পত্থম 48:9 - Chakma Bible

⁹ জোবত্‌ যোষেফে তা বাবরে কলঅ, “ইগুন্‌ মঅ পুয়ো। গোজেনে এ দেজত্ ইগুনোরে মরে দিয়্যে।” ইস্রায়েলে কলঅ, “সিগুনোরে মইধু আনঅ। মুই তারারে বর্ দিবাত্তে চাং।”

পত্থম 48:9 Iomraidhean Croise

পত্থম 27:4

সে পরেদি মুই হুজি অং পারা দোল্ হানা বানেইনে মইধু আন্‌, যেনে সিয়েন্‌ হেইনে মুরিবার আগেদি তরে বর্ দি যেই পারং।”

পত্থম 30:2

সেক্কে রাহেল উগুরে যাকোবর্‌ অমকদ রাগ অলঅ। তে কলঅ, “মুই গোজেন নাকি? তে দঅ তরে ভাঝ্‌ গোজ্যে।”

পত্থম 33:5

পরেদি এষৌ মুয়োন্‌ তুলিনে সে বেক্‌ মিলেগুন্‌ আর পুয়ো-ঝিগুনোরে দেগিনে পুযোর্‌ গুরিলো, “তঅ লগে ইগুন্‌ কন্না?” যাকোবে কলঅ, “গোজেনে দোয়্যে গুরি তঅ চাগর্‌বোরে এ পুয়ো-ঝিগুন দিলো।”

পত্থম 49:28

ইগুনে অলাক্‌ ইস্রায়েল বারবো গুট্টি। তারা বাপ্পো তারারে বর্ দিবার্‌ অক্তত্‌ এ কধানি কোইয়্যে। তে পত্তিজনরে বর্ দিলো।

১ বংশধর 25:5

ইগুনে বেক্কুনে অলাক্‌ রাজার দর্শক হেমন পুয়ো। গোজেন এগেম্ মজিম হেমনরে খেমতাবলা গুরিবাত্তে গোজেনে তারে চোদ্দোবো পুয়ো আর তিন্নো ঝি দিলো।

গীতসংহিতা 127:3

পুয়োগুন লগেপ্রভুর দিয়্যে সোম্বোত্তি, পেদ ভিদিরে পুয়ো-ছাগুন তার দিয়্যে বক্‌শিষ্।

যিশাইয় 8:18

এইয়্যে চাহ্, মুই আর সেই পুয়োগুন যিগুনোরে লগেপ্রভু মরে দিয়্যে। বেগত্তুন্ খেমতাবলা লগেপ্রভু, যিবে সিয়োন মুড়োবোত্ বজত্তি গরে আমি তার আওজ্ মজিম্ চিহ্নো আর আমক্ অবার্ লক্ষণ ওইয়্যেই।

দ্বি’লম্বর বিররণ 33:1

গোজেনর মানুচ্‌ মোশি মরাণার আগেন্দি ইস্রায়েলীয়গুনোরে ইয়েন কোইনে আশিদ্‌বাদ গুরিলো,

ইব্রীয় 11:21

বিশ্বেজ্ গুরিনে যাকোবে মুরি যেবার সময়োত্ যোষেফর দ্বিবে পুয়োরে বর্ দিয়্যে আর লুদিগো উগুরে ভর্ দিইনে গোজেনর্ উবোসনা গোজ্জ্যে।

১ শমূয়েল 1:20

সেক্কে হান্না পিদিলী অলঅ আর অক্তবো অলে তার এক্কো পূঅ অলঅ। “মুই লগেপ্রভুর ইত্তুন্‌ তারে চেই নেযেয়োং,” ইয়েন কোইনে হান্না পূঅবোর নাঙান্‌ রাগেল শমূয়েল।

১ শমূয়েল 1:27

মুই এই পূঅবোরে চেইনেই তবনা গোজ্যং, আর লগেপ্রভুর ইদু যিয়েন চেইয়োং সিয়েন তে মরে দিয়্যে।