পত্থম 47:9 - Chakma Bible

⁹ যাকোবে কলঅ, “এ পিত্‌তিমীত্‌ কয়েক্‌দিনোর্‌ মানুচ্‌ ইজেবে মর্‌ একশঅ ত্রিশ বজর্‌ গেলঅ। এ দিনুন্ খুব বেশ্‌ নয়, আর সেদিনুন্ দুঘে দুঘে কাদি যেইয়্যেগোই। মাত্তর্‌ কয়েক্‌দিনোর্‌ মানুচ্ ইজেবে মর্‌ চোদ্দো গুট্টিগুনে যেদকদিন্‌ কাদেই যেইয়োন্‌ মুই সেদকদিন্‌ কাদেই ন-পারিম।”

পত্থম 47:9 Iomraidhean Croise

পত্থম 11:11

অর্ফকষদর জর্মর পরেদি শেমে আরঅ পাচশ বজর বাঁজি এলঅ। এ ভিদিরে তার আর ঝি-পুয়ো ওইয়োন্।

পত্থম 35:28

ইস্‌হাকে একশঅ আশি বজর্‌ বাঁজি এলঅ।

পত্থম 47:28

যাকোবে মিসর দেজত্‌ আরঅ সতর বজর্‌ বাঁজি এলঅ। সেনত্তে তে একশঅ সাতচল্লিশ্‌ বজর্‌ বাঁজি এলঅ।

পত্থম 47:8

ফরৌণে যাকোবরে পুজোর গুরিলো, “তর্‌ বয়জ্‌ কদক্‌ অলঅ?”

পত্থম 5:27

নয়শঅ উনসত্তর বজর বাঁজি থানার পরেদি মথূশেলহ মুরি গেলঅ।

পত্থম 50:26

একশঅ দশ বজর্‌ বয়জত্‌ যোষেফে মুরি গেলঅ। সেক্কে তার্‌ কিয়্যেগান্‌ তুম্বাস্‌ মজলা দিইনে মরাকিয়্যেগান্ রাগেবার্‌ এক্কো বাক্‌সুত্‌ গুরি মিসরদই রাগা অলঅ।

১ বংশধর 29:15

আমি তঅ চোগেন্দি আমা বেক্‌ পূরোণি মানুচ্চুনো ধোক্ক্যেন পরদেজর্‌ আদাম্মে। পিত্‌থিমীত আমা দিনুন্‌ ছাবা ধোক্ক্যেন, আমার্‌ কনঅ আজা নেই।

ইয়োব 14:1

মিলে পেদত্‌ জোর্মেয়্যে মানুচ্চুনোর্‌ জিংকানি কয়েকদিনোর্‌, আর সিয়েন্‌ দুঘে ভরা।

গীতসংহিতা 119:19

মুই দঅ পিত্‌থিমীত বজত্তি গুরিয়্যে এক্কো বিদেশি; তঅ উগুমান মত্তুন্ লুগেই ন-রাগেচ্।

গীতসংহিতা 119:54

মুই যেদকবুলোন্ এ পিত্‌থিমীত বাঁজি আগং সেদকবুলোন্ তর্ সুদোমানি অবদে মর্ গান।

গীতসংহিতা 39:12

“ও লগেপ্রভু, তুই মর্ তবনাগান শুন; এজাল্ পেবাত্তে মর্ এ কানানিগান তুই শুন্; মর্ চোগো পানিগান দেগিনে তুই অলর্ গুরি ন-থেচ্; কিত্যে মর্ পূরোণি বুড়োবুড়িগুনে যেধোক্ক্যেন্ এলাক্ সেধোক্ক্যেন মুইয়ো পিত্‌থিমীত্ তর্ মুজুঙোত্ পরবাস্যে ধোক্ক্যেন্ আগং।

গীতসংহিতা 39:13

মঅ উগুরেত্তুন তর্ চানাগান সোরেই নেযা, যেনে যেবার্ আগেন্দি, শেজ্ ওই যেবার আগেন্দি, আরঅ মুই হুজি ওই পারং।”

গীতসংহিতা 39:5

তুই মর্ আয়ুগান বানা চের্ আঙুলো সং গোজ্যচ্; তর্ চোগেন্দি মর্ জিংকানিগান কিচ্চু নয়। মানুচ্ তার্ বেক্কানিন্দি সয়সাগোজ্যে অবস্থাদ্‌অ বানা এক্কো নিজেস্ বাদে আর্ কিচ্চু নয়।

যাত্রা 6:4

মুই তারাত্যে মর্‌ সুদোমান থিদেবর্ গোজ্যং। সে সুদোমত্‌ মুই কোয়োংগে, তারা বিদেশী ইজেবে যিয়েনত্‌ বজত্তি গুরিদাক্‌ সে কনান্‌ দেজ্‌চান্‌ মুই তারারে দিম।

যাত্রা 7:7

ফরৌণ লগে কধা কবার্‌ সময়োত্‌ মোশির্‌ বয়জ্‌ আশি বজর আর হারোণর তিরেশি।

২ করিন্হীয় 5:6

ইয়েনত্যে কনদিন্অ আমার্ সাহজর্ অভাব ন-অয়, আর আমি বুঝি পাজ্জ্যেই যে, যেদক্ দিন আমি এ কিয়্যেগানর্ ঘরত্ বজত্তি গুরিবোং সেদক দিন প্রভুত্তুন্ দূরোত্ থেবং।

দ্বি’লম্বর বিররণ 34:7

মুরি যেবার সময়োত্‌ মোশির বয়স এলঅ একশঅ কুড়ি বজর। সেক্কেয়ো তার দেগিবার দৃষ্টিগান কুমি ন-যায় বা তার কিয়্যের্ জোরানঅ কুমি ন-যায়।

ইব্রীয় 13:14

কিয়া ইয়েনত্ আমার কনঅ থিদেবর্ গোজ্জ্যে শঅর্ নেই; মাত্তর্ যে শঅরান্ এবঅ সিয়েনত্যে আমি বাজ্জ্যেই আঘিই।

যাকোব 4:14

মাত্তর্ এজেত্তে কেল্ল্যে কি অবঅ সিয়েন তুমি কোই ন-পারঅ। তমা জিংকানিগানি বা কি? তুমি দঅ ভাব(ধূমো) ধোক্ক্যেন, যিয়েন খানক্‌কনত্যে থায় আর সে পরেদি মিলেই যায়।

যিহোশূয় 24:29

এ ঘটনাগানির পরেন্দি লগেপ্রভুর চাগর্‌ নূনর পূঅ যিহোশূয় একশঅ দশ বজর বয়জত্‌ মুরি গেলঅ।

১ পিতর 2:11

কোচ্‌‌পেইয়্যে সমাজ্জ্যেগুন, এ পিত্‌থিমীত তুমি বিদেশী আর পরদেজত্ কয়েকদিন বজত্তি গুরিয়্যে বিলিনে মুই তমারে বিশেষ গুরিনে কোজোলী গরঙত্তে, তুমি পাপ-খাচ্চ্যদর্ কামনা-বাসনাত্তুন্ দূরোত্ থাগঅ,