পত্থম 9:2 - Chakma Bible

² পিতথিমীর্ বেক্‌ য়েমানুন্, আগাজ পেক্কুন, বুগেদি-আঢি বেড়েয়্যে পরান্‌‌‌‌‌বলাগুন, আর বড়্‌গাঙ মাচ্চুনে তমারে অমকদ দোরেইনে চলিবাক্‌। ইগুন তমা আঢত্‌ দিয়্যে অলঅ।

পত্থম 9:2 Iomraidhean Croise

পত্থম 1:21

এধোক্ক্যেন গুরি গোজেনে দোজ্যে সাগরর দাঙর্‌ দাঙর্‌ পরাণবলা আর পানিত্‌ একযদা গুরি বেড়েইয়্যে নানান্‌ জাদর জেদা পরাণবলা সৃট্টি গুরিলো। সিগুন বাদেয়ো গোজেনে নানান্‌ জাদর পেগঅ সৃট্টি গুরিলো। তারার বেক্কুনোর নিজোর নিজোর জাদ ধোক্ক্যেন বংশ বাড়েবার খেমতা ওইয়্যে। গোজেনে দেগিলদে সিয়েন জদবদে দোল্‌ ওইয়্যে।

পত্থম 1:26

সে পরেদি গোজেনে কলঅ, “আমি আমা ধোক্ক্যেনগুরি আর আমা লগে মিল্‌ রাগেইনে ইক্কিনে মানুচ্‌ বানেই। তারা দোজ্যে সাগরর মাছ, আগাজ পেক্‌, য়েমান, বুক্কোই আঢি যেইয়্যে পরাণবলা আর গোদা পিতথিমীয়ান উগুরে রাজাগিরি গোত্তোক্‌।”

পত্থম 1:28

গোজেনে তারারে বর্‌ দিইনে কলঅ, “তুমি বংশবাড়েবার খেমতালোই ভুরি যঅ, আরঅ নিজোর মানুচ্চুন বাড়েইনে পিত্‌থিমীগান ভোরেই ফেলঅ আহ্ পিতথিমীগান্‌ নিজোর্‌ শাজনত্‌ আনঅ। ইয়েনবাদে তুমি দোজ্যে সাগরর মাছ, আগাজ পেক্‌, আর মাদি উগুরে ঘুরি বেড়েইয়্যে বেক্‌ জেদা পরাণবলাগুনো উগুরে রাজাগিরি গরঅ।”

পত্থম 2:19

লগেপ্রভু গোজেনে মাদিলোই বানেয়্যে মাদ উগুরে যিদুক্কুন য়েমান আর আগাজর্ পেক্‌ বানেইয়্যে সিগুনোরে সে মানুচ্চো ইধু আনিলো। লগেপ্রভু চেলঅ তে সিগুনোরে কি কি নাঙে ডাগে। তে সে জেদা পরাণবলাগুনোরে যিবেরে যে নাঙে ডাগিলো সিবের্ সে নাঙান অলঅ।

পত্থম 35:5

সে পরেদি তারা যাহ্ ধুরিলাক্। তারা যেবার্‌ পদথ্‌ গোজেনে চেরোকিত্তে শঅর মানুচ্চুনো ভিদিরে এক বাবোত্যে দর্ বুগ্ লাগেল যিয়েনত্তে যাকোব পিজেদি কনজনে আর্ ন-লোড়েলাক্।

পত্থম 9:1

গোজেনে নোহ আর তা পুয়োগুনোরে বর্ দিইনে কলঅ, “তুমি বংশবাড়েবার খেমতালোই জনেদি বাড়ি উদো আর পিত্‌থিমীগান ভোরেই ফেলঅ।

পত্থম 9:3

জেদা আর ঘুরি বেড়েয়্যে বেক্‌ প্রাণীগুন তমার হানা অবঅ। হানা ইজেবে মুই আগে যেবাবোত্যে তমারে শোজ্য আর শাক্‌-পাদ্ দুয়োং সেবাবোত্যে ইক্কিনে বেক্কানি তমারে দিলুং;

ইয়োব 39:11

তার্ অমকদ বলানত্তে কি তা উগুরে তুই বিশ্বেজ্ গুরিবে? তর্ গুয়োর্ কামানি কি তুই তারে গুরিবাত্তে দিবে?

যিহিষ্কেল 34:25

“‘মুই তারাত্তে ভালেদির্ এক্কান বেবস্থা থিদেবর্ গুরিম আর দেজত্তুন্ চিৎনপুজ্যে য়েমানুনোরে শেজ্ গুরিম যেনে তারা গমেডালে ধূল্যেচর-চাগালাত্ বজত্তি গত্তে আর ঝার-জংগলত্ ঘুমেই পারন্।

হোশেয় 2:18

সেদিন্যে মুই তাত্তে য়েমান, পেগ্ আর বুগেদি আঢি বেড়েয়্যে প্রাণিগুনো লগে মিজেম। মুই দেজত্তুন্ ধনু, লাম্বাছুরি আর যুদ্ধো দূর্ গুরি দিম যেনে বেক্কুনে গমেডালে ঘুম যেই পারন্।

লেবীয় 26:22

মুই তমা ইধু চিৎ নপুজ্যে য়েমান পাধেই দিম। সিগুনে তমার ঝি-পূঅগুনোরে হেই ফেলেবাক্, তমারে য়েমানপালুনে শেজ্ গুরিবাক আর তমার মান্‌জ্যর সোংখ্যে কোমেই দিবাক। সেক্কে তমার পথ্‌তানি খালি পড়ি থেবঅ।

লেবীয় 26:6

দেজত্‌ সেক্কে মুই সুখ্‌ দিম। তুমিয়ো সুগে-শান্দিয়্যে ঘুমেবা; কারত্তুন্‌ কনঅ দোরেবার্‌ কারন তমার্‌ ন-থেবঅ। মুই দেজত্তুন্‌ চিৎ নপুজ্যে য়েমানুন্ ধাবেই দিম্‌। কনঅ সৈন্য-সামন্ত তমার দেজ্‌চানরে আক্রমণ গুরিবাত্তে ন-এবাক্।

যাকোব 3:7

মানুচ্ নানান্ বাবোত্যে য়েমান, পেক্, বুগেদি-আঢি বেড়েয়্যে প্রাণি আর সাগর প্রাণিরে দোঙেই রাগেই পারন্ আর রাগেয়োন্,