পত্থম 24:1 - Chakma Bible

¹ অব্রাহামে সেক্কে অমকদ বুড়ো ওই যেইয়্যে আর বয়জঅ তার বোউত্‌ ওইয়্যে। লগেপ্রভু তারে চেরোকিত্তেত্তুন্‌ বর্ দিলো।

পত্থম 24:1 Iomraidhean Croise

পত্থম 12:2

তরে দিইনে মুই এক্কো দাঙর্‌ জাদ্ বানেই দিম্‌। মুই তরে বর্‌ দিম্‌ আর এবাবোত্তে গুরিম্‌ যেনে তর গম্‌ হবরান চেরোকিত্তে ছিদি পড়ে আর তঅ মাধ্যমে যেনে মান্‌জ্যে বর্ পান।

পত্থম 13:2

অব্রামে জদবদে মাজন্‌ এলঅ। তার ভালোক্কুন য়েমান আর সনা রূবো এলঅ। পরেদি তে নেগেভত্তুন্‌ সুরি যাদে যাদে বৈথল সং গেলঅ। এধোক্ক্যেনগুরি তে বৈথেল আর অয়র সংমোধ্যে সে জাগানত্‌ যেইনে লুমিলো যিয়েনত্‌ তে আগেদি তাম্বুল তাঙেইয়্যে আর পত্তম ডালিপূজো বানেইয়্যে। সিয়েনত্‌ তে লগেপ্রভুরে তার যগাজ্যে সর্মান দিলো।

পত্থম 18:11

সেক্কে অব্রাহাম আর সারার বোউত্‌ বয়জ্‌ ওইয়্যে আর সারার ঝি-পুয়ো অবার বয়জ্‌ হোরে যেইয়্যে।

পত্থম 21:5

অব্রাহাম বয়জ্‌ যেক্কে একশঅ বজর্‌ সেক্কে তা পুয়ো ইস্‌হাকর জর্ম অলঅ।

পত্থম 24:35

মঅ গিরোজ্‌সোরে লগেপ্রভু বোউত্‌ বর্ দিয়্যে; এচ্চ্যে তে বোউত্‌ দাঙর্‌ মানুচ্‌। লগেপ্রভু তারে ভালোক্কুন্‌ গোরু-ভেড়া, সোনা-রূবো, চাগর-চাগরানী আর উট আর গাধা দিলো।

পত্থম 25:20

ইস্‌হাকে চোল্লিশ বজর বয়জত্‌ রিবিকারে লোইয়্যে। রিবিকা অলদে পদ্দন-অরাম দেজর অরামীয় বথূয়েলর ঝি আর অরামীয় লাবনর বোন।

পত্থম 26:12

ইস্‌হাকে সে বজরত্ সেই দেজত্‌ চাষ্‌ গুরিনে একশঅ গুণ ফল্‌ পেলঅ। লগেপ্রভু তারে বর্ দিলো,

পত্থম 49:25

তঅ বাবঅ গোজেনে তরে বল্‌ দিবো। বেগত্তুন্‌ খেমতাবলা গোজেনে তরে উগুরেত্তুন্‌ আগাজর্ বর্ আর মাদি তলেত্তুন উইফুদো বর্ দিবো। মিলেগুনো পেদত্‌ পুয়ো দিইনে আর তা বুগোত্‌ দুধ দিইনে তে তরে আশিদ্‌বাদ গুরিবো।

১ রাজাবলী 1:1

রাজা দায়ূদে বুড়ো ওই গেলঅ আর তার বয়জ্‌ছান বোউত্‌ ওই গেলঅ। তা কিয়্যেত্‌ বালক্কানি কাবড়লোই ঢাগি দিলেয়ো সিয়েন আর উমুম্‌ ন-অদঅ।

গম্ উপদেজ্ 10:22

লগেপ্রভু যিবেরে বর্ দে তেয়ই তাগোয়্যে; সেই আশিদ্‌বাদত্ কনঅ দুঘ্ দরদ ন-থায়।

যিশাইয় 51:2

তমা বাব্‌পো অব্রাহাম আর তমারে যে জর্ম দিয়্যে সেই সারা ইন্দি রিনি চঅ। মুই যেক্কেনে তারে ডাক্যং সেক্কে তে অলদে একজন, আর মুই তারে বর্ দিইনে জনেদি ভালোক্কুন্ গুরিলুং।

মথি লেখ্যে গম্ হবর্ 6:33

মাত্তর্ তুমি পত্তমে গোজেন রেজ্য পৌইদ্যেনে আর তা আওজ্ মজিম চলিবাত্তে মনান্ দুয়ো। সালে সেই বেক্ জিনিস্‌চানিয়ো তুমি পেবা। কেল্যেত্যে চিদে ন-গোজ্য;

লূকে লেখ্যে গম্ হবর্ 1:7

তারার্ কনঅ পুয়ো-ছা ন-অয় কিয়া ইলীশাবেতে ভাঝ্ এলঅ। সিয়েন বাদেয়ো তারার্ বয়জঅ অমকদ বেশ্ ওই যেইয়্যে।

গালাতীয় 3:9

সালে দেগা যায়, গোজেনরে বিশ্বেজ্ গুরিনে অব্রাহামে যেধোক্ক্যেন বর্ পেইয়্যে ঠিগ্ সেধোক্ক্যেন গুরি সে পরেত্তুন্ ধুরি যিগুনে গোজেনরে বিশ্বেজ্ গোজ্জ্যন্ তারায়ো সেই বর্ পাদন্।

ইফিষীয় 1:3

আমা প্রভু যীশু খ্রীষ্টর্ বাপ্পো আর গোজেনর্ বাঈনী ওক্। আমি খ্রীষ্ট সমারে মিজেয়্যেই বিলি স্বর্গর্ পত্তি আত্মিক আশিদ্‌‌বাদ গোজেনে আমারে দান গোজ্জ্যে।

১ তীমথিয় 4:8

কিয়্যেগানদি ব্যায়ামত্ কিজু লাভ অয় সত্য, মাত্তর্ গোজেন-ভোক্তিলোই বেক্কানিন্দি লাভ্ অয়; সিয়েনত্যে এ জিংকানিত্ আর পর জিংকানিত্যে আজা আঘে।