পত্থম 3:16 - Chakma Bible

¹⁶ সে পরেদি তে সে মিলেবোরে কলঅ, “মুই তরে পুয়ো অবার অক্তত্‌ তঅ শুলোনি অমকদ বাড়েই দিম্‌। তুই দুঘোত্ পুয়ো পুদেবে। নেগত্যে তর্‌ অমকদ আওজ্‌ অবঅ, আরঅ তে তঅ উগুরে সদ্দারী গুরিবো।”

পত্থম 3:16 Iomraidhean Croise

পত্থম 4:7

যুদি তুই গম কাম্‌ গরচ্‌ সালে কি তঅ মুয়োন আজি-হুজি ন-অদঅ? মাত্তর্ যুদি গম্ কাম নঅ-গরচ্‌ সেক্কে দঅ শদানে তরে পেবাত্তে তঅ ইধু এইনে বোই থেবগি; মাত্তর্ তারে তত্তুন্ বুঝে আনা পুরিবো।”

১ বংশধর 4:9

যাবেষ তা ভেইয়ুনোত্তুন্‌ বেশ্‌ আরঅ মানি মানুচ্‌ এলঅ। তা মাবো তার্‌ এ নাঙান্‌ রাগেইনে কোইয়্যেদে, “মুই খুব্‌ দুঘে তারে ফুদেয়োং।”

ইষ্টের 1:20

রাজার এ উগুমান্‌ যেক্কে তার্‌ এত্তমান্ দাঙর্‌ রেজ্যর্‌ বেক্‌ জাগানিত্‌ ফগদাঙ্‌ অবঅ সেক্কে সাধারণত্তুন্‌ সর্মানিত বেক্‌ মিলেগুনে তারার্‌ নেক্কুনোরে সর্মান্‌ গুরিবাক্‌।”

গীতসংহিতা 48:6

দরে সিয়েনত্ তারার গির্‌গিরেনি ধুরি যেইয়্যে আর পুয়ো ফুদোইদে মিলে ধোক্ক্যেন্ জালাপোড়া ওইয়্যে।

যিশাইয় 13:8

তারা অমকদ দোরেবাক্, তারার্ পিড়ে আর অমকদ সুলোনি অবঅ, পুয়ো পুদোইদ্যে মিলে ধোক্ক্যেন্ তারা সুলোনিলোই কিয়্যে মুজুরিবাক্, তারা বুদ্ধি আরেইনে একজনে আর একজন ইদু রিনি চেবাক্ আর তারার্ মুয়োনি আগুনো জিলো ধোক্ক্যেন্ অবঅ।

যিশাইয় 21:3

মুই পেট সুলোনিলোই অমকদ দুঘ্ পাঙর্, মিলেগুনোর পুয়ো পুদোনা ধোক্ক্যেন পিড়েয় মরে ধোজ্যে। মুই এমন্ পিড়ে পাঙর্, ন-শুনোঙর্ এমন্ দরাঙর, ন-দেগঙর্।

যিশাইয় 53:11

তে তার দুঘ্ পানার ফলান্ দেগিনে হুজি অবঅ; লগেপ্রভু কোইয়্যেদে, মর্ ন্যায়বলা চাগরবোরে গমেডালে হবর্ পানার মাধ্যমে ভালোক্ জনরে নিদ্দুযি বিলিনে গুজি লুয়ো অবঅ, কিত্তে তে তারার বেক্ অন্যেয়ানি বুয়োই নেযেব।

যিরমিয় 13:21

যেদক্কানি রেজ্যর্ লগে তুই দাংগুত্ব গোজ্যস্ লগেপ্রভু যেক্কে তঅ উগুরে তারারে বোজেব সেক্কে তুই কি কবে? পুয়ো ফুদেবার সময় মিলেগুনে যেবাবোত্যেগুরি পীড়ে পান সেবাবোত্যেগুরি কি তুই পীড়ে ন-পেবে?

যিরমিয় 22:23

ও লেবাননর এরস গাজর্ বানেয়্যে ঘরত্ বজত্তি গুরিয়্যে মিলেবো, মিলে পুয়ো পুদোইদ্যে পিড়ে ধোক্ক্যেন যেক্কে তঅ উগুরে এবঅ সেক্কে তুই অমকদ ছোট্‌পোধেবে!”

যিরমিয় 4:31

এক্কো মিলের্ পুয়ো পুদেবার পীড়েগান কানানা ধোক্ক্যেন, পোইল্যা পুয়োবো পুদোনার পীড়েগান কানানা ধোক্ক্যেন সিয়োন-ঝিবোর কানানিগান মুই শুন্যং। তে নিজেস্ টানিবাত্তে ফবার্ আর আঢ্ বাবেইনে কত্তে, “হায়! মুই অজ্ঞ্যেন ওই যাঙর্, খুনীগুনে মরে শেজ্ গুরি ফেলাদন্।”

যিরমিয় 49:24

দামেস্কগান বল্‌‍‍‌‌‌‌‌‌পোজ্যে ওইয়্যে, তে ধেই যেবাত্তে ফিজ্যে আর তারে আজাবোদে ধোজ্যে; পুয়ো ফুদেয়্যে মিলে ধোক্ক্যেন পীড়ে আর যন্ত্রনা তারে ধোজ্যে।

যিরমিয় 6:24

আমি তারা পৌইদ্যেনে হবর্ পেইয়্যেই আর সেনত্তে আমা আঢ্‌‍‍‍‍‍তানি যেন অবশ ওইনে লুঙি পড়ের্। পিড়েগানে আমারে ঘিরি ধোজ্যে; পুয়ো পুদোইদে মিলে ধোক্ক্যেন পিড়েগানে আমারে ধোজ্যে।

গণাণা 30:13

মোক্কো যে মানত্‌ গুরিবো বা শমক্‌ খেইনে কনঅ কিজু ইড়িবার্‌ এগেম্ গুরিবো সিয়েনি মানি নেযানা বা বাদ্ দি দিবার্‌ অধিকার্‌ নেক্কোর্‌ থেবঅ।

যোহন 16:21

পুয়ো ফুদেবার্ অক্তত্ মিলেগুনে দুঘ্ পান্, কিয়া তা অক্তবো ওইয়্যেগি। মাত্তর্ পুয়ো ফুদেবার্ পরেদি জগদত্ এক্কো নুয়ো মানুচ্‌ এজানায় হুজীয়ে তার্ আর সেই দুঘো কধাগান্ মনত্ ন-থায়।

১ করিন্হীয় 11:3

মুই চাং যেন তুমি বুঝি পারঅ যে, খ্রীষ্ট পত্তি মরদ্ পুয়োর্ মাঢাবো ধোক্ক্যেন্, নেগ্‌কো তা মোগ্‌কোর্ মাঢাবো ধোক্ক্যেন্, আর গোজেনে খ্রীষ্টর্ মাঢাবো ধোক্ক্যেন।

১ করিন্হীয় 14:34

সেবাবোত্যেগুরি মিলেগুনে মন্ডলীত্ অলর্ গুরি থাদোক্, কিয়া কধা কবার্ অনুমতি তারারে দিয়্যে ন-অয়। মোশির আইন-কানুন্ যেধোক্ক্যেন কয় সেধোক্ক্যেন তারা বরং বাধ্য ওইনে থাদোক্।

১ করিন্হীয় 7:4

মোক্কোর্ কিয়্যেগান তার্ নিজোর্ নয়, তা নেক্কোর্। এবাবোত্যেগুরি নেক্কোর্ কিয়্যেগান তার্ নিজোর্ নয়, তা মোক্কোর্।

কলসীয় 3:18

তুমি যিগুনে মোগ্, তুমি পত্তিজনে নেগর্ তলেদি থানাগান মানি লঅ, কিয়া প্রভুর মানুচ্‌ ইজেবে ইয়েনই উচিত।

১ থিষলনীকীয় 5:3

যেক্কেনে মান্‌জ্যে কবাক্, “শান্তি ওইয়্যে, দর্‌‌গরেপারা কিচ্চু নেই,” সেক্কেনে পিদিলি মিলের্ অদাতৎ পেটপিড়ে উদেধে ধোক্ক্যেন গুরি সেই মানুচ্চুনোর্ সর্বনাজ্ অবঅ। তারা কনভাবদে রোক্ষ্যে ন-পেবাক্।

১ তীমথিয় 2:13

কিয়া পত্তমে আদমরে আর যেরেদি হবারে সৃট্টি গরা ওইয়্যে।

১ তীমথিয় 2:15

মাত্তর্ তে পুয়ো-ছা জর্ম দেনার্ মাধ্যমে পাপত্তুন্ উদ্ধোর পেবঅ; খালিক্ মিলেগুনোর্ গম বিচের বুদ্ধি বেবহার গুরিনে বিশ্বেজ্, কোচ্‌পানা আর পবিত্রতালোই চলা পড়িবো।

তীত 2:5

নিজোরে দোঙেই রাগান, পবিত্র থান্, সংসার ইন্দি খিয়েল্ গরন, দোয়্যেলু অন্ আর নেগ অধীনোত্ থান্, যেনে কেঅ গোজেনর্ কধা অসর্মান গুরি ন-পারন্।