পত্থম 34:8 - Chakma Bible

⁸ মাত্তর্‌ হমোরে যাকোব আর তা পুয়ো-গুনোরে কলঅ, “তঅ ঝিবো উগুরে মঅ পুয়োবোর্‌ পরানর্‌ টান আঘে। মঅ পুয়োবো লগে তঅ ঝিবো বৌ দে।

পত্থম 34:8 Iomraidhean Croise

পত্থম 34:3

দীণা উগুরে তার অমকদ টান্ এলঅ। তে তারে কোচ্‌পেল আর তা মুজুঙোত কোচ্‌পানার কধা কলঅ।

পত্থম 34:7

এ ভিদিরে কধাগান্‌ শুনিনে যাকোব পুয়োগুনে মাদত্তুন্‌ ফিরি এলাক। তারা যেবাবোত্যে মনত্‌ দুঘ্ পেলাক্ সেবাবোত্যে অমকদ রাগঅ অলাক্, কিত্তে যাকোব ঝিবোর্ ইজ্জোত্‌তান বর্‌বাত্ গুরি দিইনে শিখিমে ইস্রায়েল উগুরে এক্কান্‌ অগমান কাম্‌ গোজ্যে, যিয়েন্‌ গোজ্যে সিয়েনর কনঅ উচিত্ ন এলঅ।

পত্থম 34:9

আমা লগে তুমি বৌ দেদি সুদোমান আরম্ভ গরঅ। তমা মিলেগুন আমারে দুয়ো আর আমা মিলেগুন তুমি নেযঅ।

১ রাজাবলী 11:2

তারা সে জাদত্তুন্‌ এচ্ছোন্‌ যিগুনোর পৌইদ্যেনে লগেপ্রভু ইস্রায়েলীয়গুনোরে কোইয়্যে, “তুমি তারারে ন-লবা, কিয়া তারা হামাক্কাই তমার মনানি তারার্‌ দেব-দেবেদাগুনো ইন্দি টানি নেযেবাক্‌।” মাত্তর্‌ শলোমনে তারারে কোচ্‌পেইনে আজাবোদে ধুরি রাগেল।

ইয়োব 7:2

চাগর্‌বো যেধোক্ক্যেন্‌ সাজোন্যে মাদানত্তে বাজ্জেই থায়, চাগর্‌বো যেধোক্ক্যেন্‌ তা বেতনত্তে আজা গুরি থায়,

গীতসংহিতা 119:20

তর্ সুদোমানি হবর্ পেবাত্তে নিত্য মঅ পরাণানর আওজ্‌ছান বেশ্।

গীতসংহিতা 63:1

ও গোজেন, তুই মর্ গোজেন, মুই আওজ্ গুরিনে তরে ডাগঙর্; এ শুগুনো পানিনেইয়্যে দেজত্, যিবের খেত-খেত্তি দিবার বলঅ ফুরেই যেইয়্যে, সিয়েনত তত্তেই মর্ পরাণান আওজ্ গরের্, তত্তেই মর্ কিয়্যেগান থিদেবর্ নেইয়্যে ওইয়্যে।

গীতসংহিতা 84:2

মঅ পরাণানে লগেপ্রভুর ঘরর উদোনানি চেবাত্যে অমকদ ধারস্ গরের্, আর সেনত্যে মঅ পরাণানে যেন নিগিলি যার্; জেদা গোজেনত্যে মঅ কিয়্যেগান আর মনান্ হুজিয়্যে রঅ ছাড়ের্।

যিরমিয় 22:27

তুমি যে দেজত্ ফিরি এবাত্তে চেবা সিয়েনত্ কনদিন্‌অ ফিরি এই ন-পারিবা।”