পত্থম 8:22 - Chakma Bible

²² যেদকদিন এ পিত্‌থিমীগান্ থেবঅ সেদকদিন সুদোম মোজিম্‌ বিজি ছিদেনা আর খেত-খেত্তি কাবানা, ঠান্ডা আর গরম, ঝার্‌কাল আর গরমকাল আহ্‌ দিন আর রেত্‌ ওই থেবঅ।”

পত্থম 8:22 Iomraidhean Croise

পত্থম 45:6

ভাদ-রাদ্ চলের্‌ এ দ্বিবজর ধুরিনে। ইবে আরঅ পাঁজ্‌ বজর্‌ সং চুলিবো। সেক্কে খেত-খেত্তি লাগেই ন-পারিবাক্‌ কাবিয়ো ন-পারিবাক্‌।

যাত্রা 34:21

“সাপ্তায়্‌ ছয়দিন তুমি কাম্‌ গুরিবা মাত্তর্‌ সাত্‌ দিনোত্‌ জিরেবা। এমন্‌ কি, চাষ গুরিবার্‌ আর ফসল কাবিবার্‌ অক্তত্‌অ সিয়েন্‌ গরা পুরিবো।”

যিরমিয় 31:35

যিবে দিনোত্ বেলানরে আর রেদোত্ চান্নোরে আর তারাগুনোরে পহ্‌র দিবাত্তে উগুম দে, যিবে সাগরানরে উলোত্ পালত্ গরে যেনে তার তুবোলুন গুজুরি উদে, যিবের্ নাঙান বেগত্তুন্ খেমতাবলা লগেপ্রভু, ‍‍‍‍‍‍‍‍‍‍‍

যিরমিয় 5:24

তারা মনে মনেয়ো ন-কন্দে, এজঅ, আমা গোজেন লগেপ্রভুরে আমি ভোক্তি সহকারে দোরেইনে চলিই, যিবে অক্ত মজিম্ শরৎ আর বসন্ত কালত্ ঝড় দে, যিবে আমাত্তে খেত্ কাবিবার যগাজ্যে গুরি সময়ান রোক্ষ্যে গরে।

যাকোব 5:7

ইয়েনত্যে ভেইলগ্, যেদ্ক বিলোন সং প্রভু ন-এজে সেদ্ক বিলোন সং ধৈর্য্য ধুরিনে বেক্কানি সোজ্জ্য গরঅ। খেদর্ মংগা ফসলত্যে চাজ্ গুরিয়্যেবো কেধোক্ক্যেন গুরিনে বাজ্জেই থায় আর পত্তম আর শেজ্ বারিজেবোত্যে ধৈয্য ধরে, সিয়েন দেক্ক্য?