পত্থম 3:22 - Chakma Bible

²² সে পরেদি লগেপ্রভু গোজেনে কলঅ, “ চঅ, গম্‌-ভান্ন্যেই জ্ঞ্যান পেইনে মানুচ্চুনে আমা একজন ধোক্ক্যেন ওই উঠ্যন্‌। এবেরা তারা যেনে জীংকানি-গাজর গুলোগুন পাড়ি হেইনে উমরত্যে বাঁজি ন-থান্‌ সেনত্যে আমার কিজু গরানা দরকার।”

পত্থম 3:22 Iomraidhean Croise

পত্থম 1:26

সে পরেদি গোজেনে কলঅ, “আমি আমা ধোক্ক্যেনগুরি আর আমা লগে মিল্‌ রাগেইনে ইক্কিনে মানুচ্‌ বানেই। তারা দোজ্যে সাগরর মাছ, আগাজ পেক্‌, য়েমান, বুক্কোই আঢি যেইয়্যে পরাণবলা আর গোদা পিতথিমীয়ান উগুরে রাজাগিরি গোত্তোক্‌।”

পত্থম 2:9

সে জাগার মাদিগানত্‌ তে নানান্ বাবোত্যে গাজ্ জর্মেই দিলো যিগুন্‌ চাদেয়ো দোল্‌ আর যিগুনোর গুলো-গুলিগুন্‌ হাদেয়ো গম্‌। সিগুনবাদে বাগান ভিদিরে তে জিংকানি-গাজ্ আর গম্‌-ভান্ন্যেই-জ্ঞানর গাজ নাঙে দ্বিবে গাজঅ জর্মেই দিলো।

পত্থম 3:21

আদম আর তা মোক্কোত্তে লগেপ্রভু গোজেনে য়েমান চাম্‌বোই পোজাক্‌ বানেইনে তারারে উরেই দিলো।

পত্থম 3:23

ইয়েন্‌ কোইনে লগেপ্রভু গোজেনে মাদিলোই বানেয়্যে মানুচ্চ্যরে মাদিত্‌ চাষ গুরিবাত্তে এদন বাগানত্তুন্ নিগিলেই দিলো।

পত্থম 3:5

গোজেনে হবর্ পায়, যেদিন্যে তুমি সেই গাজ গুলোগুন হেবা সেদিন্যে তমা চোখ্‌কুন্ খুলি যেবঅ। সেক্কে গম-ভান্ন্যেয়র জ্ঞান পেইনে তুমি গোজেন ধোক্ক্যেন অবা।”

গীতসংহিতা 22:26

নম্র মানুচ্চুনোর্ হেইনে ঈল্ অবঅ; যিগুনে লগেপ্রভুর আওজ্ মজিম্ চলন্ তারা তার্ বাঈনী গুরিবাক্। তারা জিংকানিবর্ জেদা থেবাক্।

গম্ উপদেজ্ 3:18

যিগুনে তারে ধরন তারা ইদু সিয়েন জিংকানি গাজ ধোক্ক্যেন্; যিগুনে তারে আক্‌সোনে ধুরি রাগান তারা বর্ পান।

যিরমিয় 22:23

ও লেবাননর এরস গাজর্ বানেয়্যে ঘরত্ বজত্তি গুরিয়্যে মিলেবো, মিলে পুয়ো পুদোইদ্যে পিড়ে ধোক্ক্যেন যেক্কে তঅ উগুরে এবঅ সেক্কে তুই অমকদ ছোট্‌পোধেবে!”

ফগদাং পেইয়্যে 2:7

যিবের্ শুনিবার কান আঘে তে শুনোক্, পবিত্র আত্মাগানে মন্ডলীগুনোরে কি কর্। যে জিদিবো তারে মুই গোজেনর্ পরমদেজর্ জিংকানি-গাজর্ ফল হেবাত্যে দিম।

ফগদাং পেইয়্যে 22:14

বর্‌‌পেইয়্যে তারা, যিগুনে তারার্ পজাক্কানি ধোই ফেলান্ যেন তারা জিংকানি গাজর্ ফল হেবার অধিকারী অন্ আর গেট্‌তো ইন্দি শঅরত্ সোমেই পারন্।