পত্থম 21:12 - Chakma Bible

¹² মাত্তর্‌ গোজেনে তারে কলঅ, “তঅ চাগরানী আর তা পুয়োবোর কধা ভাবিনে তুই মনান খারাব্‌ ন-গুরিচ্‌। সারা তরে যিয়েন্‌ কোইয়্যে তুই সিয়েনই গর্‌, কিত্তে ইস্‌হাক বংশবো তর্‌ বংশ বিলিনে ধরা অবঅ।

পত্থম 21:12 Iomraidhean Croise

পত্থম 17:19

সেক্কে গোজেনে কলঅ, “তঅ মোক্কো সারার হামাক্কায় পুয়ো অবঅ, আর তুই তা নাঙান্‌ রাগেবে ইস্‌হাক (যিয়েনর্‌ ভেদ্‌‌তান ‘আজানা’)। তার্‌ আর তা বংশর্‌ মানুচ্চোত্তে মুই মর্‌ উমরর্ সুদোমান চালু রাগেম্‌। মাত্তর্‌ ইশ্মায়েল পৌইদ্যেনে তুই যিয়েনি কোইয়োচ্‌ সিয়েনি মুই শুনিলুং।

পত্থম 17:21

মাত্তর্‌ ইস্‌হাকত্তে মুই মর্‌ সুদোমান চালু রাগেম্‌। এজেত্তে বজর্‌ এ সময়োত্‌ তে সারার্‌ করত্‌ এবঅ।”

যিশাইয় 46:10

মুই শেজ্ কাল পৌইদ্যেনে আগে আগে কং আর যিয়েনি এজঅ ন-অয় সিয়েনি আগে জানাং। মুই কোইয়োংগে যে, মঅ উদ্দেশ্যগান থির্ থেবঅ; মর্ বেক আওজ্‌‌চান মুই পুরেম্।

গালাতীয় 4:30

মাত্তর্ পবিত্র বোইবো কি কয়? পবিত্র বোইবো কয়,“চাগরাণিবো আর তা পুয়োবোরে যেন নিগিলেই দিয়্যে অয়, কিয়া চাগরাণিবোর্ পুয়োবো কনবাবদে স্বাধীন মোক্কোর্ পুয়োবো সমারে সোম্বোত্তির্ ভাগ্ পেই ন-পারে।”

ইব্রীয় 11:18

ইবে সেই পুয়ো যিবে পৌইদ্যেনে গোজেনে কোইয়্যেদে, “ইস্‌হাকর্ গুট্টিবোরে তর্ গুট্টি বিলিনে ধরা অবঅ।”

১ শমূয়েল 8:7

সেক্কে লগেপ্রভু তারে কলঅ, “মানুচ্চুনে তরে যিয়েনি কদন্‌ তুই সিয়েনই গর্‌। তারা তরে এলাফেলা ন-গরন্‌, আজলে মরেই এলাফেলা গোজ্যন্‌ যেনে মুই তারা উগুরে রাজাগিরি ন-গরং।

১ শমূয়েল 8:9

ইক্কিনে তুই তারার কধানি মানি নেযা; মাত্তর্‌ তুই তারারে উঝিয়ার্‌ গুরিনে কোই দে, তারা উগুরে যে রাজাবো রাজাগিরি গুরিবো তে তারার উগুরে কেধোক্ক্যেন্ বেবহার গুরিবো।”