পত্থম 7:1 - Chakma Bible

¹ ইয়েন পরেদি লগেপ্রভু নোহরে আরঅ কলঅ, “তুই আর তঅ পরিবারর্ বেক্কুনে জাহাজত্‌ উদিবা। মুই দেগঙর্, এ মানুচ্চুনো ভিদিরে বানা তুয়ই গম্‌ মানুচ্‌ আগচ্‌।

পত্থম 7:1 Iomraidhean Croise

পত্থম 6:18

“মাত্তর্ মুই তত্তে মর্‌ সুদোমান ঠিগ্ গুরিম। তুই যেইনে জাহাজত্‌ উদিবে আর তঅ লগে তর্ পুঅগুন, তঅ মোক্কো আর তঅ পূদবোগুন্ থেবাক্।

পত্থম 6:9

ইয়েন অলঅ নোহ জীংকানির্ কধা। নোহ এক্কো গম্‌ মানুচ্‌ এলঅ। তা সময়ানত্‌ মানুচ্চুনো ভিদিরে তেয়ই এলঅ গম্‌। গোজেন লগে তার দোল্‌ উদো-লোলি এলঅ।

পত্থম 7:13

যেদিন্যে ঝড় পড়ানা আরাম্ভ অলঅ সেদিন্যে নোহ, তা মোক্কো, তা পুয়ো শেম, হাম, যেফৎ আর তা তিন্নো পূদবো যেইনে জাহাজছানত্‌ উদিলাক্।

পত্থম 7:7

পানি বানত্তুন্‌ মাব্ পেবাত্তে নোহ, তা মোক্কো, তা পুয়োগুন আর পূদবোগুনে সে জাহাজছানত্‌ উদিলাক্ ।

২ শমূয়েল 22:24

তা মুজুঙোত্‌ মুই নিদ্দুজী এলুং, মুই পাপত্তুন্‌ দূরোত্‌ থেইয়োং।

গম্ উপদেজ্ 10:9

যে গমেডালে চলে তে নিচিদে গুরি আঢাউদো গরে, মাত্তর্ যে ভান্ন্যেই পধেদি আঢে তে ধরা পুরিবো।

গম্ উপদেজ্ 14:26

লগেপ্রভু উগুরে ভোক্তিবলা দরত্তুন্ দোল্ আজা এজে আর তা ঝি-পুয়োগুনোত্তে আশ্রয়র জাগা থায়।

গম্ উপদেজ্ 18:10

লগেপ্রভুর দরমর ঘর ধোক্ক্যেন্; গোজেন ভক্ত মান্‌জ্যে সিয়েনত্ যেইনে রোক্ষ্যে পায়।

যিহিষ্কেল 14:14

এ অবস্থাত্ সিয়েনত্ যুনি নোহ, দানিয়েল আর ইয়োব-এ তিনজন মানুচ্ থেদাক্ সালে তারার্ সততাগানত্তে তারা বানা নিজোরে রোক্ষ্যে গুরি পারিদাক্। মুই প্রভু লগেপ্রভু এ কধাগান কঙর্।

সফনিয় 2:3

ও দেজর্ বেক্ নম্র মানুচ্চুন, তুমি যিগুনে লগেপ্রভুর উগুম মজিম্ কাম গরঅ, তুমি তার্ আওজ্ মজিম্ গমেডালে আর নম্রগুরি চলঅ; সেক্কে লগেপ্রভুর রাগর্ দিন্নোত্ অয়ত তুমি আশ্রয় পেবা।

লূকে লেখ্যে গম্ হবর্ 1:6

তারা দ্বিজনে গোজেনর্ চোগেদি ধার্মিক এলাক্। প্রভুর্ বেক্ উগুমানি আর সুদোমানি তারা গমেডালে পালেদাক্।

লূকে লেখ্যে গম্ হবর্ 17:26

নোহ সময়োত্ যে অবস্থা ওইয়্যে মান্‌জ্য পুয়োবোর্ এবার্ সময়োত্ অ সেই অবস্থা অবঅ।

প্রেরিত্‌ 2:39

তমাত্যে, তমা পুয়ো-ছাগুনোত্যে আর যিগুনে দূরোত্ আঘন্, এক কধায় আমা প্রভু গোজেনে তা নিজোর্ মানুচ্‌ অবাত্যে যিগুনোরে ডাগিবো, তারা বেক্কুনোত্ত্যে এ উগুমান গরা ওইয়্যে।”

ইব্রীয় 11:7

যিয়েন সেক্কেয়ো দেগা ন-যায় সেই পৌইদ্যেনে গোজেনে নোহরে উজিয়ার্ গোজ্জ্যে। নোহ গোজেন-ভক্ত এলঅ বিলি গোজেনর্ কধা বিশ্বেজ্ গুরিনে এক্কান জাহাজ বানেয়্যে, যেনে তা ঘোর্‌বোবু রোক্ষ্যে পায়। নোহ তার্ বিশ্বেজ্‌চান্দোই জগদ্‌তানরে দুষি বিলিনে প্রমাণ গোজ্জ্যে আর গোজেন ইধু নিদ্দুজি বিলিনে মানি লবার্ অধিকার পেয়্যে, যিয়েন বানা বিশ্বেজর্ কারনে পাহ্ যায়।

১ পিতর 3:20

ভালোক্ দিন আগে নোহর সেই জাহাজ্‌চান বানেবার সময়োত্ গোজেনে যেক্কে ধৈয্য ধুরিনে বাজ্জেই রোইয়্যে সেক্কে যিগুনে অবাধ্য ওইয়োন এ আত্মাগুন তারার্। সেই জাহাজত্ উদিনে বানা কয়েক্‌জন, অত্তাৎ বানা আস্‌টোজন সেই পানিগানত্তুন্ বাচ্চ্যন্।