পত্থম 7:7 - Chakma Bible

⁷ পানি বানত্তুন্‌ মাব্ পেবাত্তে নোহ, তা মোক্কো, তা পুয়োগুন আর পূদবোগুনে সে জাহাজছানত্‌ উদিলাক্ ।

পত্থম 7:7 Iomraidhean Croise

পত্থম 6:18

“মাত্তর্ মুই তত্তে মর্‌ সুদোমান ঠিগ্ গুরিম। তুই যেইনে জাহাজত্‌ উদিবে আর তঅ লগে তর্ পুঅগুন, তঅ মোক্কো আর তঅ পূদবোগুন্ থেবাক্।

পত্থম 7:1

ইয়েন পরেদি লগেপ্রভু নোহরে আরঅ কলঅ, “তুই আর তঅ পরিবারর্ বেক্কুনে জাহাজত্‌ উদিবা। মুই দেগঙর্, এ মানুচ্চুনো ভিদিরে বানা তুয়ই গম্‌ মানুচ্‌ আগচ্‌।

গম্ উপদেজ্ 22:3

উজিয়ারবলা মান্‌জ্যে দজা দেগিনে আশ্রয় নেযায়, মাত্তর্ ভুল্ মানুচ্চুনে দজা দেগিনেয়ো চলন্ আর সেনত্তে সাজা পান্।

মথি লেখ্যে গম্ হবর্ 24:38

পানিবান্ অবার্ আগেদি দিনুনোত্ নোহ জাহাজত্ ন-সমানা সং মান্‌জ্যে হানা-দানা গোজ্যন্, মিলে-মরদে লোলি গোজ্যন্।

লূকে লেখ্যে গম্ হবর্ 17:27

নোহ জাহাজত্ ন-সমানা সং আর পানিবান্ এইনে মানুচ্চুনোরে বেক্কুনোরে ভস্ত ন-গরানা সং পত্তিজনে হানা-দানা গরানাত্ রোইয়োন, আর মিলে-মরদে লোলি গোজ্যন্।

ইব্রীয় 11:7

যিয়েন সেক্কেয়ো দেগা ন-যায় সেই পৌইদ্যেনে গোজেনে নোহরে উজিয়ার্ গোজ্জ্যে। নোহ গোজেন-ভক্ত এলঅ বিলি গোজেনর্ কধা বিশ্বেজ্ গুরিনে এক্কান জাহাজ বানেয়্যে, যেনে তা ঘোর্‌বোবু রোক্ষ্যে পায়। নোহ তার্ বিশ্বেজ্‌চান্দোই জগদ্‌তানরে দুষি বিলিনে প্রমাণ গোজ্জ্যে আর গোজেন ইধু নিদ্দুজি বিলিনে মানি লবার্ অধিকার পেয়্যে, যিয়েন বানা বিশ্বেজর্ কারনে পাহ্ যায়।

ইব্রীয় 6:18

গোজেনর্ এগেম্ আর শমথ্‌তান কনদিন্অ ন-বদলায়। গোজেন, যিবের্ পৌইদ্যেনে মিজে মাঢানা সম্ভব নয়, তেয়ই এ এগেমান্ আর শমথ্‌তান গোজ্জ্যে, যেনে আমা মুজুঙোত্ যে আজাগান আঘে সিয়েন গমেডালে ধুরিবাত্যে ধাবা দিবাত্যেই আমি বোউত্ উচ্চোমি পেই।

১ পিতর 3:20

ভালোক্ দিন আগে নোহর সেই জাহাজ্‌চান বানেবার সময়োত্ গোজেনে যেক্কে ধৈয্য ধুরিনে বাজ্জেই রোইয়্যে সেক্কে যিগুনে অবাধ্য ওইয়োন এ আত্মাগুন তারার্। সেই জাহাজত্ উদিনে বানা কয়েক্‌জন, অত্তাৎ বানা আস্‌টোজন সেই পানিগানত্তুন্ বাচ্চ্যন্।

২ পিতর 2:5

আর তে সেই পুরোণি জগদ্‌তানরেয়ো ইরি ন-দে, বরং গোজেন উগুরে ভোক্তি-নেইয়্যে মানুচ্চুনো উগুরে পানি বান্ আন্ন্যে; মাত্তর্ নোহ আর অন্য সাতজনরে তে বাজেয়্যে। এই নোহ গোজেন-ভোক্তি পৌইদ্যেনে ফগদাং গুরিদো।