পত্থম 42:9 - Chakma Bible

⁹ তারা পৌইদ্যেনে তে যে স্ববনান্‌ দেক্ক্যে সে কধাগান্‌ সেক্কে তার মনত্‌ পড়িলো। তে তারারে কলঅ, “তুমি স্পাই। আমা দেজত্‌ কন্ কন্ জাগাত্‌ চুগিদারর্ কনঅ বেবস্থা নেই তুমি সিয়েন্‌ চেবাত্তে এচ্চো।”

পত্থম 42:9 Iomraidhean Croise

পত্থম 37:11

ইয়েন পরেদি যোষেফ উগুরে তা ভেইয়ুনো মনানি ইংসেই ভুরি উদের্, মাত্তর্‌ তা বাবে কধানি মনত্‌ গাদেই রাগেল, কাররে ন-কলঅ।

পত্থম 42:16

তমা চিগোন্‌ ভেইবোরে আনিবাত্তে তমা ভিদিরেত্তুন্‌ একজনরে পাধেই দুয়ো, আর বাদবাগী বেক্কুনে বোন্দি থাগঅ। তমা কধাগান্‌ সত্য না কি ইয়েন্দোই তার প্রমাণ অবঅ। মাত্তর্‌ যুনি তারে ন-আনঅ সালে ফরৌণ জীংকানিগান নাঙে শমক্ গরঙর্‌, তুমি স্পাই।”

পত্থম 42:34

আর তমার চিগোন্‌ ভেইবোরে ম’ইধু আনঅ। সেক্কে মুই বুঝি পারিম্‌বে, তুমি গম্‌ মানুজ্, স্পাই নয়। সেক্কে মুই তমা ভেইবোরে তমা ইধু ফিরেই দিম, আর তুমি এ দেজত্‌ বেবসা-বাণিজ্য গুরি পারিবা।”

২ শমূয়েল 10:3

মাত্তর্‌ অম্মোনীয় নেতাগুনে তারার্‌ গিরোজ্‌ হানূনোরে কলাক্, “তুই কি মনে গরচ্‌, দায়ূদে তঅ বাপ্‌পোরে সর্মান দেগেবাত্তে তরে বুজেবাত্তে মানুচ্‌ পাদেয়্যে? তে আজলে তারারে তইদু পাদেয়্যে যেনে তারা চড়্ ইজেবে শঅরর্‌ হবর্‌ নেযানার পরেন্দি সিয়েন্‌ ভস্ত গুরি দি পারন্‌।”

যাত্রা 32:35

হারোণর্ বানেয়্যে গোরু ছবোলোই মানুচ্চুনে যিয়েনি গোজ্যন্‌ সিয়েনিত্যে লগেপ্রভু তারা উগুরে দাঙর্‌ দজা পাধেই দিলো।

গণাণা 13:2

“যে কনান দেজ্‌চান্‌ মুই ইস্রায়েলীয়গুনোরে দিবাত্তে যাঙর্‌ সিয়েন পৌইদ্যেনে খোঁজ-খবর লোই আনিবাত্তে তুই পত্তি বারবো গুট্টিত্তুন এক্কো গুরিনে নেতা পাধেই দে।”

লূকে লেখ্যে গম্ হবর্ 20:20

সেনত্যে তারা যীশুরে চোগে চোগে রাগেলাক্ আর এস্পাই পাধেই দিলাক্। যীশুরে তার্ নিজো কধা ফালত্ ফেলেবাত্যে সেই এস্পাইয়ুনে গম্ মান্‌‌‌‌জ্যর ভান্ গরা ধল্ল্যাক্, যেন তারা তারে আঝল্ শাসনগুরিয়্যেবোর্ বিচেরত্ ফেলেই পারন্।

ইব্রীয় 11:31

বিশ্বেজত্তে রাহব বেশ্যে মিলেবো যিরীহো শঅরত্ বজত্তি গুরিয়্যে অবাধ্য মানুচ্চুনো সমারে ভস্ত ন-অয়, কিয়া তে সেই চড়ুনোরে সমাজ্জ্যে ধোক্ক্যেন মানি লোইয়্যে।

যিহোশূয় 2:1

নূনর পূঅ যিহোশূয় শিটীমত্তুন দ্বিবে চড়রে এ কধাগান কোইনে গুমোরত্ পাধেই দিলো, “তুমি যেইনে সে দেজ্‌চান আর বিশেজ্ গুরি যিরীহো শঅরান্‌ গমে ডালে চেই এজঅ।” এই কধাগান শুনিনে তারা যিরীহো শঅরত্‌ গেলাক্‌। সিদু তারা রাহব নাঙে এক বেশ্যে মিলে ঘরত্‌ যেইনে রলাক্‌।

যিহোশূয় 6:23

এ কধা শুনিনে সে গাবুজ্যে চড়ুনে রাহবর ঘরঅ‌ ভিদিরে চমিনে তারে, তা মা-বাবরে, তা ভেইয়ুনোরে আর ঘরর্‌ অন্যগুনোরে নিগিলেনেই আনিলাক্‌। তারা রাহব পরিবারর বেক্কুনোরে নিগিলেই আনিনে ইস্রায়েলীয়গুনোরে তাম্বুলোর্ বারেন্দি এক্কান জাগাত্‌ থেবাত্তে দিলাক্‌।

বিচের গুরিয়্যেগুন 1:24

সেই মানুচ্চুনে শঅ‌রত্তুন এক্কো মান্‌জ্যরে নিগিলি এত্তে দেগিনে তারে কলাক্‌, “শঅরত্‌ চোমেবার পথ্‌তান্ তুই আমারে দেগেই দে, সালে আমি তর্‌ কনঅ ক্ষেতি ন-গুরিবোং।”

১ শমূয়েল 26:4

সেনত্যে তে মানুচ্‌ পাদেইনে জানি পারিলোদে, শৌল সত্য সত্য এচ্চ্যে।