুরিনে কঙর্, যিগুনে এবাবোত্যে কাম্ গরন গোজেন রেজ্যত্ তারার্ জাগা ন-অবঅ।

তীত 2:2

যিগুনে বুড়ো, তারারে কবে যেন তারা বেক্কানি পৌইদ্যেনে নিজোরে দোঙেই রাগান; তারা যেন সর্মান পেবার যগাজ্জ্যে অন্; তারার্ যেন গম বিচেরবুদ্ধি, সত্য বিশ্বেজ্, কোচ্‌পানা আর ধৈজ্জ্যগুণ থায়।

ফগদাং পেইয়্যে 3:18

সেনত্যে মুই তরে এ উপদেচ্‌‌চান দোঙর-তুই মত্তুন্ আগুনোত্ পুজ্জ্যে খাটি সনা কিনি লঅ যেন তুই থাগোইয়্যে ওই পারচ্। মত্তুন্ ধূব্ কাবর কিনিনে পিন্‌ যেন তর্ লাংদা থানার লাজ্‌চান দেগা ন-যায়। মত্তুন্ চোগোত্ দিবার মলম কিনি লঅ যেন তুই দেগচ্।