পত্থম 3:8 - Chakma Bible

⁸ যেক্কে সাজোন্যে বোইয়্যের ভানা আরাম্ভ অলঅ সেক্কে তারা লগেপ্রভু গোজেন রঅবো শুনিলাক্‌। তে বাগান ভিদিরে আদা-উদো গরের্‌। সেক্কে আদমে আর তা মোক্কো বাগান গাজঅ আন্দলত্‌ পোল্যে থেলাক্‌ যেনে লগেপ্রভু গোজেন মুজুঙোত্‌ তারা ধরা ন-পড়ন্‌।

পত্থম 3:8 Iomraidhean Croise

পত্থম 18:33

অব্রাহাম লগে কধা কনা থুম্‌ গুরিনে লগেপ্রভু সিয়েনত্তুন্‌ আঢি গেলগোই আর অব্রাহামেয়ো তা ঘরত্‌ ফিরি গেলঅ।

পত্থম 3:10

তে কলঅ, “বাগান ভিদিরে মুই তঅ রঅবো শুন্যং। মাত্তর্ মুই লাংদা-বাংদা, সেনত্যে দরে লুগি আগং।”

ইয়োব 22:14

ঘুর্‌গুজ্যে মেঘ্‌কানে তারে নাঢি রাগেয়্যে, সেনত্তে তে ন-দেগের্‌; আগাজ উগুরে তে ঘুরি বেড়ায়।

ইয়োব 31:33

অন্য মান্‌জ্য ধোক্ক্যেন মুই পাপপানি গুমোর্ গুরি ন-রাগাং আর মঅ মনত্ দুষ্‌ছানি লুগেই ন-রাগাং;

ইয়োব 38:1

সেক্কে লগেপ্রভু ঝড়র্ মাধ্যমে ইয়োবরে জোব্ দিলো। তে কলঅ,

গম্ উপদেজ্ 15:3

লগেপ্রভুর চোগ্‌কুন বেক্কানিত্ আঘে; সিয়েনি গম্-ভান্ন্যেই মানুচ্চুনো উগুরে খিয়েল্ আঘে।

যিরমিয় 23:24

কনজনে কি এমন গুমুরো জাগাত্ লুগেই পারে যিয়েনত্ মুই তারে ন-দেগং? মুই কি স্বর্গ আর পিত্‌‌‌‌থিমীর বেক্ জাগায়ানত্ ন-থাং‌?”

হোশেয় 10:8

বৈৎ-আবনর পূজোর্ অজল্ জাগায়ানি, অত্তাৎ ইস্রায়েলর পাপর জাগায়ানি ভস্ত অবঅ। কাদাগাজ্ গোজেই উদিনে তারার্ পূজোগুন ঢাগি ফেলেব। সেক্কে তারা দাঙর্ দাঙর্ পাত্তরুনোরে কবাক্, “আমারে ঢাগি ফেলঅ” আর চিগোন্ চিগোন্ মুড়োগুনোরে কবাক্, “আমা উগুরে পড়অ।”

লেবীয় 26:12

মুই তমা সমারে আদাউদো গুরিম আর তমার্‌ গোজেন ওম্‌ আরঅ তুমি মর্‌ নিজোর্‌ মানুচ্‌ অবা।

যোনা 1:3

মাত্তর্ যোনা লগেপ্রভুত্তুন্ তর্শীশোত্ ধেই যেবাত্তে রওনা অলঅ। তে যাফো বন্দরত্ যেইনে তর্শীশোত্ যেবার এক্কান জাহাজ পেলঅ। ভাড়া দেনার্ পরেদি তে সে জাহাজ্‌চানত্ উদিলো আর লগেপ্রভুত্তুন্ ধেই যেবাত্তে তর্শীশো ইন্দি যাহ্ ধুরিলো। ‌‌

রোমীয় 2:15

ইয়েনত্ দেগা যায়, রীদি-সুদোম মজিম যিয়েন গরানা উজিত্ সিয়েন তারা মনত্ লেগা আঘে। তারার্ বিবেক্-অ সেই এক্কুই সাক্ষ্য দে। তারার্ চিন্তেগানিয়ে কনঅ কনঅ সময় তারারে দুষী গরে, আরঅ কনঅ কনঅ সময় তারা পক্ষেয়ো থায়।

দ্বি’লম্বর বিররণ 23:14

তমারে রোক্ষে গুরিবাত্তে আর তমা শত্রুগুনোরে তমা আদত্‌ তুলি দিবাত্তে তমার গোজেন লগেপ্রভু তমার তাম্বুলো ভিদিরে ঘুরি বেড়ায়। সেনত্যে তমার তাম্বুলান পবিত্র অবস্থায় রাগা পুরিবো যেনে তমা ভিদিরে জঘন্য কিজু দেগিনে তে তমা ইন্দিত্তুন্‌ মুয়োন্‌ ফিরেইনে ন-নেযায়।

দ্বি’লম্বর বিররণ 4:33

তমা ধোক্ক্যেন গুরি অন্য কনঅ জাদর্‌ মানুচ্‌ আগুনো ভিদিরেত্তুন্‌ গোজেনরে কধা কদে শুনিনে বাঁজি আগন্‌ নাহি।

দ্বি’লম্বর বিররণ 5:25

মাত্তর্‌ ইয়েনর পরেন্দি আমি মারা পড়িবাত্তে কিত্তে যেবং? এই দাঙর্‌ আগুনানে দঅ আমারে পুড়ি ফেলেব; আর ভালক্কন্‌ সং যুনি আমা গোজেন্‌ লগেপ্রভুর্‌ রঅবো শুনিই সালে আমি মুরি যেবংগোই।

ইব্রীয় 4:13

সৃট্টির কিচ্চু গোজেন ইধু লুগেইয়্যে নেই। যিবে ইধু আমার ইজেব দিয়্যে পরিবো তা চোগো মুজুঙোত্ বেক্কানি মেল্যে আর ফগদাং পেইয়্যে।

ফগদাং পেইয়্যে 6:15

পিত্‌থিমীর বেক্‌ রাজাগুনে আর বেগ দাঙর্ নেতাবো, সেনাপতি, থাগোইয়্যে আর খেমতাবলা মানুচ্‌, পত্তি চাগর আর চাগর নয়দে মানুচ্‌ মোন্‌মুড়ো হুলুঙে হুলুঙে আর পাত্তর আন্দলে আন্দলে নিজোরে লুগেলাক্।