পত্থম 39:1 - Chakma Bible

¹ এ ভিদিরে যোষেফরে মিসর দেজত্‌ নেযা ওইয়্যে। ইশ্মায়েলীগুনে তারে সিধু নেযেয়োন্‌। সিয়েনত্‌ পোটীফর নাঙে ফরৌণর এক্কো মিসরীয় চাগর্‌ যোষেফরে তারাত্তুন্‌ কিনি নেযেল। পোটীফরে এলঅ ফরৌণর রোক্ষ্যে গুরিয়্যেগুনোর নেতা।

পত্থম 39:1 Iomraidhean Croise

পত্থম 37:25

ইয়েন পরেদি যোষেফ ভেইয়ুনে হানা-বিনে হেবাত্তে বুয়োইনে দেগিলাক্ গিলয়দত্তুন্‌ একদল ইশ্মায়েলীয় বেবসা গুরিয়্যে এত্তন্। উদো পিদিত্‌ গুরি তারা তুম্‌বাচ্‌ মজলা, গুগ্‌গুলু আর গন্ধরসছোই মিসর দেজত্‌ যাদন্।

পত্থম 37:28

সে মিদিয়নীয় বেবসায়ীগুনো মুজুঙোত এত্তে ন এত্তে ভেইয়ুনে যোষেফরে গাদত্তুন্‌ টানি তুলিলাক আর কুড়ি কত্তা রূবোলোই ইশ্মায়েলীগুনো ইধু তারে বিজি দিলাক্। সে বেবসায়ীগুনে যোষেফরে মিসরত্‌ নেযেলাক্।

পত্থম 37:36

ইন্দি মিদিয়নীয়গুনে যোষেফরে মিসরত্‌ নেযেইনে পোটীফর ইধু বিজি দিলাক্। পোটীফরে এলঅ ফরৌণর এক্কো চাগর, তা সৈন্যগুনোর্‌ বেগঅ নেতাবো।

পত্থম 40:3

তে যোষেফর্ গিরোজ, অত্তাৎ সৈন্য-দল নেতাবোর্ ঘর জেলো ভিদিরে তারারে আক্‌সোই রাগেল। যোষেফেয়ো সে একই জাগাত্‌ বন্দি এলঅ।

পত্থম 45:4

সেক্কে যোষেফে তা ভেইয়ুনোরে কলঅ, “তুমি মইধু এজঅ।” তারা কায়-কুরে এজানার্‌ পরেদি তে কলঅ, মুই তমার সেই ভেইবো যোষেফ; যিগুনে মিসরত্‌ যাদন্‌ তারা ইধু তুমি মরে বিজি দুয়ো।

গীতসংহিতা 105:17

সেক্কে তে এক্কো মান্‌জ্যরে তারার আগেন্দি পাধেই দিলো- যোষেফরে পাধেই দিলো; চাগর্ ইজেবে তারে বিজি দিয়্যে অলঅ।

প্রেরিত্‌ 7:9

সেই গুট্টির বাব্‌পুনে ইংসে গুরিনে যোষেফরে চাগর্ ইজেবে মিসর দেজত্ বেজি দুয়োন। মাত্তর্ গোজেনে যোষেফ লগে থেইনে বেক্‌ দুঘোত্তুন্ আর দজাত্তুন্ তারে রোক্ষ্যে গুরিলো। ইয়েন বাদে গোজেনে যোষেফরে জ্ঞান দান গুরিলো আর মিসরর্ রাজা ফরৌণ সুনজরত্ আনিলো। সেনত্তে ফরৌণে তারে মিসর শাসনগুরিয়্যে আর নিজো ঘরর্ সদ্দার্ বানেল।