পত্থম 8:1 - Chakma Bible

¹ জাহাজত্‌ নোহ আর তা লগে যিদুক্কুন ঘোর্‌বো আর ঝাড়্‌বো য়েমান এলাক্ গোজেনে তারারে মনত্‌ রাগেয়্যে। তে পিত্‌থিমীয়ান উগুরে বোইয়্যের্‌ পাদেল, সেক্কে পানি কমা ধুরিলো।

পত্থম 8:1 Iomraidhean Croise

পত্থম 19:29

এধোক্ক্যেনগুরি লোটে যিয়েনত্‌ বজত্তি গুরিদো গোজেনে সে সংজাগানর্ শঅরানি ভস্ত গুরিবার্‌ সলাবোত্‌ অব্রাহাম কধানি ভাবিনে লোটরে সিদুগোর দজাত্তুন্‌ সোরেই আনিলো।

পত্থম 30:22

ইয়েনর পরেদি গোজেনে রাহেল ইন্দি মনযোগ দিলো। তে রাহেলর তবনার্ জোবত্‌ তারে পুয়ো অবার্‌ খেমদা দান গুরিলো।

নহিমিয় 13:14

ও মর্‌ গোজেন্‌, এ কামানিত্তে মরে ইদোত্‌ রাগেচ্‌। মঅ গোজেনর্‌ ঘরান্‌ আর সে ঘরর্‌ সেবা-কামত্তে মুই বিশ্বেজ্‌ গুরিনে যিয়েনি গোজ্যং সিয়েনি ফুজি ফেলেই ন-দিজ্‌।

নহিমিয় 13:22

সে পরেন্দি মুই লেবীয়গুনোরে উগুম্‌ দিলুঙ্‌ যেনে তারা নিজোরে সিজি গুরিনে জিরেবার্‌ দিন্নোত্‌ সুদ্ধো-সাংগ রাগেবাত্তে যেইনে গেট্টুনোত্‌ চুগি দুয়োন্‌। ও মর্‌ গোজেন, ইয়েনত্তেয়ো তুই মরে মনত্‌ রাগেজ্‌ আর তর্‌ অমকদ কোচ্‌পানা অনুসারে মরে দোয়্যে গর্‌।

নহিমিয় 13:29

ও মর্‌ গোজেন, ইগুনোর্‌ কধানি মনত্‌ রাগেচ্‌, কিত্যে ইগুনে ধর্মগুরুগুনোর্‌ পোজিশনানি অপবিত্র গোজ্যন্‌ আর ধর্মগুরু আর লেবীয়গুনোর্‌ কামর্‌ চুক্তিবো ভাঙোন্‌।

নহিমিয় 13:31

ইয়েনিবাদেয়ো ঠিগ্‌ মজিম্‌ তক্তা আর পত্তমে তুল্যে ফসল আনিবাত্তে মুই বেবস্থা গুরিলুঙ্‌। ও মর্‌ গোজেন, মরে ভালেদি গুরিবাত্তে মরে মনত্‌ রাগেচ্‌।

ইয়োব 12:15

তে পানিগান্‌ বন্ধ গুরি রাগেলে শুগে যায়; তে সিয়েন্‌ খুলি দিলে দেজ্‌ছান ভস্ত অয়।

ইয়োব 14:13

আহ্‌, তুই যুনি মরে শবাশালত্‌ লুগেই রাগেদে, তর্‌ রাগ্‌কান লামি ন-যানা সং লুগেই রাগেদে, সে পরেদি মত্তেই এক্কান্‌ সময় ঠিগ্‌ গুরিনে আরঅ মরে মনত্‌ তুলিদে!

গীতসংহিতা 105:42

তা চাগর অব্রাহাম ইদু তে যে পবিত্র এগেমান্ গোজ্যে সিয়েন তে ইদোত্ তুলিলো।

গীতসংহিতা 106:4

ও লগেপ্রভু, তঅ মানুচ্চুনোরে মেয়্যে দেগেবার অক্তত্ মরে ভুলি ন-যেচ্; তারারে উদ্ধোর্ গুরিবার সময়োত্ মন্দি আঢ্ বাবেই দিচ্।

গীতসংহিতা 115:12

লগেপ্রভু আমা কধানি ইদোত্ রাগেয়্যে, সেনত্তে তে আমারে বর্ দিবো; অয়, তে ইস্রায়েলর গুট্টিবোরে বর্ দিবো, তে হারোণর গুট্টিবোরে বর্ দিবো,

গীতসংহিতা 132:1

ও লগেপ্রভু, তুই দায়ূদোর বেক্ দুঘোর্ কধানি ইদোত্ তুলি চাহ্।

গীতসংহিতা 136:23

যিবে আমারে নাঢা অবস্থাত্ থেলেয়ো আমা কধানি ইদোত্ তুল্যে তারে ভালেদি জানঅ; - তার কোচ্‌পানাগান উমরত্তে থিদেবর্ গোজ্যে-

গীতসংহিতা 137:7

ও লগেপ্রভু, যিরূশালেমর ভস্ত দিনোত্ ইদোমীয়গুনে যিয়েনি গোজ্যন্ সিয়েনি ইদোত্ তুলি চাহ্; তারা কোইয়োন্দে, “ভস্ত গরঅ, এক্কুবারে ইয়েনর গড়াগান সং ভস্ত গুরি ফেলঅ।”

গীতসংহিতা 29:10

দাঙর্ বান পানিগান লগেপ্রভুর অধীনোত্ এলঅ; তে উমরর্ রাজা, তে সিংহাসনত্ আঘে।

গীতসংহিতা 36:6

তর্ ধার্মিকতাগান গোজেন মুড়োগুনো ধোক্ক্যেন্; তর্ ন্যায়বিচেরান যেন গভিন্ সাগর ধোক্ক্যেন্। ও লগেপ্রভু, মানুচ্ আর য়েমান বেক্কুনোরে তুয়ই বাঁজে রাগাচ্।

যাত্রা 14:21

পরেদি মোশি বড়গাঙ উগুরে তার্‌ আত্তান্‌ বাড়েই দিলো; আর লগেপ্রভু গোদা রেত্তো ধুরিনে এক্কান পূগেন্দিত্তুন্ বোইয়্যের্‌ জোরে বেঈনে বড়গাঙর্‌ পানিগানরে দ্বিকিত্তেদি সোরেই দিলো। তে পানিগানরে দ্বিভাগ্‌ গুরিনেই বড়গাঙর্‌ ভিদিরেদি এক্কান্‌ শুগুনো পথ বানেই দিলো।

যাত্রা 15:10

মাত্তর্‌ তুই ফুন্‌ দিইনে বোইয়্যের্‌ ‌দিলে, আর সাগরানেয়ো তারারে ঢাগি ফেলেল। তারা মরং পানি তলাত্‌ শিজে ধোক্ক্যেন গুরি ডুবি গেলাক্।

যাত্রা 2:24

গোজেনে তারার্‌ কানা-কুদিগানি শুনিলো আর অব্রাহাম, ইসহাক আর যাকোবত্তে যে সুদোমান তে থিদেবর্ গোজ্যে সে কধাগান চিদে গুরিলো।

গম্ উপদেজ্ 25:23

উত্তেরেদি বোইয়্যেরানে যেধোক্ক্যেন্ ঝড় আনে, সেধোক্ক্যেন্ নিন্দেগুরিয়্যেবোর কধালোই অন্যগুনোর মুয়োত্ রাগর্ ভাব দেগা যায়।

যিশাইয় 44:27

মুই গভিন্ পানিগানরে কঙর্, ‘তুই শুগেই যাহ্; মুই তর্ গঙারানরে শুগেই ফেলেম।’

যিরমিয় 50:38

হরানে তার বেক্ পানিগান শুগেই যেবঅ, কিত্তে সিয়েন অলঅ মূত্তিগুনোর দেজ্, আর সেই দর্‌গরেপারা মূত্তিগুন সিদুগো মানুচ্চুনোরে পাগল গুরিবাক্।

আমোষ 8:7

লগেপ্রভু, যিবে যাকোবর্ বাঈনী গুরিবার, তে শমক্ হেইনে কোইয়্যেদে, “তারা যিয়েনি গোজ্যন সিয়েনি কনদিন্‌অ মুই ভুলি ন-যেইম্।

যোনা 4:11

মাত্তর্ নীনবীত্ এক লাখ্ কুড়ি আজারর্‌অ বেশ্ চিগোন গুরো আগন্ যিগুনে হবর্ ন-পান কুবোন ডেন্ আত্ আর কুবোন বাং আত্; ইগুন বাদেয়ো বোউত্ গোরু-ভেড়ায়ো আগন্। সালে মুই কি গুরিম? মুই কি সেই দাঙর্ শঅরানত্তে মেয়্যে ন-গুরিম?

নহূম 1:4

তে সাগরানরে ধমক্ দিইনে শুগেই ফেলায়; বেক্ গাঙানিরে তে পানি নেইয়্যে গুরি দে। বাশন আর কর্মিলান্ শুগেই যায় আর লেবাননর্ বেক ফুলুন্ শুগেই যান।

হবক্‌‌‌‌কূক 3:2

ও লগেপ্রভু, মুই তঅ কাম কধা শুনিনে দোরেলুং। ও লগেপ্রভু, আমা সময়োত্ সিয়েনি তুই আরঅ গর্; আমা সময়োত্ তুই সিয়েনি দেগা। রাগর্ সময়োত্ তুই মেয়্যে গুরিবার কধা ভুলি ন-যেচ্।

সখরিয় 10:11

মুই দুঘো-সাগরর ভিদিরেদি যেম্ আর সাগরর তুবোলানরে দোঙেম্ আর সেক্কে য়্যেল্ গাঙর্ বেক গভীন্ জাগায়ানি শুগেই যেবঅ। আসিরিয়ার অহংকার ভাঙি দিয়্যে অবঅ আর মিসরর রাজলুদিক্কো দূর্ ওই যেবঅ।

গণাণা 10:9

নিজোর দেজত্ থাগদে যেক্কে তুমি কনঅ অত্যেচার্ গুরিয়্যে শত্রুর বিরুদ্ধে যুদ্ধো গুরিবাত্তে যেবা সেক্কে দ্বিবে বাঁশি বাজেইনে সার্‌ দিবে। তমা গোজেন লগেপ্রভু সেক্কে তমা কধানি চিন্তে গুরিনে শত্রুগুনোর আঢত্তুন্‌ তমারে উদ্ধোর্‌ গুরিবো।

গণাণা 22:32

লগেপ্রভুর দূত্‌তো তারে পুযোর্ গুরিলো, “তর্‌ গাধীবোরে তুই ইয়েন্দোই তিনবার কিত্তে মারিলে? তুই মঅ মুজুঙোত্‌ মর্‌ বিরুদ্ধে যর্‌ বিলি মুই তরে মানা গুরিবাত্তে ইদু এচ্চ্যং।

ফগদাং পেইয়্যে 16:19

সেই নাঙ্-গোজ্জ্যে শঅরান তিন ভাগে ভাগ ওই গেলঅ আর নানান্ জাদর্ শঅরানি ভাঙি পড়ি গেলঅ। যেরেদি সেই নাঙ্-গোজ্জ্যে বাবিল কধা গোজেনর্ মনত্ পড়িলো, আর তে তার্ রাগে দর্‌গরেপারা মদ গলচ্চো ভোরেইনে বাবিলরে হেবাত্যে দিলো।

ফগদাং পেইয়্যে 18:5

তার পাপ্‌পানি আগাজ সং অজল ওইয়্যে আর তার্ ভান্ন্যেই কামর কধানি গোজেনে মনে গোজ্জ্যে।

১ শমূয়েল 1:19

তার কেল্যে বেন্যেপোত্যে তারা ঘুমোত্তুন্ উদিনে উবোসনা-ঘরত্‌ যেইনে লগেপ্রভুরে তবনা গুরিলাক্। সে পরেন্দি তারা রামাত্ তারার নিজো ঘরত্‌ ফিরি গেলাক্। পরেন্দি ইল্‌কানা তা মোক্কো হান্না সমারে মিজেল আর লগেপ্রভুয়ো হান্নার ইন্দি মনযোগ দিলো।