পত্থম 47:6 - Chakma Bible

⁶ গোদা মিসর দেজ্‌ছান্‌ দঅ তঅ মুজুঙোত্‌ পড়ি আঘে। দেজর্‌ বেগত্তুন্‌ গম্‌ জাগানত্‌ তঅ বাপ্পো আর ভেইয়ুনোরে বজত্তি গুরিবাত্তে দে। তারা গোশনত্‌ বজত্তি গোরোদোক্‌। তারা ভিদিরে যগাজ্যে মানুচ্‌ পেলে তারা উগুরে মঅ য়েমান পালুনোর্ ভারানঅ দিজ্।”

পত্থম 47:6 Iomraidhean Croise

পত্থম 13:10

সেক্কে লোটে রিনি চেইনে দেগিলো যর্দনর্ বেক্ সংজাগানত্‌ বোউত্‌ পানি আঘে আর জাগায়ান্‌ চাদে পেরায় লগেপ্রভুর বাগান ধোক্ক্যেন, আর সিয়েন্‌ ন-অলেয়ো প্রায় সোয়রত্‌ যেবার পদত্‌ মিসর দেজছান ধোক্ক্যেন। সেক্কেয়ো লগেপ্রভু সদোম আর ঘমোরা শঅরান্‌ ভস্ত গুরি ন-ফেলায়।

পত্থম 13:9

গোদা দেজ্‌ছান্‌ দঅ তঅ মুজুঙোত্‌ পড়ি আঘে। সেনত্তে আয়, আমি ফারগ্ ওই যেই। তুই বাঙেন্দি বেঈ ললে মুই ডেনেন্দি যেম্‌, আর ডেনেন্দি বেঈ ললে মুই বাঙেন্দি যেম্‌।”

পত্থম 20:15

পরেদি তে অব্রাহামরে কলঅ, “চাহ্, মর্‌ পুরো দেজ্‌ছান দঅ তঅ মুজুঙোত্‌ আঘে। তর্‌ যিয়েনত্‌ হুজি সিয়েনত্‌ তুই বজত্তি গুরিচ্‌।”

পত্থম 34:10

তুমি আমা ভিদিরে বজত্তি গরঅ। গদা দেজ্‌ছান দঅ তমা মুজুঙোত্ পড়ি আঘে। তুমি ইধু থাগঅ, হুজি মনে আদা-উদো গরঅ আর ধন-সোম্বোত্তির্‌ গিরোজ্ অ।”

পত্থম 45:10

তুমি এইনে গোশন চাগালাত্‌ বজত্তি গরঅ। সেক্কে তুমি, তমার পুয়ো-ঝি, তমার নাদিন-পুদিন, তমার য়েমান আর ভেড়া ছাগলর্ ঝাক্ আর তমার যিয়েনি আঘে বেক্কানি লোইনে মইধু থেই পারিবা।

পত্থম 46:34

সেক্কে তুমি কবাদে, ‘তর্‌ এ চাগরুনে আর তারার্‌ পুরোণি মানুচ্চুনে চিগোনত্তুন্‌ ধুরি ইক্কিনে সং য়েমান পালেই এত্তন্।’ সেক্কে তুমি গোশনত্‌ বজত্তি গুরিবার্‌ উগুম্‌ পেবা। যিগুনে ছাগল-ভেড়া চরান্‌ মিসরীয়গুনে তারারে বজং চোগেদি রিনি চান্‌।”

পত্থম 47:11

যোষেফে তা বাবরে আর ভেইয়ুনোরে থিদেবর্ গুরিনে বজত্তি গুরিবার্‌ বেবস্থা গুরিলো। ফরৌণ উগুম মজিম্‌ মিসর্‌ দেজর্ বেগত্তুন্‌ গম্‌ জাগাগান তে তারার্‌ সোম্বোত্তি ইজেবে দান গুরিলো। জাগাগানর্‌ নাঙ্‌ এলঅ রামিষেষ।

পত্থম 47:16

যোষেফে কলঅ, “সালে তমার গোরু-ভেড়াগুন্‌ বেক্কুন্‌ মরে দুয়ো। তমা টেঙাগুন্‌ যেক্কে ফুরেয়োন্‌ সেক্কে সিগুনোর্‌ বদলে মুই তমারে হানা দিম্‌।”

পত্থম 47:4

তারা আরঅ কলাক্, “আমি এ দেজত্‌ কয়েক্‌দিন থেবাত্তে এচ্চ্যেই। কনান দেজত্‌ ইক্কিনে অমকদ ভাদ-রাদ্ চলের্‌ বিলিনে সিধু আমার্‌ ছাগল-ভেড়াগুনে হেবার্‌ ঘাস নেই। সেনত্তে দোয়্যে গুরি তঅ চাগরুনোরে গোশনত্‌ থেবাত্তে উগুম্‌ দে।”

পত্থম 47:5

ফরৌণ যোষেফরে কলঅ, “তঅ বাপ্পো আর ভেইয়ুনে তইধু এচ্চোন্।

১ রাজাবলী 11:28

সে অক্তত্‌ যারবিয়ামে সিদু কাম গোজ্যে আর তা কামর্‌ বেশ্‌ সুনাঙ্‌ এলঅ। শলোমনে যেক্কে দেগিলো, গাবুজ্যেবো বেশ্‌ কামর্‌ মানুচ্‌ সেক্কে তে তারে যোষেফ বংশর বেক্‌ গাবুরুনোরে দেগাশুনো গুরিবার ভারান্‌ দিলো।

২ বংশধর 26:10

তলেন্দি মুড়ো চাগালাত্‌ আর সংজাগাত্‌ তার্‌ ভালোক্কুন্‌ এ্যামানপাল এলাক্‌; সেনত্তে তে ধূল্যেচর-চাগালাত্‌ অজল্‌ অজল চুগিদার-ঘর বানেল আর ভালোক্কুন্‌ কূয়ো খুড়িলো। তা মানুচ্চুনে বোল্‌বোল্যে ভূইয়োত্‌ চাজ্‌ গুরিদাক্‌ আর মুড়োমুড়ি ইদু আংগুর ক্ষেত্‌ গুরিদাক্‌, কিত্তে তে চাজ্‌বাজ কাম্‌ কোচ্‌পেদঅ।

যাত্রা 18:21

তুই বেক্‌ মানুচ্চুনো ভিদিরেত্তুন্‌ এন্ যগাজ্যে মানুচ্চুনোরে বেঈ নেযেবে যিগুনে গোজেনভক্ত, সত্যবাদী আর অন্যায়রে ঘিনেন্‌। তারারে তুই মানুচ্চুনোর্‌ নেতা ইজেবে নেযেবে-কয়েক জনরে আজার উগুরে, কয়েকজনরে শত উগুরে, কয়েক জনরে পঞ্চাজ উগুরে আর কয়েক জনরে দশ জন উগুরে।

যাত্রা 18:25

তে বেক্‌ ইস্রায়েলীয়গুনো ভিদিরেত্তুন্‌ যগাজ্যে মানুচ্চুনোরে বেঈ লোইনে নেতা ইজেবে তারারে নেযেল-কয়েকজনরে আজার উগুরে, কয়েকজনরে শত উগুরে, কয়েকজনরে পঞ্চাজ উগুরে আর কয়েকজনরে দশ জন উগুরে।

যাত্রা 9:10

সেক্কে মোশি আর হারোণে চুলোত্তুন্‌ কালি নেযেইনে ফরৌণ মুজুঙোত্‌ ঠিয়্যেলাক্। মোশি সিয়েনি আগাজ মোক্ক্যে ইরি দেনার পরেদি মান্‌জ্যর আর য়েমান কিয়্যেত্‌ ফোড়া উদিনে ঘা ওই গেলঅ।

যাত্রা 9:21

মাত্তর্‌ যিগুনে সিয়েন্‌ ন-শুনিলাক্ তারা তারার্‌ চাগরুনোরে আর য়েমান পালুনোরে মাদঠ্‌ রাগেলাক্।

গম্ উপদেজ্ 21:1

লগেপ্রভু আঢত্ রাজার মনান্ পানি গঙার ধোক্ক্যেন্; লগেপ্রভু যিয়েনত্ চায় সিয়েনত্ তারে চালায়।

গম্ উপদেজ্ 22:29

তুই কি এধোক্ক্যেন কনঅ মান্‌জ্যরে দেখ্যচ্ যে কাবিল্ আঢ্‌তোই কাম্ গরে? তে রাজাগুনোত্তে কাম্ গুরিবো, সাধারণ মানুচ্চুনোর অধীনোত্ কাম্ ন-গুরিবো।

যিরমিয় 40:4

মাত্তর্ এচ্চ্যে মুই তঅ আঢ শিগলত্তুন্ তরে উদ্ধোর গুরিলুং। তুই যুনি চাজ্ সালে মঅ সমারে তুই বাবিলোত্ যেই পারচ্, মুই তরে দেগাশুনো গুরিম; মাত্তর্ যুনি যেবাত্তে ন-চাজ্ সালে ন-যেচ্। চাহ্, পুরো দেজ্‌চান তঅ মুজুঙোত্ পড়ি আঘে; তুই যিয়েনত্ হুজি যেই পারচ্।”

যোহন 17:2

তুই তারে বেক্‌ মানুচ্চুনো উগুরে অধিকার্ দুয়োচ্, যেন যিগুনোরে তুই তা আদত্ দুয়োচ্ তারারে বেক্কুনোরে তে উমর্‌অ জিংকানি দি পারে।

১ শমূয়েল 21:7

দোয়েগ নাঙে শৌলর এক্কো ইদোমীয় কামগুরিয়্যে সেদিন্যে লগেপ্রভুর নাঙে কনঅ কামত্‌ সিয়েনত্‌ আক্‌সো যেয়্যেগোই। তে এলদে শৌলর য়েমানচোরেইয়্যের নেতাবো।