পত্থম 3:7 - Chakma Bible

⁷ ইয়োত্ সেক্কেনে তারার দ্বি-জনর চোখ্‌কুন্ খুলি গেলঅ। তারা বুঝি পারিলাক্‌, তারা লাঙ্‌দা-বাঙ্‌দা আগন্‌। সেক্কে তারা কয়েক্কান ডোমোর গাজঅ পাদা এগত্তর্ গুরি নেযেইনে নিজোত্যে থৈল্যেকানি ধোক্ক্যেন বানেলাক্।

পত্থম 3:7 Iomraidhean Croise

পত্থম 2:25

সেক্কে মানুচ্চো আর তা মোক্কো লাঙ্‌দা থেদাক্, মাত্তর্ সেক্কে তারার কনঅ লাজ্‌ দর্‌ ন-এলঅ।

পত্থম 3:5

গোজেনে হবর্ পায়, যেদিন্যে তুমি সেই গাজ গুলোগুন হেবা সেদিন্যে তমা চোখ্‌কুন্ খুলি যেবঅ। সেক্কে গম-ভান্ন্যেয়র জ্ঞান পেইনে তুমি গোজেন ধোক্ক্যেন অবা।”

২ রাজাবলী 6:20

শঅরত্‌ সুমিবার্‌ পরেন্দি ইলীশায় কলঅ, “ও লগেপ্রভু, এবেরা তারার্‌ চোখ্‌কুন খুলি দে যেনে তারা দেগন্‌।” সেক্কে লগেপ্রভু তারার্‌ চোখ্‌কুন খুলি দিলো আর তারা দেগিলাক্‌, তারা শমরিয়া ভিদিরে যেইনে আঝিল্ অলাক্‌।

যিশাইয় 28:20

লাম্বা ওইনে ঘুম্ যেবাত্তে তমার্ বিচ্ছোনান্ বাদি, আর কিয়্যেত্ উরিবাত্তে কম্বলান্অ চিগোন।

যিশাইয় 47:3

তর্ লাঙ্‌‌তা অনাগান ফগদাং অবঅ আর তর্ লাজানাগান্ ঢাক্যে ন-থেবঅ। মুই হেনা সুজিম, কারঅ কোজোলিগান্ ন-মানিম‌।”

যিশাইয় 59:6

তারার মাগড়গ জালত্ কাবড় ন-অয়; তারা যিয়েনি উরোন্ সিয়েনিলোই নিজোরে নাঢি ন-পারন্। তারার বেক্ কামানি ভান্ন্যেই, তারা আঢত্ আগেদে ক্ষতি গুরিবার কামানি।

আবিলেচ্ 1:8

যিরূশালেমানে অমকদ পাপ গোজ্যে, সেনত্তে তে অসিজি ওই যেইয়্যে। যিগুনে তারে সর্মান গুরিদাক্ তারা বেক্কুনে তারে ঈচ্ গত্তন্, কিত্তে তারা তার্ লাংতা-বাংতা অবস্থাগান্ দেখ্যন; তে ভঅনিজেস্ ফেলার্ আর মুয়োন লুগোর্।

লূকে লেখ্যে গম্ হবর্ 16:23

মরণ জাগাত্ অমকদ যন্ত্রণাত্ থেইনে তে উগুরেদি রিনি চেলঅ আর দূরোত্তুন্ অব্রাহাম আহ্ তা কুরে লাসাররে দেগিলো ।

১ করিন্হীয় 12:23

কিয়্যের্ যে ভাগ্‌কানরে আমি কম্ সর্মানর্ যোগ্য বিলিনে মনে গুরিই সেই ভাগ্‌কানিরে বেশ্ সর্মান দেগেই। যে ভাগ্‌কানিরে বারেদি দেগা ন-যায় সিয়েনিরে আমি যত্তন্ গুরি ঢাগি রাগেই,

দ্বি’লম্বর বিররণ 28:34

তুমি যিয়েনি দেগিবা সিয়েনি তমারে পাগল বানেব।

বিচের গুরিয়্যেগুন 3:2

ইস্রায়েলীয়গুনোর গুট্টিগুনে যিগুনে আগেন্দি কনঅ‌ দিনঅ যুদ্ধো ন-গরন্‌ তারারে যুদ্ধোর্‌ পৌইদ্যেনে শিক্ষিত গুরি তুলিবাত্তে তে সেধোক্কেন্‌ গুরিলো।