পত্থম 30:1 - Chakma Bible

¹ রাহেলে যেক্কে দেগিলো তে যাকোবর কনঅ ঝি-পুয়োর মা ওই ন পারের সেক্কে তা বোনো উগুরে তা মনত্‌ ইংসে জাগিলো। তে যাকোবরে কলঅ, “মরে ঝি-পুয়ো দে, ন-অলে মুই মুরি যেম্‌।”

পত্থম 30:1 Iomraidhean Croise

পত্থম 29:31

লেয়ারে অবহেলা গরা অর্‌ দেগিনে লগেপ্রভু তারে পুয়ো অবার্‌ খেমতা দিলো, মাত্তর্‌ রাহেলে ভাজ্ ওই রলঅ।

পত্থম 37:11

ইয়েন পরেদি যোষেফ উগুরে তা ভেইয়ুনো মনানি ইংসেই ভুরি উদের্, মাত্তর্‌ তা বাবে কধানি মনত্‌ গাদেই রাগেল, কাররে ন-কলঅ।

১ রাজাবলী 19:4

মাত্তর্‌ তে নিজে ধূল্যেচর-চাগালা ভিদিরে একদিনো পথ উজেই গেলঅ। সিদু ইক্কো রোতম গাজর্‌ তলে বোইনে মুরিবাত্তে তবনা গুরিলো। তে কলঅ, “ও লগেপ্রভু, যদবদে ওইয়্যে। এবেরা তুই মঅ পরাণান্‌ নেযা; মুই দঅ মঅ পূরোণি মানুচ্চুনোত্তুন্‌ বেশ্‌ গম্‌ নয়।”

ইয়োব 13:19

কনজনে কি মঅ বিরুদ্ধে আবিত্তি জানেই পারন্‌? পারিলে মুই অলর্ গুরি মুরি যেম্‌।

ইয়োব 3:11

মুই কিত্তে পেদত্‌ থাগদে ন-মরং? কিত্তেই বা পেদত্তুন্‌ পড়িনে ন-মরং?

ইয়োব 5:2

হাঙেলেত্যে জ্ঞাননেইয়্যে মানুচ্চুনোরে শেজ্‌ গুরি দে আর ইংসে-নিন্দে বেদমা মানুচ্চুনোরে মারে ফেলায়।

গীতসংহিতা 106:16

তাম্বুলোত্ দিন কাদেবার সময়োত্ মোশিরে দেগিনে, আর লগেপ্রভুর নাঙে ফারগ্ গোজ্যে সেই হারোণরে দেগিনে তারার ইংসে অলঅ।

গম্ উপদেজ্ 14:30

শান্ত মন কিয়্যেগানরে গম্ রাগায়, মাত্তর্ ইংসে কিয়্যেগানরে অসুগ্ বানায়।

গম্ উপদেজ্ 30:16

গোর জাগা, ভাজ্ মিলে, ভুই, যিয়েনি কনদিন্‌অ পানিলোই ঈল্ ন-অয়, আর আগুন, যিয়েনি কনদিন্‌অ ন-কয়, “যগাজ্যে ওইয়্যে।”

উপদেশক 4:4

মুই দেগিলুং, পাড়াল্যেগুনো উগুরে ইংসের্ কারনে মান্‌জ্যে বেক্ কামানি গরন্ আর ফোলেই পারন্। ইয়েন্অ বাহ্‌জে, বানা বোইয়্যের পিজেদি দাবা দেনা বাদে আর কিচ্চু নয়।

গণাণা 11:15

তুই যুনি মর্‌ অবস্থাগান এধোক্ক্যেন গরচ্‌ সালে ইক্কুনি তুই মরে মারে ফেলা। যুনি মুই তর্‌ দোয়্যে পেই থাং সালে নিজোর্‌ চোগেদি মর্‌ নিজোর্‌ দজাগান মরে দেগিবাত্তে ন-দিস্‌।”

গণাণা 11:29

জোবত্‌ মোশি কলঅ, “মর্‌ মান-সর্মানান্‌ তইদু দাঙর্‌ ওই উদিলো? মুই চাং লগেপ্রভুর বেক্‌ মানুচ্চুনেয়ই যেন ভাববাদী অন আর লগেপ্রভু যেনে তার আত্মাগান্‌ তারা উগুরে দে।”

যোহন 4:3

যীশু সিয়েন্ কোই পারিনে যিহূদিয়া রেজ্য ফেলেনে আরঅ গালীলোত্ গেলঅ।

১ করিন্হীয় 3:3

কিয়া তুমি এজঅ পাপ-খাচ্চ্যদ অধীনোত্ আঘ। তমা ভিদিরে যেক্কে ইংসে আর কোল্-কোজ্যে গুরি আঘ সেক্কে কি তুমি পাপ-স্বভাবর্ অধীনোত্ নয়? আর তমা চালচলন কি এক্কুবারে সাধারন মান্‌‍‌‍‌‍‌‍জ্য ধোক্ক্যেন নয়? ‌‍

২ করিন্হীয় 7:10

গোজেনে যে দুঘ্ দে সেনত্যে পাপত্তুন্ মন ফিরে আর সিয়েনত্যে পাপত্তুন্ উদ্ধোর্ পাহ্ যায়, আর সিয়েনত্যে দুঘ্ গুরিবার কিচ্চু ন-থায়। মাত্তর্ জগদর্ দিয়্যে দুঘ্ মান্‌জ্যর মরণান্ ডাগি আনে।

গালাতীয় 5:21

ইংসে, মাত্তল্ অনা, রঅ ছাড়িনে মদ হানা, আর এবাবোত্যে ভালোক্কানি। মুই যেধোক্ক্যেন্ গুরি ইয়েনর্ আঘেদি তমারে উজিয়ার্ গোজ্জ্যং ইক্কিনিয়ো সিয়েন গুরিনে কঙর্, যিগুনে এবাবোত্যে কাম্ গরন গোজেন রেজ্যত্ তারার্ জাগা ন-অবঅ।

তীত 3:3

আমিয়ো আগে বুদ্ধি-নেইয়্যে আর অবাধ্য এলং, ভুল্ পধেদি চলিদোং, সুগী আর নানান্ বাবোত্যে কামনা-বাসনার চাগর্ এলং। আমি অন্যরে ইংসে গুরিদোং আর ক্ষোতি গুরিবার চিন্তেলোই জিংকানি কাদেদং। নিজে অন্যগুনোত্তুন্ ঈচ্ গরা হেইয়্যে অলেয়ো আমি একজন অারেক জনরে ঘিনেদং।

যাকোব 3:14

মাত্তর্ তমা রিবেঙানি যুুদি ইংসেলোই ভুরি উদে আর নিজো লুভে ভরা থায় সালে জ্ঞানর্ দেমাগ্ ন-দেগেয়ো, সত্যগানরে মিজে ন-বানেয়ো।

যাকোব 4:5

তুমি কি মনে গরঅ যে, পবিত্র বোইবো মিজে মিজে এ কধাগান কয় যে, পবিত্র আত্মা, যিয়েনরে গোজেনে আমা মন ভিদিরে দিয়্যে, তে আমাত্তুন্ ভোক্তি পেবাত্যে আওজ্ গুরিনে বাজ্জেই আঘে?

১ শমূয়েল 1:10

মনত্‌ দুগে হান্না লগেপ্রভু ইদু অমহদ কানি কানি তবনা গরা ধুরিলো।