পত্থম 26:3 - Chakma Bible

³ ইক্কিনে এ দেজত্‌ তুই কয়েক দিনোত্তে বজত্তি গুরিবে। মুই নিজে তঅ সমারে থেইনে তরে বর্ দিম। এ দেজ্‌ছানি মুই তরে আর তঅ বংশর্‌ মানুচ্চুনোরে দিম্‌। ইয়েন বাদে মুই তঅ বাব্‌ অব্রাহাম ইধু যে শমত্তান্‌ গোজ্যং সিয়েনঅ অদে অদে রাগেম্‌।

পত্থম 26:3 Iomraidhean Croise

পত্থম 12:7

পরেদি লগেপ্রভু অব্রামরে দেগা দিইনে কলঅ,“এ দেজ্‌চান্‌ মুই তঅ বংশবোরে দিম্‌।” যিবে তারে দেগা দিয়্যে সে লগেপ্রভুর্ নাঙে অব্রামে সেক্কে সিয়েনত্‌ এক্কো ডালিপূজো বানেল।

পত্থম 13:15

যেদক্কানি জাগা তুই দেগিবে সিয়েনি মুই তরে আর তঅ বংশবোরে উমরত্তে দিম্‌।

পত্থম 13:17

গোদা দেজ্‌ছান তুই একপল্লা ঘুরি আয়, কিত্তে এ দেজ্‌ছান মুই তরে দিম্‌।”

পত্থম 15:18

লগেপ্রভু সেদিন্যে অব্রামত্তে ইয়ান্‌ কোইনে এক্কান্‌ সুদোম্‌ রোক্ষ্যে গুরিলো, “মিসর গাঙত্তুন্‌ ধুরি আরাম্ভ গুরিনে বড়্‌ গাঙ্‌ ইউফ্রেটিস সং বেক্‌ দেজ্‌ছান্‌ মুই তঅ বংশবোরে দিলুং।

পত্থম 17:19

সেক্কে গোজেনে কলঅ, “তঅ মোক্কো সারার হামাক্কায় পুয়ো অবঅ, আর তুই তা নাঙান্‌ রাগেবে ইস্‌হাক (যিয়েনর্‌ ভেদ্‌‌তান ‘আজানা’)। তার্‌ আর তা বংশর্‌ মানুচ্চোত্তে মুই মর্‌ উমরর্ সুদোমান চালু রাগেম্‌। মাত্তর্‌ ইশ্মায়েল পৌইদ্যেনে তুই যিয়েনি কোইয়োচ্‌ সিয়েনি মুই শুনিলুং।

পত্থম 17:8

যে কনান দেজত্‌ তুই ইক্কিনে বিদেশী ওইনে বজত্তি গরর্‌ তার বেক্কানি উমরর্‌ সোম্বোত্তি ইজেবে মুই তরে আর তঅ বংশবোরে দিলুং। মুই তারার বেক্কুনোর্‌ গোজেন ওলুং।”

পত্থম 20:1

পরেদি অব্রাহামে মম্রিত্তুন্‌ নেগেভ নাঙে দোগিণে ধূল্যেচর-চাগালা মোক্ক্যেন্দি গেলঅ। সিয়েনত্‌ তে কাদেশ শঅর আর শূরর সংমোধ্যে এক্কান জাগাত্‌ বজত্তি গরা ধুরিলো। সিয়েনত্তুন্‌ তে কয়েক দিনোত্তে গরার শঅরত্‌ যেইনে থেলঅ।

পত্থম 25:11

অব্রাহামর মরানার্ পরেদি তার পুয়ো ইস্‌হাকরে গোজেনে বর্ দিলো। ইস্‌হাকে বের্‌-লহয়-রোয়ীর ইদু বজত্তি গরা ধুরিলো।

পত্থম 26:12

ইস্‌হাকে সে বজরত্ সেই দেজত্‌ চাষ্‌ গুরিনে একশঅ গুণ ফল্‌ পেলঅ। লগেপ্রভু তারে বর্ দিলো,

পত্থম 26:14

তার ভেড়া, গোরু আর চাগর-চাগরানী বোউত্ বাড়িলাক্‌, সিয়েন্‌ দেগিনে পলেষ্টীয়গুনে তারে ইংসে গরা ধুরিলাক্।

পত্থম 26:24

সে রেদোত্‌ লগেপ্রভু তারে দেগা দিইনে কলঅ, “মুই তঅ বাপ্পো অব্রাহাম গোজেন। কিচ্ছু ন-দোরেবে, কিত্তে মুই তঅ সমারে আগং। মঅ চাগর্‌ অব্রাহামত্তে মুই তরে বর্ দিম্‌ আর তঅ বংশবো বাড়েই দিম্‌।”

পত্থম 28:13

আর লগেপ্রভু সিয়েন উগুরে ঠিয়েইনে কলঅ, “মুই লগেপ্রভু। মুই তঅ পুরোণি মানুচ্‌ অব্রাহামর গোজেন আর ইস্‌হাকরঅ গোজেন। তুই যিয়েনত্‌ ঘুম যর্‌ সে দেজ্‌চান মুই তরে আর তঅ বংশর্‌ মানুচ্চুনোরে দিম্‌।

পত্থম 28:15

মুই তঅ লগে লগে আগং; তুই যিয়োদোই যেদে সাৎ মুই তরে রোক্ষ্যে গুরিম্‌। এ দেজত্ আরঅ মুই তরে ফিরেই আনিম। মুই তরে যিয়েনি কোইয়োং সিয়েনি পূরোণ ন-গরানা সং মুই তরে ছাড়ি ন-যেম্‌।”

পত্থম 31:3

সেক্কে লগেপ্রভু যাকোবরে কলঅ, “তুই তঅ আগ বংশগুনো দেজত্‌ নিজো মানুচ্চুনো ইধু ফিরি যাহ্। মুই তঅ লগে লগে আগং।”

পত্থম 35:12

যে দেজ্‌ছান্‌ মুই অব্রাহামরে আর ইস্‌হাকরে দুয়োং সে দেজ্‌ছান্‌ মুই তরে দিম। সে দেজ্‌ছান্‌ মুই তঅ পরেদি তঅ বংশর্‌ মানুচ্চুনোরে দিম্‌।”

পত্থম 39:2

লগেপ্রভু যোষেফ লগে লগে এলঅ। সেনত্তে তে বেগ্‌ কামানি গমে-ডালে গুরি পাজ্যে। তারে তা মিসরীয় গিরোজ ঘরত্‌ রাগা ওইয়্যে।

পত্থম 48:21

সে পরেদি ইস্রায়েলে যোষেফরে কলঅ, “চাহ্, মর্‌ মরণর্‌ অক্ত প্রায় গোণেই এচ্চ্যে। মাত্তর্‌ গোজেনে তমা লগে থেবঅ আর তমা পুরোণি মানুচ্চুনো দেজত্‌ তমারে ফিরেই নেযেব।

পত্থম 50:24

পরেদি এক সময়ত্‌ যোষেফে তা ভেইয়ুনোরে কলঅ, “মর্‌ মুরিবার্‌ অক্ত ওই এচ্চ্যে, মাত্তর্‌ ইয়েন্‌ ঘেচ্চেকগুরি, গোজেনে তমারে দেগাশুনো গুরিবো। তে অব্রাহাম, ইসহাক আর যাকোবরে যে দেজ্‌সান্‌ দিবো বিলি শমক্‌ গোজ্যে সে দেজ্‌সানত্‌ তে তমারে ইয়োত্তুন্‌ নেযেব।”

১ বংশধর 16:16

সে সুদোমানি তে অব্রাহামত্তে থিদেবর্ গুরি দিয়্যে আর ইস্‌হাক ইদু শমক্‌ গোজ্যে।

গীতসংহিতা 105:8

যে কধানি উগুম তে দিয়্যে আজার আজার বংশত্তে, তার সেই সুদোমর কধানি তে উমরত্যে ইদোত্ রাগেব।

গীতসংহিতা 105:9

সেই সুদোমান্ তে অব্রাহামত্তে থিদেবর্ গোজ্যে আর ইস্‌হাক ইদু শমক্ হেইয়্যে।

গীতসংহিতা 32:8

মুই লগেপ্রভু তরে জ্ঞান দিম্ আর যে পধ্‌থানদি যাহ্ পুরিবো সিয়েন দেগেই দিম; তরে চোগে চোগে রাগেইনে মুই উগুম দিম।

গীতসংহিতা 39:12

“ও লগেপ্রভু, তুই মর্ তবনাগান শুন; এজাল্ পেবাত্তে মর্ এ কানানিগান তুই শুন্; মর্ চোগো পানিগান দেগিনে তুই অলর্ গুরি ন-থেচ্; কিত্যে মর্ পূরোণি বুড়োবুড়িগুনে যেধোক্ক্যেন্ এলাক্ সেধোক্ক্যেন মুইয়ো পিত্‌থিমীত্ তর্ মুজুঙোত্ পরবাস্যে ধোক্ক্যেন্ আগং।

যাত্রা 2:24

গোজেনে তারার্‌ কানা-কুদিগানি শুনিলো আর অব্রাহাম, ইসহাক আর যাকোবত্তে যে সুদোমান তে থিদেবর্ গোজ্যে সে কধাগান চিদে গুরিলো।

যাত্রা 3:12

গোজেনে কলঅ, “মুয়ই তঅ লগে থেইম্‌। তুই মিসর দেজত্তুন্‌ মানুচ্চুনোরে নিগিলেই আনিবে আর তুমি এ মুড়োবোত্‌ মঅ নাঙে উবোসনা গুরিবা। মুয়ই যে তরে পাদেলুং ইয়েনই অবঅ তইধু তার্‌ চিহ্নো।”

যাত্রা 6:4

মুই তারাত্যে মর্‌ সুদোমান থিদেবর্ গোজ্যং। সে সুদোমত্‌ মুই কোয়োংগে, তারা বিদেশী ইজেবে যিয়েনত্‌ বজত্তি গুরিদাক্‌ সে কনান্‌ দেজ্‌চান্‌ মুই তারারে দিম।

যাত্রা 6:7

সে পরেদি মর্‌ নিজোর্‌ মানুচ্ ইজেবে মুই তমারে মানি লোম আর তমার্‌ গোজেন ওম্‌। সেক্কে তুমি জানি পারিবাদে, মুয়ই লগেপ্রভু তমার্‌ গোজেন, আর মিসরীয়গুনোর্‌ অমকদ চাগর্ কাদানাত্তুন্ মুয়ই তমারে নিগিলেই আন্যং।

যাত্রা 6:8

যে দেজ্‌চান্‌ দিবার শমক্‌ মুই অব্রাহাম, ইস্‌হাক আর যাকোব ইধু গোজ্যং সে দেজ্‌চানত্‌ মুই তমারে নেযেম আর সে দেজ্‌চানর্‌ অধিকারান্‌ মুই তমারে দিম। মুয়ই লগেপ্রভু।’ ”

যিশাইয় 43:2

তুই যেক্কে পানি উগুরেদি যেবে সেক্কে মুই তঅ লগে লগে থেম্। যেক্কে তুই গাঙ উগুরেদি যেবে, সেক্কে সিয়েনিয়ে তরে ন-ডুবেব; তুই যেক্কে আগুনো উগুরেদি যেবে, সেক্কে তুই পুড়ি ন-যেবে, আগুনো জ্বিলান্ তঅ কিয়্যেত্ ন-বাঁজিবো;

যিশাইয় 43:5

তুই ন-দোরেচ্, কিত্তে মুই তঅ লগে লগে আগং। পূগেদিত্তুন্ মুই তঅ বংশবোরে আনিম আর পজিমেত্তুন্ তরে এগত্তর্ গুরিম।

মীখা 7:20

ভালোক্ দিন আগেদি তুই আমা পুরোণি মানুচ্চুনো ইধু যেবাবোত্যে শমক্ হেইয়োচ্ সেবাবোত্যেগুরি তুই অব্রাহাম আর যাকোব বংশগুনো ইধু বিশ্বেজি থেবে আর তর্ গভীন কোচ্‌পানা দেগেবে।

গণাণা 23:19

গোজেনে দঅ মানুচ্‌ নয়দে যে, মিজে কধা কবঅ; মানুজোত্তুন্‌ তার্‌ জর্ময়ো নয় যে, তে মন বোদোলেব। তে যিয়েনি কবঅ সেধোক্ক্যেন গুরিবো, তার এগেমানি তে আমিঝে পূরোণ গরে।

দ্বি’লম্বর বিররণ 1:8

চঅ‌, মুই সেই জাগায়ানি তমারে দি ফেল্যং। মুই লগেপ্রভু তমার্‌ পুরোণিমানুচ্‌ অব্রাহাম, ইসহাক, যাকোব আর তারার্‌ পরেন্দি তারার্‌ বংশধরুনোরে যে দেজ্‌ছান দিবাত্তে শমক্‌ খেইয়োং তুমি সিয়েনত্‌ যেইনে সেই দেজ্‌ছান গজক্ গরঅ।

দ্বি’লম্বর বিররণ 34:4

সে পরেন্দি লগেপ্রভু তারে কলঅ, “ইয়েনই সেই দেজ্‌চান যিয়েন অব্রাহাম, ইসহাক আর যাকোব ইদু শমক্ গুরি কোইয়োং, ‘দেজ্‌চান মুই তর বংশধরুনোরে দিম্‌।’ দেজ্‌চান মুই তরে নিজোর চোগেদি চেবার সুযোগ দিলুং, মাত্তর গাঙ্‌ পার ওইনে তর্‌ সিয়েনত্‌ যেই ন-পারিবো।”

ফিলিপীয় 4:9

তুমি মঅ ইধু যিয়েনি শিগ্‌কো আর গম্ বিলিনে মানি লোইয়ো আর মইধু যিয়েনি দেক্ক্য আহ্ মঅ মুয়োত্তুন্ যিয়েনি শুন্ন্য, সিয়েনিলোই নিজোরে কামত্ রাগঅ। সেক্কে শান্তিদিয়্যে গোজেনে তমা সমারে সমারে থেবঅ।

ইব্রীয় 11:9

গোজেনে যে দেশ্‌চান অব্রাহামরে দিবার এগেম্ গোজ্জ্যে তে বিশ্বেজত্যে বিদেশী ইজেবে সিধু বজত্তি গোজ্জ্যে। তা সমারে যিগুনে সেই একই এগেমর্ আশিদ্‌বাদর্ ভাগী এলাক্ সেই ইস্‌হাক আর যাকোব ধোক্ক্যেন গুরি তেয়ো তাম্বুলোত্ বজত্তি গুরিদো;

ইব্রীয় 6:17

গোজেনে যিয়েন দিবার এগেম্ গোজ্জ্যে, যিগুনে সিয়েন পেবাক্ সিগুনোরে তে এই শমক্‌কান্দোই ভারী সাব্ গুরি দেগেবাত্যে চেয়্যেদে যে, তে যিয়েন ঠিগ্ গোজ্জ্যে সিয়েন আর্ বুদুলী ন-যায়। ইয়েনত্যে তে শমক্‌কান্দোই প্রমাণ গুরিলোদে যে, তে যিয়েন ঠিগ্ গোজ্জ্যে সিয়েন অবদে অবঅ।