পত্থম 7:4 - Chakma Bible

⁴ মুই আর সাত দিন পরেদি পিত্‌থিমীগান উগুরে ঝড় ফেলেবার বেবস্থা গুরিম্‌। সেক্কে চোল্লিশ দিন আর চোল্লিশ রেত্‌ সং ঝড় পড়িবো। মুই মাদি উগুরে যিদুক্কুন পরান্‌‌বলা ‌বানেয়োং তারারে বেক্কুনোরে পিত্‌থিমীগান উগুরেত্তুন্ তুলি দিম।”

পত্থম 7:4 Iomraidhean Croise

পত্থম 6:13

এ অবস্থাগান দেগিনে গোজেনে নোহরে কলঅ, গোদা মান্‌জ্য জাদতোরে মুই শেজ্ গুরি ফেলেম্‌ বিলিনে ঠিগ্ গোজ্যং। মানুচ্চুনোত্তে পিত্‌থিমীয়ান অত্যেচার-অবিচারে ভুরি উঠ্যে। মানুচ্চুনো সমারে পিত্‌থিমীর বেক্কানি মুই শেজ্ গুরিবাত্তে যাঙর্‌।

পত্থম 6:17

আর দেগিবে, মুই পিত্‌থিমীত্‌ এন্‌ এক্কান পানি বান্ গুরি দিম্‌ যেনে আগাজ তলে যে বেক্‌ প্রাণীগুন নিজেস্‌ ফেলেনে বাঁজি আগন্‌ সিগুন বেক্কুন শেজ্ ওই যেবাক্। পিত্‌থিমীর বেক্‌ প্রাণীগুন সেক্কে মুরি যেবাক্।

পত্থম 6:3

এ অবস্থা দেগিনে লগেপ্রভু কলঅ, “মর্ আত্মাগানে জনম্‌ ভুরি মানুচ্চুনো ইধু ন-থেবঅ, কিত্তে মানুচ্‌ মরনর্‌ অধীন। মুই তারারে একশঅ কুড়ি বজর সময় দোঙর্।”

পত্থম 7:10

সেই সাত দিন পার্‌ ওই যানার পরেদি পিত্‌থিমীত্‌ বান অলঅ।

পত্থম 7:12

চোল্লিশ দিন আর চোল্লিশ রেত্‌ সং পিত্‌থিমীয়ান উগুরে ঝড় পড়া ধুরিলো।

পত্থম 7:17

সে পরেত্তুন্ ধুরি চোল্লিশ দিন সং পিত্‌থিমীত্‌ বান পানি বাড়ানা আরাম্ভ অলঅ। পানি বাড়িনে জাহাজছান্‌ মাদিত্তুন্ উগুরেদি ভাজি উদিলো।

পত্থম 7:3

আগাজত্‌ উড়ি বেড়ান্‌ এবাবোত্যে গম্‌ পেগো ভিদিরেত্তুন্‌অ মিলে-মরদ মিজেইনে সাত জোড়া গুরি তঅ সমারে নেযেবে। পিত্‌থিমীগান উগুরে তারা বংশগুন জেদা রাগেবাত্তে তুই ইয়েন্‌ গুরিবে।

পত্থম 8:10

সে পরেদি তে আরঅ সাত দিন বাজ্জেই থানার পর আর সে কোদোরবোরে জাহাজত্তুন্‌ ইরি দিলো।

পত্থম 8:12

তে আর সাতদিন বাজ্জ্যেই থানার পর আরঅ সে কোদোরবো ইরি দিলো, মাত্তর্ এবেরা সিবে আর তাইধু ফিরি ন-এলঅ।

পত্থম 8:2

ইয়েন আগেদি মাদি তলেত্তুন্‌ বেক্‌ পানিগান নিগিলেনা আর আগাজর্‌ বেক্‌ ফাদা মারানি নাঢা গেলঅ সেক্কে আগাজত্তুন্ ঝড় পড়ানায়ো থামেল।

ইয়োব 22:16

অসময়োত্‌ তারারে নেযা ওইয়্যে; বান পানিয়্যে তারার্‌ গড়াগান ধোয় নেযেয়্যে।

ইয়োব 28:25

তে যেক্কেনে বোইয়্যের্‌লোই খেমতা যোগেল আর পানি কত্তমান ঠিগ্ গুরিলো,

গীতসংহিতা 69:28

জেদাগুনোর নাঙানিত্তুন্ যেন তারার নাঙানি বাদ যায়, গোজেন ভক্তগুনোর্ নাঙানিত্তুন্ যেন তারার নাঙানি ন-থায়।

যিরমিয় 28:16

সেনত্তে লগেপ্রভু কোইয়্যেদে, ‘মুই তরে পিত্‌থিমীর উগুরেত্তুন সোরেই দিবাত্তে যাঙর্। এ বজরত্ তুই মুরি যেবে, কিত্তে তুই লগেপ্রভুর বিরুদ্ধে উল্লোমির কধা ফগদাং গোজ্যস্।’ ”

আমোষ 4:7

খেত্ কাবিবার তিন মাস বাগি থাগদে মুই তমা উগুরে ঝড় পড়ানা বন্ধ গুরি দিলুং। এক আদামত্ ঝড় পাধেইনে মুই অন্য আদামত্ সিয়েন বন্ধ গুরিলুং। এক্কান খেদত্ ঝড় পেল, অন্য খেদত্ ঝড় ন-পেইনে শুগেই গেলঅ।

ফগদাং পেইয়্যে 3:5

যে জিদিবো তে এবাবোত্যে ধুব্ পোজাক্ পিনিবো। জিংকানি-বোইবোত্তুন্ তা নাঙান্ মুই কনদিনঅ পুঝি ন-ফেলেম, বরং মঅ বাব্‌পো আর তা দুত্‌তুনো মুজুঙোত্ মুই তারে স্বীগের্ গুরি নিম।