পত্থম 24:21 - Chakma Bible

²¹ লগেপ্রভু তার এ যাত্রাবো গম্‌ গোজ্যে নাহি সিয়েন জানিবাত্তে সে চাগর্‌বো অলর্ গুরি রিবিকারে চেই রলঅ।

পত্থম 24:21 Iomraidhean Croise

পত্থম 24:12

সে চাগরবো ইয়েন্‌ কোইনে তবনা গুরিলো, “ও লগেপ্রভু, মঅ গিরোজ্‌ অব্রাহামর গোজেন, এচ্চ্যে ইয়েনর বেক্কানি তুই তঅ আদত্‌ নেযা আর মর্‌ গিরোজ্‌ অব্রাহামরে দিয়্যে তঅ কধাগান রাগা।

পত্থম 24:20

ইয়েন্‌ কোইনে তে যাদিমাদি য়েমানুনোরে পানি গাবালাবোত্‌ তা কুম্মোত্তুন্‌ পানি ঢালিনে আরঅ দাবা দিইনে কূয়োবো ইধু গেলঅ। ইঙিরিনে তে বেক্‌ উট্‌তুনোত্তে পানি তুলি দিলো।

পত্থম 24:27

“ধৈন্য লগেপ্রভু, যিবে মর্‌ গিরোজ্‌ অব্রাহামর গোজেন! তে মঅ গিরোজ্‌সোরে তার দিয়্যে কধাগান রাগেবাত্তে আর বিশ্বেজছান্‌ দেগেবাত্তে ভুলি ন-যায়। মরেয়ো তে পথতান্‌ দেগেইনে মর্‌ গিরোজ ভেইবো ঘরত্‌ আন্যে।”

পত্থম 24:56

সে চাগর্‌বো তারে কলঅ, “লগেপ্রভু যেক্কে মর্‌ এ যাত্রাবো গম্‌ গোজ্যে সেক্কে মরে আর্ ধুরি ন রাগেয়ো। মরে বিদেয় দুয়ো যেনে মুই মর্‌ গিরোজ্‌সো ইধু ফিরি যেই পারং।”

গীতসংহিতা 107:1

“তুমি লগেপ্রভুরে ভালেদি জানঅ, কিত্তে তে অমকদ গম; তার অমকদ কোচ্‌পানাগান জিংকানিবর্ থিদেবর্ গোজ্যে।”-

গীতসংহিতা 107:15

মান্‌জ্য ইদু লগেপ্রভুর আমক্ অবার্ কামানিত্তে আহ্ তার অমকদ কোচ্‌পানার কারনে তারা তারে ভালেদি জানাদোক্।

গীতসংহিতা 107:43

যে জ্ঞানী তে ইয়েনি পৌইদ্যেনে মনযোগ দোক্ আর লগেপ্রভুর অমকদ কোচ্‌পানার পৌইদ্যেনে গমেডালে খিয়েল্ গোরোদোক্।

গীতসংহিতা 107:8

মান্‌জ্য উগুরে লগেপ্রভুর আমক্ অবার কামানিত্তে আর তার গভীন্ কোচ্‌পানার কারনে তারা তারে ভালেদি জানাদোক্।

লূকে লেখ্যে গম্ হবর্ 2:19

মাত্তর্ মরিয়মে বেক্কানি মনত্ রাগেল, কাররে ন-কলঅ; তে সে পৌইদ্যেনে চিদে গরা ধুরিলো।

লূকে লেখ্যে গম্ হবর্ 2:51

ইয়েনর্ পরেদি যীশু তারা লগে নাসরদত্ ফিরি গেলঅ আর মা-বাবর্ বাধ্য ওইনে রলঅ। তা মাবো ইয়েনি বেক্কানি মনত্ রাগেল।