পত্থম 21:6 - Chakma Bible

⁶ সারা কলঅ, “গোজেনে মর্‌ মুয়োনত্‌ আজি ফুদেই দিলো, আর সে কধাগান শুনিনে অন্যগুনো মুয়োদ্‌অ আজি ফুদিবো।”

পত্থম 21:6 Iomraidhean Croise

পত্থম 17:17

এ কধাগান শুনিনে অব্রাহামে মাটিত্‌ মাদা নিগিরি পড়িলো আর আজি আজি মনে মনে কলঅ, “সালে কামাক্কায় একশঅ বোজোজ্যে বুড়োর্‌ পুয়ো-ছা অবঅ, আর্‌ সিবে অবঅ নব্বই বোজোজ্যে মোগো পেদত্‌।”

গীতসংহিতা 113:9

তে ভাজ্ মিলেগুনোরে পুয়ো-ঝিগুনোর হুজি অইদে মা বানায় সংসারর পুরো অধিকারান্ দে। লগেপ্রভুরে নাঙ্ গিনে ওক্।

গীতসংহিতা 126:2

সেক্কে আমা মুয়োনি এলদে আজিয়ে-হুজিয়ে, আর জিলান এলদে গীদে-রেঙে ভরা। অন্য জাদঅ মানুচ্চুনে সেক্কে কুয়ো কি গোজ্যন্, “লগেপ্রভু তারাত্তে বোউত্ দোল্ দোল্ কাম গোজ্যে।”

যিশাইয় 49:15

সেনত্তে লগেপ্রভু কোইয়্যেদে, মাবো কি তার্ দুধো পুয়োবোরে ভুলি যেই পারে? যে পুয়োবোরে তে জর্ম দিয়্যে তারে কি তে মেয়্যে ন-গুরিবো? এমন্অ ওই পারে, মাবো ভুলি যেই পারে মাত্তর্ মুই কনদিন্অ তরে ভুলি ন-যেম্।।

যিশাইয় 49:21

সেক্কে তুই মনে মনে কবে, ‘ইগুনোরে কন্না মত্তে জর্ম দিয়্যে? মুই পুয়ো-ছাগুনোরে আরেইনে ভাজ ধোক্ক্যেন ওইয়োং; মরে যেন দূর গুরি দিয়্যে ওইয়্যে, মুই যেন ধেই ধেই বেড়াঙর্। সালে কন্না ইগুনোরে পালেয়্যে? মাত্তর্ ইগুনে? ইগুনে কুত্তুন এচ্চোন্?’ ”

যিশাইয় 54:1

লগেপ্রভু কোইয়্যেদে, ও ভায্ মিলেবো, যিবের কনদিন্অ পুয়ো ন-অয়, তুই হুজিয়ে গান গাহ্; তুই, যিবের্ কনদিন্অ পুয়ো ফুদেবার পেটপিড়ে ন-অয়, তুই জদবদে গান গাহ্, হুজিয়ে রঅ ছাড়্; কিত্তে যিবের্ নেগ্ আঘে তাত্তুন্ যিবের কনজন নেই তার পুয়ো-ছা বোউত্ অবাক্।

যিরমিয় 20:15

“তর্ এক্কো পুয়ো ওইয়্যে,” এ হবরান দিইনে যে মঅ বাপ্‌‌পোরে হুজি গোজ্যে তে অভিশাব্ পোক্।

লূকে লেখ্যে গম্ হবর্ 1:14

তে তঅ জিংকানিত্ অমকদ হুজি অইদ্যে ধোক্ক্যেন্ অবঅ আহ্ তার জর্মানাত্তে আরঅ ভালোক্‌জনে হুজি অবাক্,

লূকে লেখ্যে গম্ হবর্ 1:58

তা উগুরে প্রভুর অমকদ দোয়্যের্ কধানি শুনিনে পাড়াল্যেগুনে আর কুদুম্মোগুনে তা সমারে ফুত্তি গরা ধুরিলাক্।

রোমীয় 12:15

যিগুনে ফুত্তি গরন্ তারা সমারে হুজি অ; যিগুনে কানন্ তারা সমারে কানঅ।

ইব্রীয় 11:11

যুনিয়ো সারার পুয়ো অবার্ বয়জ্‌চান পার্ ওই যেইয়্যে তো বিশ্বেজর্ কারনে তে অব্রাহামর্ পুয়োবো পেদত্ ধুরিবার খেমতা পেয়্যে, কিয়া তে বিশ্বেজ্ গোজ্জ্যেদে, যিবে এগেম্ গোজ্জ্যে তে বিশ্বেজ্‌বলা।

১ শমূয়েল 1:26

হান্না কলদে, “ও মর্‌ প্রভু, তরে সাক্ষী রাগেইনে মুই শমক্‌ খেইনে কঙর্‌, মুয়ই সেই মিলেবো, যে ইদু তর্‌ মুজুঙোত্‌ ঠিয়্যেইনে লগেপ্রভুর ইদু তবনা গোজ্যে।