পত্থম 24:3 - Chakma Bible3 যিবে স্বর্গ আর পিত্থিমীয়ানর্ গোজেন সেই লগেপ্রভু ইধু মুই তরে এ শমত্ গরাঙর্: মুই যে কনানীয়গুনো ইধু বজত্তি গরঙর্ তারা ভিদিরেত্তুন্ কনঅ মিলেরে মঅ পুয়োবোর্ মোক্ ইজেবে তুই বেঈ ন-লবে। Faic an caibideil |
পত্থম 24:3
49 Iomraidhean Croise
সেনত্তে গোজেন নাঙে তুই ইক্কিনে মইধু এ শমত্তান্ গর্, মঅ লগে বা মঅ পুয়োগুনোর্ লগে, মঅ বংশধরুনোর্ কারর লগে তুই কনঅ ছলনার কাম্ ন গুরিবে। মুই যে বাবোত্যে গুরি তঅ লগে বিশ্বেজ্ গুরিনে বেবহার গোজ্যং, ঠিগ্ সেবাবোত্যে গুরি তুয়ো মঅ লগে আর যে দেজত্ তুই্ বিদেশী ওইনে বজত্তি গরর্ সে দেজ মানুচ্চুনো লগে গমেডালে বেবহার গুরিবে।”
মুই তারারে গেইল্ দিলুঙ্ আর কলুঙ্ তারা উগুরে যেনে অভিশাব্ লামি এজে। তারার্ কয়েক্কো মান্জ্যরে মুই মারিলুঙ্ আর চুলানি উগুরে ফেলেলুঙ্। গোজেনর নাঙে মুই তারারে দিইনে এ শমক্কান্ গোরেলুঙ্, তারা বিদেশী পূঅগুনোর্ লগে তারার্ ঝিগুনোরে বুয়ো ন-দিবাক্ আর নিজে বা তারার্ পূঅগুনে বিদেশী মিলেগুনোরে ন-লবাক্।
ইয়েন সং কোইনে ধর্মগুরুবো সেই মিলেমানুচ্চোরে দিইনে তার নিজো উগুরে অভিশাব ডাগি আনেদে শমক্ খাবেইনে আরঅ্ কবদে, মাত্তর্ লগেপ্রভু এধোক্ক্যেন গোরোক্ যেনে মিলেবোর্-কিয়্যেগান্ অকেজো ওইনে তর্ পেট্টো ফুলি উদে, যিয়েনর্ কারনে তর্ মানুচ্চুনেই অভিশাব আর শমক্ হেবার্ সময়োত্ তর্ নাঙান্ বেবহার্ গুরিবাক।
Sanasan