পত্থম 7:11 - Chakma Bible

¹¹ নোহ বয়সচান যেক্কে ছয়শ বজর চলের্‌, সে বজরত্‌ দ্বি মাস সতর দিনোত্‌ মাদি তলেত্তুন্ বেক্‌ পানিগান অদাদৎ নিগিলি এজা ধুরিলো আর আগাজচানত্‌অ যেন্‌ ফাদামারা ধোজ্যে।

পত্থম 7:11 Iomraidhean Croise

পত্থম 1:7

এধোক্ক্যেনগুরি গোজেনে পানিগান ভিদিরে এক্কান ফারক্‌ জাগার সৃট্টি গুরিলো আরঅ তলে-উগুরে পানিগান ফারক্‌ গুরিলো। সেক্কে উগুরে পানিগান আর তলে পানিগান ফারক্ ওই গেলঅ।

পত্থম 6:17

আর দেগিবে, মুই পিত্‌থিমীত্‌ এন্‌ এক্কান পানি বান্ গুরি দিম্‌ যেনে আগাজ তলে যে বেক্‌ প্রাণীগুন নিজেস্‌ ফেলেনে বাঁজি আগন্‌ সিগুন বেক্কুন শেজ্ ওই যেবাক্। পিত্‌থিমীর বেক্‌ প্রাণীগুন সেক্কে মুরি যেবাক্।

পত্থম 7:6

পিত্‌থিমীত্‌ পানি বান্‌ আরাম্ভ অবার সলাবোত্‌ নোহর বয়স এলদে ছয়শ বজর।

পত্থম 8:14

দ্বি মাসর সাদেশ্ দিনোত্ মাদিগান এক্কুবারে শুগেই গেলঅ।

পত্থম 8:2

ইয়েন আগেদি মাদি তলেত্তুন্‌ বেক্‌ পানিগান নিগিলেনা আর আগাজর্‌ বেক্‌ ফাদা মারানি নাঢা গেলঅ সেক্কে আগাজত্তুন্ ঝড় পড়ানায়ো থামেল।

২ রাজাবলী 7:19

জোবত্‌ সে কাম্‌গুরিয়্যেবো গোজেন মানুচ্চোরে কোইয়্যেদে, “চাহ্, লগেপ্রভু যুনি আগাজ দোরান্‌অ খুলি দে তো কি ইয়েন্‌ ওই পারে?” গোজেন মানুচ্চো কোইয়্যেদে, “তুই নিজের্‌ চোগে সিয়েন্‌ দেগিবে, মাত্তর্‌ সিয়েনি কিচ্ছু তুই হেই ন-পারিবে।”

২ রাজাবলী 7:2

রাজারে যে কামগুরিয়েবো বল্‌ দিয়্যে তে গোজেন মানুচ্চোরে কলঅ, “চাহ্, লগেপ্রভু যুনি আগাজ দোরান্‌অ খুলি দে তো কি ইয়েন্‌ ওই পারে?” জোবত্‌ ইলীশায় কলঅ, “তুই নিজোর্‌ চোগেন্দি সিয়েন্‌ দেগিবে, মাত্তর্‌ সিয়েনির্‌ কনগান্‌ তুই হেই ন-পারিবে।”

ইয়োব 12:15

তে পানিগান্‌ বন্ধ গুরি রাগেলে শুগে যায়; তে সিয়েন্‌ খুলি দিলে দেজ্‌ছান ভস্ত অয়।

ইয়োব 28:4

মান্‌জ্যর থেবার্ জাগানত্তুন্ দূরোত্ যিয়েনত্ মানুচ্ ন-যান সিয়েনত্ তে গাঢ্ খুড়ে, আর সেই গাত্তো ভিদিরে তে টাঙেয়্যেগুরি দুলি থায়।

ইয়োব 38:16

বড়গাঙর্ জর্মেয়্যে জাগানত্ কি তুই যেইয়োচ্ বা সাগর তলাত্ আট্যচ্?

ইয়োব 38:37

মেঘ্‌কানিরে গুণিনে চেবার্ বলান্ কার্ আঘে? আগাজর্ পানিগান কুম্মো কন্না উল্লেই পারে,

গীতসংহিতা 33:7

তে সাগর পানিগান এগত্তর্ গুরিনে তুবেয়্যে, আর নানান্ ভান্ডালত্ সে গভীন পানিগান রাগায়।

গীতসংহিতা 74:15

তুই পয়নালা আর চিগোন ছড়াগানির পথ্‌‌‌তানি খুলি দুয়োচ্; ভালোক্ দিনোর বেই যেইয়্যে গাঙানি তুয়ই শুগেই ফেলেয়োচ্।

গম্ উপদেজ্ 3:20

তে জ্ঞান দিইনে মাদি তলেদি পানিগান নিগিলেই আন্যে, আর আগাজত্তুন্ ফুদো ফুদো শিরো পানি পড়ে।

যিশাইয় 24:18

যে মানুচ্চো দরে ধেবঅ তে গাদত্ পড়িবো, আর যে গাদত্তুন্ উদি এবঅ তে ফালত্ ধরা পড়িবো। আগাজত্ ফাদামাড়া অবঅ আর পিত্‌‌থিমীর গড়াগান্ গির্‌গিরেব।‌

যিশাইয় 24:19

পিত্‌থিমীগান কট্টা কট্টা অবঅ, পিত্‌‌‌থিমীগান ভাঙি পুরিবো, পিত্‌‌‌থিমীগান অমকদ গির্‌গিরেব।

যিরমিয় 5:22

তুমি কি মরে ন-দোরেবা? মঅ মুজুঙোত্ কি তুমি গির্‌ ন-গিরেবা? মুয়ই এক্কান উমরর্ মানা ইজেবে কোরোলিলোই সাগর দুযিগান ঠিগ্ গোজ্যং, যেনে সাগরানে সিয়েন পার্ ওই ন-পারে। সিয়েনর তুবোলুন্ জোরে এলেয়ো সিয়েন ফোলেই ন-পারিবো; সিয়েন গুজুরি উদিলেয়ো পার্ ওই যেই ন-পারে।‌‌‍

যিরমিয় 51:16

তা উগুমে আগাজর্ পানিগান গুজুরি উদে; তে পিত্‌‌‌‌‌‌‌‌থিমীর শেজ্ দুযিত্তুন্ মেঘ তুলি আন্যে। তে ঝড়ত্তে কারেন্ বানায় আর তা ভান্ডালত্তুন্ বোইয়্যের্ নিগিলে আনে।

যিহিষ্কেল 26:19

“ও সোর, মুই প্রভু লগেপ্রভু যেক্কে তরে মানুচ্ নেইয়্যে শঅর ধোক্ক্যেন গুরিম যিয়েনত্ কনজনে বজত্তি ন-গরন, যেক্কে সাগর পানিগান তঅ উগুরে আনিম আর তার পানি নাল্লো তরে নাঢি দিবো,

মালাখি 3:10

তুমি তমার্ বেক দশমাংশগুন্ ভান্ডাল-ঘরত্ আনিবা যেনে মঅ ঘরত্ হানা থায়। এ পৌইদ্যেনে তুমি মরে পোরোক্ষ্যে গুরি চঅ, মুই বেগত্তুন্ খেমতাবলা লগেপ্রভু আগাজর্ বেক দোরানি খুলিনে তমার্ দরকারত্তুন্অ বেশ্ আশিদ্‌বাদ ঢালি দৈং কি ন-দৈং।‌‌‌

মথি লেখ্যে গম্ হবর্ 24:38

পানিবান্ অবার্ আগেদি দিনুনোত্ নোহ জাহাজত্ ন-সমানা সং মান্‌জ্যে হানা-দানা গোজ্যন্, মিলে-মরদে লোলি গোজ্যন্।

১ থিষলনীকীয় 5:3

যেক্কেনে মান্‌জ্যে কবাক্, “শান্তি ওইয়্যে, দর্‌‌গরেপারা কিচ্চু নেই,” সেক্কেনে পিদিলি মিলের্ অদাতৎ পেটপিড়ে উদেধে ধোক্ক্যেন গুরি সেই মানুচ্চুনোর্ সর্বনাজ্ অবঅ। তারা কনভাবদে রোক্ষ্যে ন-পেবাক্।

২ পিতর 3:6

সেলক্কে সেই জগদ্‌তান বান পানিয়ে ভস্ত ওই যেইয়্যে।