পত্থম 21:2 - Chakma Bible

² সেক্কে সারা পিদিলী অলঅ। অব্রাহামর বুড়ো বয়জত্‌ সারা পেদত্‌ তা পুয়োবোর্‌ জর্ম অলঅ। গোজেনে যে অক্তবো কধা কোইয়্যে সে অক্তবোত্‌ তার জর্ম অলঅ।

পত্থম 21:2 Iomraidhean Croise

পত্থম 17:19

সেক্কে গোজেনে কলঅ, “তঅ মোক্কো সারার হামাক্কায় পুয়ো অবঅ, আর তুই তা নাঙান্‌ রাগেবে ইস্‌হাক (যিয়েনর্‌ ভেদ্‌‌তান ‘আজানা’)। তার্‌ আর তা বংশর্‌ মানুচ্চোত্তে মুই মর্‌ উমরর্ সুদোমান চালু রাগেম্‌। মাত্তর্‌ ইশ্মায়েল পৌইদ্যেনে তুই যিয়েনি কোইয়োচ্‌ সিয়েনি মুই শুনিলুং।

পত্থম 17:21

মাত্তর্‌ ইস্‌হাকত্তে মুই মর্‌ সুদোমান চালু রাগেম্‌। এজেত্তে বজর্‌ এ সময়োত্‌ তে সারার্‌ করত্‌ এবঅ।”

পত্থম 18:10

সেক্কে তারা ভিদিরেত্তুন একজনে কলঅ, “এজেত্তে বজর্‌ এ সময়োত্‌ মুই হামাক্কায়্‌ তইধু আরঅ এইম্‌। সেক্কে তঅ মোক্কো সারা করত্‌ এক্কো পুয়ো থেবঅ।” সারা অব্রাহাম পিজেন্দি তাম্বুলো দোরানত্তুন্‌ বেক্‌ কধানি শুন্যে।

পত্থম 18:14

লগেপ্রভু ইধু ন-পারে পারা কি কিজু আঘে? এজেত্তে বজর্‌ ঠিগ্ এ সময়োত্‌ মুই আরঅ তমা ইধু ফিরি এইম্‌ আর সেক্কে সারা করত্‌ এক্কো পুয়ো থেবঅ।”

লূকে লেখ্যে গম্ হবর্ 1:36

চাহ্, এ বুড়ো বয়জত্ তর্ কুদুম্মো ইলীশাবেতর্ পেদত্অ পুয়ো জর্ম ওইয়্যে। মান্‌জ্যে কদাক্ তার ঝি-পুয়ো ন-অবাক্, মাত্তর্ ইক্কিনে তার ছয় মাস চলের্।

প্রেরিত্‌ 7:8

সে পরেদি গোজেনে তার বেবস্থার চিহ্নো ইজেবে চুনুগুলো মাঢাবো কাবিবার সুদোম দিলো। ইয়েন পরেদি অব্রাহাম পুয়ো ইস্‌হাকর জর্ম অলঅ আর জর্মর্ আট্ট্য দিনোত্ তে তারে চুনুগুলো মাঢাবো কাবিলো। যেরেদি ইস্‌হাকে যাকোবর সুন্নত গোরেল আর যাকোবে সেই বারজন গুট্টির বাব্‌পুনোরে সুন্নত গোরেল।

রোমীয় 9:9

সেই এগেমান্ ইয়েন-“ঠিগ্ সময়োত্ মুই ফিরি এম্ আর সারার্ এক্কো পুয়ো অবঅ।”

গালাতীয় 4:22

বোইবোত্ লেগা আঘে অব্রাহামর্ দ্বি'বে পুয়ো এলাক্, তারাত্তুন্ একজনর মা এলঅ এক্কো চাগরানি আর একজনর্ মা এলঅ অব্রাহামর্ আজল্ মোক্।

ইব্রীয় 11:11

যুনিয়ো সারার পুয়ো অবার্ বয়জ্‌চান পার্ ওই যেইয়্যে তো বিশ্বেজর্ কারনে তে অব্রাহামর্ পুয়োবো পেদত্ ধুরিবার খেমতা পেয়্যে, কিয়া তে বিশ্বেজ্ গোজ্জ্যেদে, যিবে এগেম্ গোজ্জ্যে তে বিশ্বেজ্‌বলা।

যিহোশূয় 24:3

মাত্তর্‌ মুই তমার পূরোণি মানুচ্‌ অব্রাহামরে গাঙর্‌ উইপারত্তুন্‌ লোই আনিনে কনান দেজর বেক্‌ জাগানিত্‌ ঘুরেলুং আর তা বংশবো বোউত্‌ বাড়েই দিলুং। মুই তারে ইস্‌হাকরে দান গুরিলুং,