পত্থম 43:3 - Chakma Bible

³ যিহূদা তারে কলঅ, “মাত্তর্‌ সে মানুচ্চো আমারে জদবদে হুমকি দিইনে কোইয়্যেদে, ‘তমা ভেইবো তমা লগে ন-থেলে তুমি আর মঅ মুজুঙোত্‌ ন-এচ্চ্য।’

পত্থম 43:3 Iomraidhean Croise

পত্থম 43:2

মিসর দেজত্তুন্‌ ইস্রায়েলর, অত্তাৎ যাকোব পুয়োগুনে যে শোজ্যগুন্‌ আন্যন্‌ সিগুন্‌ শেজ্‌ ওই যানার্‌ পরেদি তারা বাপ্পো কলঅ, “তুমি আরঅ যেইনে আমাত্তে কিজু শোজ্য কিনি আনঅ।”

পত্থম 43:4

তুই যুনি আমা ভেইবোরে আমা লগে যেবাত্তে দুয়োচ্ সালে আমি যেইনে তত্তেই শোজ্য কিনি আনি পারিবোং।

পত্থম 43:5

মাত্তর্‌ তারে যেবাত্তে ন-দিলে আমিয়ো ন-যেবং। মানুচ্চো আমারে কোইয়্যে, তমা ভেইবো তমা লগে ন-থেলে তুমি আর মঅ মুজুঙোত্‌ ন-এবা।”

পত্থম 44:23

মাত্তর্‌ তুই তঅ চাগরুনোরে কোইয়োচ্চ্যে, তমা চিগোন্‌ ভেইবোরে লগে ন-আনিলে তুমি আর মঅ মুজুঙোত্‌ ন-এবা।

২ শমূয়েল 14:24

রাজা কলঅ, “তে তার্‌ নিজো ঘরত্ যোক্‌। তে যেনে মঅ মুয়োন্‌ ন-দেগে।” সেনত্তেই অবশালোমে তা ঘরত্‌ গেলঅ; রাজার মুয়োন্‌ তে ন-দেগিলো।

২ শমূয়েল 14:28

অবশালোমে দ্বিবজর্‌ সং যিরূশালেমত্‌ এলঅ; এ ভিদিরে তে রাজার মুয়োন ন-দেগে।

২ শমূয়েল 14:32

জোবত্‌ অবশালোমে যোয়াবরে কলঅ, “ইদু এবাত্তে মুই তইদু মানুচ্‌ পাধেই দুয়োং যেনে তুই যেইনে রাজারে এ কধাগান পুযোর্‌ গুরি পারচ্‌, ‘কিত্তে মুই গশূরত্তুন্‌ এলুং? সিদু থানা দঅ মর্ উজিত্ এলঅ।’ ইক্কিনে যেনে মুই রাজার মুয়োন্‌ দেগং তুই সে বেবস্থাগান গুরিচ্‌। যুনি মর্‌ কনঅ দুষ ওই থায় সালে তে যেনে মরে মারে ফেলায়।”

২ শমূয়েল 3:13

দায়ূদে কলঅ, “অাচ্চা, মুই তঅ লগে এক্কান্ চুক্তি গুরিম, মাত্তর্‌ তইদু মর্‌ এক্কান শর্ত আঘে। তুই যেক্কে আরঅ মইদু এবে সেক্কে শৌল ঝি মীখলরে ন-নেযেইনে মঅ মুজুঙোত্‌ ন-এবে।”

প্রেরিত্‌ 20:25

ইক্কিনে মুই এ কধাগান্ কোই পারং, তমার্ যিগুনো ইধু মুই যেইনে গোজেন রেজ্য পৌইদ্যেনে প্রচার গোজ্জ্যং তারাত্তুন্ কনজনে মরে আর ন-দেগিবাক্।

প্রেরিত্‌ 20:38

পৌলর্ মুয়োন্ আর্ তারা ন-দেগিবাক্, বিশেষ গুরিনে এ কধাগানত্যে তারা অমকদ মনত্ দুঘ্ পেলাক্। ইয়েনর্ পরেদি তারা তা লগে লগে জাহাজ্‌চান সং গেলাক্।

প্রেরিত্‌ 7:34

মিসর দেজত্ মঅ মানুচ্চুনো উগুরে যে অত্যেচার্ অর্ সিয়েন মুই দেক্ক্যং। মুই তারার্ কোজোলি গরানাগানি শুন্ন্যং আর তারারে উদ্ধোর্ গুরিবাত্যে লামি এচ্চ্যং। ইক্কিনে মুই তরে মিসর দেজত্ ফেরৎ পাধেম্।”