পত্থম 24:12 - Chakma Bible

¹² সে চাগরবো ইয়েন্‌ কোইনে তবনা গুরিলো, “ও লগেপ্রভু, মঅ গিরোজ্‌ অব্রাহামর গোজেন, এচ্চ্যে ইয়েনর বেক্কানি তুই তঅ আদত্‌ নেযা আর মর্‌ গিরোজ্‌ অব্রাহামরে দিয়্যে তঅ কধাগান রাগা।

পত্থম 24:12 Iomraidhean Croise

পত্থম 15:1

ইয়ান পরেদি লগেপ্রভু অব্রামরে দেগা দিইনে কলঅ, “অব্রাম, তুই ন দোরেচ্‌। গাজ বাগল ধোক্ক্যেন গুরি মুয়ই তরে রোক্ষ্যে গুরিম, আর তঅ বক্‌শিজ্‌চান্‌ অবদে দাঙর্‌।”

পত্থম 24:21

লগেপ্রভু তার এ যাত্রাবো গম্‌ গোজ্যে নাহি সিয়েন জানিবাত্তে সে চাগর্‌বো অলর্ গুরি রিবিকারে চেই রলঅ।

পত্থম 24:27

“ধৈন্য লগেপ্রভু, যিবে মর্‌ গিরোজ্‌ অব্রাহামর গোজেন! তে মঅ গিরোজ্‌সোরে তার দিয়্যে কধাগান রাগেবাত্তে আর বিশ্বেজছান্‌ দেগেবাত্তে ভুলি ন-যায়। মরেয়ো তে পথতান্‌ দেগেইনে মর্‌ গিরোজ ভেইবো ঘরত্‌ আন্যে।”

পত্থম 24:42

সেনত্তে মুই এচ্চ্যে সে কূয়োবো ইধু এইনে মনে মনে তবনা গুরিনে কলুং, ও লগেপ্রভু, মর্‌ গিরোজ্‌ অব্রাহামর গোজেন, দোয়্যে গুরিনে তুই মর্‌ এ যাত্রাবো দোল্‌ গর্‌।

পত্থম 24:48

সে পরেদি মুই মাদিত্‌ মাদা নিগিরিনে লগেপ্রভুরে মর্‌ মনঅ ভোক্তি জানেলুং। মুই মর্‌ গিরোজ্‌ অব্রাহামর গোজেন লগেপ্রভুরে ভালেদি জানেলুং, কিত্তে তেয়ই মরে দোল্ পথতান্‌ দেগেইনে আন্যে যেনে মুই মঅ গিরোজ্‌সো ভেইবো ঝিবোরে তা পুয়োবোত্তে নেযেই পারঙ্‌।

পত্থম 26:24

সে রেদোত্‌ লগেপ্রভু তারে দেগা দিইনে কলঅ, “মুই তঅ বাপ্পো অব্রাহাম গোজেন। কিচ্ছু ন-দোরেবে, কিত্তে মুই তঅ সমারে আগং। মঅ চাগর্‌ অব্রাহামত্তে মুই তরে বর্ দিম্‌ আর তঅ বংশবো বাড়েই দিম্‌।”

পত্থম 27:10

পরেদি তুই দঅ সিয়েন্‌ তঅ বাবঅ ইধু নেযেবে যেনে সিয়েন্‌ হেইনে তে মুরি যেবার আগেদি তরে বর্ দে।”

পত্থম 27:20

জোবত্‌ ইস্‌হাকে তা পুয়োবরে কলঅ, “বাবা, তুই কিঙিরিনে এদক্‌ যাদিমাদি শিগের্‌ পেয়োচ্‌?” জোবত্‌ যাকোবে কলঅ, “তর্‌ গোজেন লগেপ্রভুর দোয়্যেই পেয়োং।”

পত্থম 28:13

আর লগেপ্রভু সিয়েন উগুরে ঠিয়েইনে কলঅ, “মুই লগেপ্রভু। মুই তঅ পুরোণি মানুচ্‌ অব্রাহামর গোজেন আর ইস্‌হাকরঅ গোজেন। তুই যিয়েনত্‌ ঘুম যর্‌ সে দেজ্‌চান মুই তরে আর তঅ বংশর্‌ মানুচ্চুনোরে দিম্‌।

পত্থম 31:42

মর্‌ বাবর্‌ গোজেন, যিবে অব্রাহামর গোজেন আর ইস্‌হাকর্‌ ভক্তির গোজেন, তে যুদি মর্‌ লগে ন-থেদঅ সালে হামাক্কায়্‌ তুই‌ ইক্কিনে মরে সুদো আদে বিদেয়্‌ গুরিদে। গোজেনে মর্‌ দুঘ্ আর দুঘোত্ কাম্‌গরানাগানি দেক্ক্যে। সেনত্তে তে গেল্যে রেদোত্‌ ইয়েনর্‌ দোল-বিচের্‌ গোজ্যে।”

পত্থম 32:10

তর্‌ এ চাগর্‌বোরে তুই যে দোয়্যে আর বিশ্বেজ্ দেগেয়োচ্‌ মুই তার যগাজ্যে নয়। বানা এক্কো লুদিক্‌ আদত্‌ নিইনে মুই এ যর্দন গাঙান্‌ পার্‌ ওইয়োং, মাত্তর্‌ ইক্কুনি মঅ সমারে আঘন্ দ্বিবে দাঙর্‌ দল।

পত্থম 32:9

যাকোবে গোজেন ইধু ইয়েন কোইনে তবনা গুরিলো, ও লগেপ্রভু, মর্‌ আগ মানুচ্ অব্রাহামর গোজেন, মর্‌ বাপ্পো ইস্‌হাকর্‌ গোজেন, তুয়ই দঅ মরে কোইয়োচ্‌ মঅ দেজত্‌, মর্‌ নিজো মানুচ্চুনো ইধু ফিরি যেবাত্তে, আর সিধু তুই মরে ভালেদ্ গুরিবে।

পত্থম 43:14

বেগত্তুন্‌ খেমতাবলা গোজেনে যেন সে মানুচ্চো ইধু তমারে দোয়্যে দেগায়, আর তমা সে ভেইবো আর বিন্যামীনরেয়ো তমা আদত্‌ ইরি দে; আর যুনি মত্তুন পুয়ো আরেয়্যে উয়ো পরেদে অয়্‌ সালে নয়ত সিয়েনোই অলুং।”

১ রাজাবলী 18:36

বেইল্যে বেইল্যে উৎসর্বর সময়ানত্‌ ভাববাদী এলিয় মুজুঙোত্‌ উজেই এইনে তবনা গুরিলো, “ও লগেপ্রভু, অব্রাহাম, ইসহাক আর ইস্রায়েলর গোজেন, এচ্ছ্যে তুই জানেই দে, ইস্রায়েলর ভিদিরে তুয়ই গোজেন আর মুই তঅ চাগর্‌, আর তঅ উগুমে মুই ইয়েনি গোজ্যং।

২ রাজাবলী 2:14

সে কাবড়ান্দোই তে পানিত্‌ বাজ্জেইনে কলঅ, “ইক্কিনে এলিয়োর্‌ গোজেন লগেপ্রভু কুদু?” তে পানিত্‌ বাজ্জানার্‌ পরেন্দি পানিগান ডেনে-বাঙে দ্বিভাগ ওই গেলঅ, আর তে পার্‌ ওই গেলঅ।

নহিমিয় 1:11

ও প্রভু, কোজোলি গরঙ্‌, তর্‌ এ চাগর্‌বোর তবনালোই আর যিগুনে তর্‌ নাঙান্‌ ভক্তি গুরিনে ইদোত্‌ তুলোন্‌ তর্‌ সে চাগরুনোর্‌ তবনাগানি তুই শুনিচ্‌। তর্‌ চাগর্‌বোরে এচ্ছ্যে ফোলেই দে আর এ রাজাবো ইদু দোয়্যে-মেয়্যের্‌ মানুচ্চো গর্‌।” মুই রাজার আংগুর-রস ভাগগুরি দিয়্যে এলুঙ্‌।

নহিমিয় 2:4

রাজা মরে কলদে, “তুই কি চাজ্‌?” সেক্কে মুই স্বর্গর গোজেনর ইদু তবনা গুরিলুঙ্‌।

গীতসংহিতা 118:25

ও লগেপ্রভু, কোজোলি গরং তুই আমারে উদ্ধোর্ গর্; ও লগেপ্রভু, কোজোলি গরং মরে ফোলেই দে।

গীতসংহিতা 122:6

তুমি যিরূশালেমর সুগ-শান্দিত্ত্যে এ তবনাগান গরঅ, “যিগুনে যিরূশালেমানরে কোচ্‌পান তারার মংগল ওক্।

গীতসংহিতা 127:1

লগেপ্রভু যুনি ঘর ন-বানায় সালে মিস্ত্রীগুনে মিজে মিজে দুঘ্ গরন; যুনি লগেপ্রভু শঅরানি রোক্ষ্যে ন-গরে সালে চুগিদারুনে মিজে মিজে চুগি দুয়োন্।

গীতসংহিতা 37:5

তর্ জিংকানি-চলিবার ভারান্ লগেপ্রভু উগুরে ফেলেই দে; তা উগুরে বিশ্বেজ্ গর্, তেয়ই বেক্কানি গুরিবো।

যাত্রা 3:15

তুই তারারে আরঅ কবেদে, তারার্‌ পুরোণি মানুচ্ অব্রাহাম, ইস্‌হাক আর যাকোবর্‌ গোজেন লগেপ্রভু তরে তারা ইধু পাদেয়্যে। মর্‌ উমরর্‌ নাঙান্‌ লগেপ্রভু। বংশর্‌ পর্‌ বংশ ধুরিনে মরে এ নাঙে মান্‌জে মনত্‌ রাগেবাক্।

যাত্রা 3:6

মুই তঅ বাবর গোজেন; মুই অব্রাহাম, ইস্‌হাক আর যাকোবর্‌ গোজেন।” সেক্কে মোশি তা মুয়োন্‌ ঢাগিলো, কিত্তে গোজেন ইন্দি রিনি চেবাত্তে তার্‌ মনত্‌ দর্‌বুগ লাগিলো।

গম্ উপদেজ্ 3:6

তর্ আঢিবার পধত্ গোজেনরে মুজুঙোত্ রাগেচ্; তেয়ই তর্ বেক পথ্‌তানি উজু গুরি দিবো।

মথি লেখ্যে গম্ হবর্ 22:32

সিয়েনত্ লেগা আঘে, ‘মুই অব্রাহামর্ গোজেন, ইস্‌হাকর্ গোজেন আর যাকোবর্ গোজেন।’ মাত্তর্ গোজেনে দঅ মরাগুনোর্ গোজেন নয়, তে জেদাগুনোর্ গোজেন।”

ফিলিপীয় 4:6

কনঅ বেপার্‌লোই চিন্তিত ন-ওইয়ো, বরং তমার বেক্‌ মাগানার্ বেপারানি ভালেদি জানেইনে গোজেনরে জানঅ।