পত্থম 6:11 - Chakma Bible

¹¹ সে সলাবোত্‌ গোজেন ইধু গোদা সংসারান পাপর্‌ পজাবাজে আর অত্যেচার-অবিচারে ভরা এলঅ।

পত্থম 6:11 Iomraidhean Croise

পত্থম 10:9

লগেপ্রভুর্ চোগোত্‌ তে এলদে এক্কো ব্যধ শিগেরী। সেনত্তে কধায় কয়দে, “মানুচ্চ্য যেন লগেপ্রভুর্ চোগোত্‌ এক্কো কাবিল্ শিগেরী নিম্রোদ।”

পত্থম 13:13

সদোম মানুচ্চুনে অমকদ বজং এলাক্ আর লগেপ্রভু মুজুঙোত্‌ তারা জদবদে পাপ গুরিলাক্।

পত্থম 6:10

শেম, হাম আরঅ যেফৎ নাঙে নোহর তিন্‌নো পুয়ো এলাক্।

পত্থম 7:1

ইয়েন পরেদি লগেপ্রভু নোহরে আরঅ কলঅ, “তুই আর তঅ পরিবারর্ বেক্কুনে জাহাজত্‌ উদিবা। মুই দেগঙর্, এ মানুচ্চুনো ভিদিরে বানা তুয়ই গম্‌ মানুচ্‌ আগচ্‌।

২ বংশধর 34:27

‘এ জাগায়ান্‌ আর তা মানুচ্চুনো বিরুদ্ধে মুই যিয়েনি কোইয়োং সিয়েনি শুনিনে তঅ মনান্‌ সিয়েন্দোই সাড়া দিয়্যে আর মঅ মুজুঙোত্‌ তুই নিজোরে চিগোন্‌ গোজ্যস্‌ আর তঅ পোজাক্কান্‌ ফাদিনে মইদু কানাকুদি গোজ্যস্‌। তুই ইয়েনি গোজ্যস্‌ বিলিনে মুই লগেপ্রভু তর্‌ তবনাগান্‌ শুন্যং।

গীতসংহিতা 11:5

লগেপ্রভু তা ভক্তগুনোরে যগা চায়, মাত্তর্ যিগুনে পাজি আর অত্যেচার গমপান্ তারারে তে এলাফেলা গরে।

গীতসংহিতা 140:11

ইংসে-নিন্দে গুরিয়্যেগুনে যেনে দেশ ভিদিরে অধিকার ন-পান; অত্যেচার্ গুরিয়্যেগুনোর্ পিজে পিজে দজাগান্ আমিঝে থেবঅ।

গীতসংহিতা 55:9

ও প্রভু, তুই তারা উগুরে ভস্তগান্ আন্, তারার্ কধা বাত্তাত্ যাগুলুক্ বাজেই দে; মুই শঅরত্ মারামারি আর কোল্-কোজ্যে দেগঙর্।

যাত্রা 32:7

ইয়েনত্যে লগেপ্রভু মোশিরে কলঅ‌, “তুই তলেন্দি লামি যাহ্। তর্‌ সেই বেক্‌ মানুচ্চুনে যিগুনোরে তুই মিসর্‌ দেজত্তুন্‌ নিগিলেই আন্যচ্‌ তারা অমহদ বেশ্ ওইয়োন্‌।”

যিশাইয় 60:18

কনঅ ক্ষতি গুরিবার কধা আর তমা দেজত্ শুনো ন-যেবঅ, তঅ দুযি ভিদিরে শুনো ন-যেবঅ কনঅ ভস্ত বা বিনাশ কধা। তঅ দেবাল নাঙানি অবঅ উদ্ধোর আর তর্ গেট্‌তুনোর নাঙানি অবঅ নাঙ্ গিনেনা।‌‌‌‌‌‌‍‍

যিরমিয় 6:7

কূয়ো পানি যেবাবোত্যেগুরি নিত্য নাল্ আঢে সেবাবোত্যেগুরি তে তার পাজিগানি নিত্য চালু রাগায়। সিয়েন ভিদিরে অত্যেচার আর ভস্ত অনার্ রঅ শুনো যায়; তার অসুগ কধা আর আঘাত্‌‌‌‌‌‌তানি নিত্য মঅ মুজুঙোত্ আঘে।‌‌‌

যিহিষ্কেল 28:16

তর্ বোউত্ বেবসার কারনে তুই অত্যেচারি ওইনে পাপ গুরিলে। সেনত্তে গোজেনর মুড়োবোত্তুন্ মুই তরে অসিজি অবস্থায় ধাবেই দিলুং। ও রোক্ষ্যেগুরিয়্যে করূব, মুই তরে আগুনো ধোক্ক্যেন চক্‌‌‌‌‌‌চক্ গোজ্যে পাত্তর ভিদিরেত্তুন্ সোরেই দিলুং।

যিহিষ্কেল 8:17

তে মরে কলঅ, “ও মান্‌‌জ্যর পুয়োবো, তুই ইয়েন দেগিলে? যিহূদার মানুচ্চুনে যে জঘন্য কাম্ ইধু গত্তন্ সিয়েন গরানা তারার্ তপ্পে কি এক্কান সামান্য বেপার? তারা অত্যেচারে দেজ্‌‌চান ভোরেই ফেলেয়োন আর আমিঝে মর্ অহুজিগান জাগেই তুল্যন্। চঅ, তারা মরে কি অমকদ অগমান গোজ্যন্।

হবক্‌‌‌‌কূক 1:2

ও লগেপ্রভু, আর কয়দিন এযালত্তে মুই তরে ডাগিম আর তুই ন-শুনিবে? কয়দিন “অত্যেচার চলের্” বিলি তইদু কানাকুদি গুরিম আর তুই উদ্ধোর্ ন-গুরিবে?

হবক্‌‌‌‌কূক 2:17

লেবানন উগুরে তুই যে অত্যেচার গোজ্যস্ সেই অত্যেচারান্ পুরোপুরি গুরিনে তঅ উগুরে এবঅ আর সিদুগোর্ য়েমানুনোরে মারে ফেলেয়োচ্ বিলিনে ইক্কিনে য়েমানুনে তরে দর্ লাগেবাক্। তুই দঅ মান্‌‌‌‌‌জ্যর্ লো ঝোরেয়োচ্ আর দেজ্, শঅর্ আর সিদুগোর্ বেক মানুচ্চুনোরে অত্যেচার গোজ্যস্।

হবক্‌‌‌‌কূক 2:8

তুই ভালোক্ জাদর্ ধন-সোম্বোত্তিগানি লুদেয়োচ্ বিলি সেই বেক্ জাদর্ বাঁজি থেইয়্যে মানুচ্চুনে তর্ ধন-সোম্বোত্তিগানি লুদেবাক্। ইয়েনর্ কারনান্ অলঅ, তুই মান্‌জ্যর লো ঝোরেয়োচ্; তুই নানান্ দেজ্, শঅর্ আর সিয়েনি ভিদিরে বেক্ মানুচ্চুনোরে অত্যেচার গোজ্যস্।

লূকে লেখ্যে গম্ হবর্ 1:6

তারা দ্বিজনে গোজেনর্ চোগেদি ধার্মিক এলাক্। প্রভুর্ বেক্ উগুমানি আর সুদোমানি তারা গমেডালে পালেদাক্।

রোমীয় 2:13

যিগুনে বানা রীদি-সুদোম কধা শুনোন্ সিগুনে গোজেনর্ চোগেদি নিদ্দুজি নয়, মাত্তর্ যিগুনে রীদি-সুদোম পালান্ গোজেনে তারারে নিদ্দুজি বিলি মানি লবঅ।

রোমীয় 3:19

আমি কোই পারিই মোশির্ রীদি-সুদোম তারাত্যে যিগুনে সেই রীদি-সুদোমর্ অধীন। সেনত্তে যিহূদী- অযিহূদী কারর্ কিচ্চু কবার্ নেই, বেক্ মানুচ্চুন্ গোজেন ইধু দুষি ওই আঘন্।

দ্বি’লম্বর বিররণ 31:29

মুই হবর্‌ পাংগে যে, মর্‌ মরাণার পরেন্দি তুমি এক্কুবারে ভান্ন্যেই ওই যেবা আর যে পদেন্দি মুই তমারে চলিবার উগুম দুয়োঙর্‌ তুমি সিয়েনত্তুন সোরেই যেবা। আগামিদি তমা উগুরে দযা লামি এবঅ, কিত্যে লগেপ্রভুর চোগোত্‌ যিয়েনি ভান্ন্যেই তুমি সিয়েনি গুরিবা আর তমার নিজোর আঢ্‌তোই বানেয়্যে মূত্তিলোই তুমি তারে অখুজি গুরিবা।”

বিচের গুরিয়্যেগুন 2:19

মাত্তর্‌ সেই শাজন্ গুরিয়েবো মুরি গেলে মানুচ্চুনে আর দেব-দেবেদাগুনোর্‌ ইন্দি মনান্‌ দিদাক্‌ আর তারারে সেবা আহ্‌ পূজো গুরিনে তারার্‌ পূরোণি মানুচ্চুনোত্তুন্‌ বেশ্‌ আরঅ‌ বজং পদেন্দি ফিরি যেদাক্‌। তারা কনবাবদে তারার্‌ ভাজ্‌ন্যেই হাচ্যত্‌ আর একগঙ্যা পথ্‌তান্‌ ন-ছাড়িদাক্‌।