পত্থম 3:5 - Chakma Bible

⁵ গোজেনে হবর্ পায়, যেদিন্যে তুমি সেই গাজ গুলোগুন হেবা সেদিন্যে তমা চোখ্‌কুন্ খুলি যেবঅ। সেক্কে গম-ভান্ন্যেয়র জ্ঞান পেইনে তুমি গোজেন ধোক্ক্যেন অবা।”

পত্থম 3:5 Iomraidhean Croise

পত্থম 2:17

মাত্তর্‌ গম্-ভান্ন্যেই-জ্ঞানর যে গাজ্‌চুয়ো আঘে সিবের্ গুলোগুন তুই হেই ন-পারিবে, কিত্তে যেদিন্যে তুই সে গুলোগুন হেবে সেদিন্যে ঘেচ্চেকগুরি তুই মুরি যেবে।

পত্থম 2:9

সে জাগার মাদিগানত্‌ তে নানান্ বাবোত্যে গাজ্ জর্মেই দিলো যিগুন্‌ চাদেয়ো দোল্‌ আর যিগুনোর গুলো-গুলিগুন্‌ হাদেয়ো গম্‌। সিগুনবাদে বাগান ভিদিরে তে জিংকানি-গাজ্ আর গম্‌-ভান্ন্যেই-জ্ঞানর গাজ নাঙে দ্বিবে গাজঅ জর্মেই দিলো।

পত্থম 3:10

তে কলঅ, “বাগান ভিদিরে মুই তঅ রঅবো শুন্যং। মাত্তর্ মুই লাংদা-বাংদা, সেনত্যে দরে লুগি আগং।”

পত্থম 3:22

সে পরেদি লগেপ্রভু গোজেনে কলঅ, “ চঅ, গম্‌-ভান্ন্যেই জ্ঞ্যান পেইনে মানুচ্চুনে আমা একজন ধোক্ক্যেন ওই উঠ্যন্‌। এবেরা তারা যেনে জীংকানি-গাজর গুলোগুন পাড়ি হেইনে উমরত্যে বাঁজি ন-থান্‌ সেনত্যে আমার কিজু গরানা দরকার।”

পত্থম 3:7

ইয়োত্ সেক্কেনে তারার দ্বি-জনর চোখ্‌কুন্ খুলি গেলঅ। তারা বুঝি পারিলাক্‌, তারা লাঙ্‌দা-বাঙ্‌দা আগন্‌। সেক্কে তারা কয়েক্কান ডোমোর গাজঅ পাদা এগত্তর্ গুরি নেযেইনে নিজোত্যে থৈল্যেকানি ধোক্ক্যেন বানেলাক্।

১ রাজাবলী 22:6

সেনত্তে ইস্রায়েলর রাজা ভাববাদীগুনোরে ডাগিনে এগত্তর্‌ গুরিলো। তারার্‌ অলাক্কে প্রায় চেরশত্‌। তে তারারে পুযোর্‌ গুরিলো, “রামোৎ-গিলিয়দর বিরুদ্ধে কি মুই যুদ্ধো গুরিবাত্তে যেম্‌, না নঅ-যেম্‌?” তারা কলাক্‌, “যাহ্, কিত্তেই প্রভু সিয়েন্‌ রাজা আঢত্‌ তুলি দিবো।”

২ বংশধর 32:15

ইক্কিনে তুমি হিষ্কিয়রে এধোক্ক্যেন গুরিনে তমার্‌ ছলনা গুরিবাত্তে আর ভুলেই রাগেবাত্তে ন-দুয়ো। তুমি তারে বিশ্বেজ্‌ ন-গোজ্য, কিত্তে কনঅ জাদর্‌ বা কনঅ রেজ্যর্‌ দেবেদায় মর্‌ বা মর্‌ পূরোণিমানুচ্চুনোর্‌ আদত্তুন্‌ তা মানুচ্চুনোরে উদ্ধোর্‌ গুরি ন-পারন্‌। সালে ইয়েন্‌ যে কত্তমান্‌ সত্য, তমা দেবেদাগুনে মঅ আঢত্তুন্‌ তমারে উদ্ধোর্‌ গুরি ন-পারিবাক্‌।’ ”

যাত্রা 20:7

কনঅ‌ ভান্ন্যেই আশাই তুমি তমার গোজেন লগেপ্রভুর্‌ নাঙান্‌ ন-গিনিবা। যিবে সিয়েন্‌ গুরিবো তারে লগেপ্রভু সাজা-দিবো।

যাত্রা 5:2

মাত্তর্‌ ফরৌণে কলঅ, “কন্না আরঅ এই লগেপ্রভু, মুই যে তা উগুম্‌ মানিনে ইস্রায়েলীয়গুনোরে যেবাত্তে দিম? এই লগেপ্রভুরেয়ো মুই ন-চিনোং আর ইস্রায়েলীয়গুনোরেয়ো মুই যেবাত্তে ন-দিম।”

যিশাইয় 14:14

মুই মেঘ উগুরে উদিম্; মুই দাঙর্ গোজেন সং সং ওম্।

যিহিষ্কেল 13:22

যে গম্ মানুচ্চুনোরে মুই দুঘ্ ন-দুয়োং, মিজে কধা কোইনে তুমি তারারে আশানেইয়্যে ন গোজ্য আর পাজি মানুচ্চুনোরে তুমি উচ্চোমি দুয়ো যেনে তারা পরাণানি বাজেবাত্তে ভান্ন্যেই পধত্তুন্ ন-ফিরোন্।

যিহিষ্কেল 28:12

“ও মান্‌‌জ্যর্ পুয়োবো, সোরর রাজা পৌইদ্যেনে তুই আবিলেচ্ গুরি গুরি তারে কঅ, প্রভু লগেপ্রভু কোইয়্যেদে, ‘তুই এলে পুরোপুরি থুদি নেইয়্যে, জ্ঞানে ভরা আর দোল্‌‌লোই পরিপূরোন্।

যিহিষ্কেল 28:2

ও মান্‌‌‌‌জ্যর পুয়োবো, তুই সোরর্ শাজন্‌গুরিয়্যেবোরে কঅ, প্রভু লগেপ্রভু কোইয়্যেদে, তর্ মনর্ অহংকারে কোইয়োচ্, তুই দেবেদা; তুই সাগর ভিদিরে দেবেদা সিংহাসনত্ বুয়োই আগচ্। মাত্তর্ তুই দঅ এক্কো মানুচ্, দেবেদা নয়, যুনিয়ো তুই নিজোরে দেবেদা ধোক্ক্যেন জ্ঞানী মনে গরর্।

যিহিষ্কেল 28:9

যিগুনে তরে শেজ্ গুরি দিবাক্ তারা মুজুঙোত্ সেক্কে তুই কি কবে, তুই দেবেদা? যিগুনে তরে মারে ফেলেবাক্ তারা ইধু তুই অবে এক্কো বানা মানুচ্, দেবেদা নয়।

যিহিষ্কেল 29:3

প্রভু লগেপ্রভু কোইয়্যেদে, ও মিসরর রাজা ফরৌণ, মুই তর্ বিপক্ষে। তুই নিজো গাঙ্ ভিদিরে পড়ি থেইয়্যে সেই দাঙর্ কুমোর্‌বো। তুই কোই থাচ্, নীল্ গাঙান্ তর্ আর তুই নিজোত্তে সিয়েন বানেয়োচ্।

দানিয়েল 6:7

বেক্ রাজ-পরিচালক্‌কুন, রেজ্যগানির্ পরিচালক‌্‌কুন্ আর শাজন্‌গুরিয়্যেগুন, সল্লাদিয়্যেগুন আর চাগালার্ শাজন্‌গুরিয়্যেগুন বেক্কুনে এ কধাগান রাজী ওইয়োন্ যে, মহারাজে যেন এক্কান কড়া উগুম জারি গরে। সেই উগুমান অলঅ, ইয়েনর পরেদি ত্রিশ দিন যুনি কনজনে, ও মহারাজ, তুই বাদে কনঅ দেবেদা বা মান্‌জ্য ইধু তবনা গরন সালে তারে সিংহ গাদত্ ফেলেই দিয়্যে অবঅ।

মথি লেখ্যে গম্ হবর্ 6:23

মাত্তর্ তঅ চোগ্‌কুন যুনি বজং অয় সালে তর্ বেক্ কিয়্যেগান আন্ধার্ অবঅ। তঅ ভিদিরে যে পহ্‌‌রান আঘে সিয়েন্ যুনি আজলে আন্ধার্ অয় সালে সে আন্ধারান্ কি সাংগাধিক্!

২ করিন্হীয় 11:3

মাত্তর্ মর্ দর্ লাগেত্যে, সেই সাপ্পো তার্ পাজি বুদ্ধি খাদেইনে যেধোক্ক্যেন্ গুরি হবারে ভুলেয়্যে সেধোক্ক্যেন গুরি খ্রীষ্ট উগুরে খাটি আর মন ভোক্তিত্তুন্ কেঅ অয়ত তমারেয়ো ভুলেইনে নেযেব।

২ করিন্হীয় 4:4

অবিশ্বেজি মানুচ্চুনোর মনানি এ যুগোর্ দেবেদাগুনে কান্ গুরি দুয়োন যেন তারা গম্ হবরর্ পহ্‌রান্ ন-দেগন্। এ গম্ হবরানত্ খ্রীষ্টর্ মহিমাগান্ ফুদি উঠ্যে; আর এ খ্রীষ্টই অলঅ গোজেনর্ অবিকল্ ফগদাং।

২ থিষলনীকীয় 2:4

গোজেন বিলিনে যিয়েনি আঘে সিয়েনি বেক্কানির্ বিরুদ্ধে আর উবোসনা গরেদে ধোক্ক্যেন বেক্কানির্ বিরুদ্ধে থিয়্যেইনে তে নিজোরে দাঙর্ গুরি দেগেব; এমন্‌ কি, তে গোজেনর্ উবোসনা-ঘরত্ বৈইনে নিজোরে গোজেন বিলিনে দাবী গুরিবো।

ফগদাং পেইয়্যে 13:14

সেই পত্তম য়েমান্নোর্ ওইনে যেদক্কানি আমক্ কাম গুরিবাত্যে তারে খেমতা দিয়্যে ওইয়্যে তে সিয়েনি গুরিনে মানুচ্চুনোরে ভুল্ পধেদি নেযা ধুরিলো। পত্তম যে য়েমান্নো ছুড়ির্ আঘাত্ পেইনেয়ো বাঁজি এলঅ, দ্বিলম্বর য়েমান্নোয়ো মানুচ্চুনোরে কলঅ যেন তারা তার্ এক্কো মূত্তি বানান্।

ফগদাং পেইয়্যে 13:4

দানপ্পো সেই য়েমান্নোরে খেমতা দিয়্যে বিলিনে মানুচ্চুনে সেই দানপ্পোরে গোজেনর্ সর্মান দিইনে সালাম গুরিলাক্, আর য়েমান্নোরেয়ো সেই এক্কুই ধগে সালাম গুরিনে কলাক্, “এই য়েমান্নো ধোক্ক্যেন কন্না আঘে? আর কন্না বা তা সমারে যুদ্ধো গুরি পারে?”

বিচের গুরিয়্যেগুন 3:2

ইস্রায়েলীয়গুনোর গুট্টিগুনে যিগুনে আগেন্দি কনঅ‌ দিনঅ যুদ্ধো ন-গরন্‌ তারারে যুদ্ধোর্‌ পৌইদ্যেনে শিক্ষিত গুরি তুলিবাত্তে তে সেধোক্কেন্‌ গুরিলো।