পত্থম 23:16 - Chakma Bible

¹⁶ ইফ্রোণ কধাগান শুনিনে অব্রাহামে বেবসায়ীগুনোর্ মাপ ঢগে চেরশ কট্টা রূবো তারে মাবি দিলো। ইফ্রোণে হিত্তীয়গুনো মুজুঙোত্‌ এ চেরশ কট্টা রূবোর্ কধা কোইয়্যে।

পত্থম 23:16 Iomraidhean Croise

পত্থম 23:15

“তুই মঅ কধাগান শুনিচ্‌। সে ভুইয়ান দামান অলদে চের্‌শ কট্টা রূবো, মাত্তর্‌ তইধু মইধু সিয়েন সেবাবোত্যে কিচ্ছু নয়। তুই বরং যেইনে সিয়েনত্ তর্‌ মোজ্যেদে মোক্কোরে গোর্ দেগোই।”

পত্থম 43:21

মাত্তর্‌ ফিরি যেবার পদথ্‌ ঝিরেবার্‌ জাগানত্‌ লুমিনে আমা বস্তাগুন খুলিনে দেগিলোং আমা বেক্‌ টেঙাগুন্‌ যার্‌ যার্‌ বস্তার্‌ মুয়োনিত্‌ আগন্‌। আমি ইক্কিনে সে টেঙাগুন্‌ ফিরেই আন্ন্যেই।

পত্থম 49:29

পরেদি যাকোবে তা পুয়োগুনোরে এ উগুমানি দিলো, “চোদ্দোগুট্টিগুনো ইধু যেবার্‌ অক্ত মর্‌ ওইয়্যে। হিত্তীয় ইফ্রোণ ভূইয়োত্‌ যে গাত্তো আঘে সেই গাত্তোত্‌ মঅ চোদ্দো গুট্টিগুনো সমারে মরে গোর্ দুয়ো।

পত্থম 50:13

তারা তা কিয়্যেগান্‌ কনান দেজত্‌ নেযেলাক্ আর মম্রি ইধু মক্‌পেলার্‌ ভূইয়ো গাত্তোত্‌ তারে গোর্ দিলাক্। গোর জাগা বানেবাত্তে ভুইয়ান্‌ সমুত্ত এ গাত্তো অব্রাহামে হিত্তীয় ইফ্রোণত্তুন্‌ কিনি নেযেল।

২ শমূয়েল 14:26

বজর শেজত্‌ তে তা চুলান কাবিদো, কিত্যে তা চুলো ওজনান্‌ অদগোই আড়ি কেজি।

২ শমূয়েল 24:24

জোবত্‌ রাজা অরৌণারে কলদে, “না, সিয়েন ন-অবঅ। মুই হামাক্কায় দাম দিইনে ইগুন্‌ কিনি নেযেম্‌। মাগানা পেইয়্যে এবাবোত্যে কনকিজু মুই মঅ গোজেন্‌ লগেপ্রভুর নাঙে পুজ্যে-উৎসর্ব ইজেবে ন-দিম্‌।” ইয়েন কোইনে দায়ূদে পঞ্চাশ শেখেল রূবোলোই সে খামার্‌বো আর বলদ গোরুগুন্‌ কিনি নেযেল।

ইয়োব 28:15

গম্ সনালোইয়ো সিয়েন কিনে ন-যায়, ভালোক্কানি রূবোলোইয়ো সিয়েনর দামান দিয়্যে ন-যায়।

যাত্রা 30:13

গুণি রাগেয়্যে মানেইয়ুনোর দলত্‌ যেবার্‌ আগেন্দি পত্তি জনে দশ গ্রাম মাবর্ ধর্মীয় শেখলর্‌ আধা শেখল ইজেবে দিয়্যে পুরিবো। এই আদা শেখল্‌ অবদে লগেপ্রভুর।

যিরমিয় 32:10

মুই দলিলোত্ সই দিলুং, সীলমহ্‌র মারিলুং আর সাক্ষী রাগেলুং আর পাল্লালোই সেই রূবোগান মাবি দিলুং।‌

যিরমিয় 32:9

সেনত্তে মঅ কাক্কাবোর পুয়ো হনমেল ইধু মুই অনাথোদর্ সেই ভূইয়ান কিনিলুং আর একশঅ সাদাশি গ্রাম রূবো মুই তারে মাবিনে দিলুং।

যিহিষ্কেল 45:12

এক শেখেলত্ থেবঅ কুড়ি গেরা। এক মানিত্ থেবঅ ষায়েট্ শেখেল।

সখরিয় 11:12

মুই তারারে কলুং, “তুমি যুনি গম্ মনে গরঅ সালে মঅ বেতনুন্ দুয়ো; মাত্তর্ যুনি গম্ মনে ন-গরঅ সালে সিগুন থোই দুয়ো।” সেক্কে তারা মরে ত্রিশছো রূবোর্ কট্টা দিলাক্।

মথি লেখ্যে গম্ হবর্ 7:12

তুমি অন্য মানুচ্চুনোত্তুন্ যেবাবোত্যে বেবহার পেবাত্তে চঅ তুমিয়ো তারা লগে সেবাবোত্যে বেবহার গরঅ। ইয়েনই অলঅ মোশির সুদোম আর ভাববাদীগুনোর শিক্ষ্যের্ আজল্ কধা।

প্রেরিত্‌ 7:16

তারার কিয়্যেগানি শিখিমোত্ আনিনে গোর্ দিয়্যে অলঅ। এ গোর জাগায়ান অব্রাহামে শিখিম শঅরর্ হমোর পুয়োগুনোত্তুন্ রুবো দিইনে আগেদি কিন্ন্যে।

রোমীয় 13:8

অন্য ইধু এক কোচ্‌পানার কজ্জ বাদে আর অন্য কনঅ কজ্জ যেন তমার্ ন-থায়। যিগুনে অন্যরে কোচ্‌পান সিগুনে মোশির রীদি-সুদোম মানি চলদন্।

ফিলিপীয় 4:8

যেরেদি কং, ভেইলগ্, যিয়েন সত্য, যিয়েন যগাজ্জ্যে, যিয়েন গম্, যিয়েন খাটি, যিয়েন-দোল্, যিয়েন সর্মান পেবার যগাজ্জ্যে, আজল্ কধা যিয়েন গম্ আর নাঙ্ গিনিবার্, সিন্দি তুমি মনানি দুয়ো।

১ থিষলনীকীয় 4:6

এ পৌইদ্যেনে অন্যেয় গুরিনে কেঅ যেন কনঅ ভেইয়োরে ন-থগান্। আমি আগে তমারে কোইয়্যেই আর উজিয়ার্ গুরি দিয়্যেই, এ বেক্‌ অন্যেয়ানিত্যে প্রভুই সাজা দিবো,