পত্থম 21:10 - Chakma Bible

¹⁰ এ অবস্থা দেগিনে তে অব্রাহামরে কলঅ, “পুয়োবো সুমুত্তো সে চাগরানীবোরে নিগিলেই দুয়ো, কিত্তে সে পুয়োবো মঅ পুয়ো ইস্‌হাক লগে ধন-সোম্বোত্তির গিরোজ্ ওই ন-পারিবো।”

পত্থম 21:10 Iomraidhean Croise

পত্থম 17:19

সেক্কে গোজেনে কলঅ, “তঅ মোক্কো সারার হামাক্কায় পুয়ো অবঅ, আর তুই তা নাঙান্‌ রাগেবে ইস্‌হাক (যিয়েনর্‌ ভেদ্‌‌তান ‘আজানা’)। তার্‌ আর তা বংশর্‌ মানুচ্চোত্তে মুই মর্‌ উমরর্ সুদোমান চালু রাগেম্‌। মাত্তর্‌ ইশ্মায়েল পৌইদ্যেনে তুই যিয়েনি কোইয়োচ্‌ সিয়েনি মুই শুনিলুং।

পত্থম 17:21

মাত্তর্‌ ইস্‌হাকত্তে মুই মর্‌ সুদোমান চালু রাগেম্‌। এজেত্তে বজর্‌ এ সময়োত্‌ তে সারার্‌ করত্‌ এবঅ।”

পত্থম 20:11

জোবত্‌ অব্রাহামে কলঅ, “মুই ভাবি চেয়োং, এ জাগানর্‌ মানুচ্চুনোর গোজেন-দর্‌ বিলিনে কনঅ কিচ্ছু নেই। সেনত্তে মঅ মোক্কোরে পেবাত্তে তারা অয়্‌ত মরে মারে ফেলেবাক্।

পত্থম 22:10

সে পরেদি অব্রাহামে পুয়োবোরে মারে ফেলেবাত্তে ছুড়িগান আদত্‌ নিলো।

পত্থম 25:19

ইয়েন অলঅ অব্রাহামর পুয়ো ইস্‌হাকর জীংকানির বিজগ কধা। অব্রাহামর পুয়ো ইস্‌হাক।

পত্থম 25:6

তার আর এক্কো মোগোর্ ঝি-পুয়োগুনোরেয়ো তে বাঁজি থাগদে ভালোক্কানি দান গোজ্যে। এ ঝি-পুয়োগুনোরে তে ইস্‌হাক লগে ন-রাগেইনে দূরোত্‌ পূগেদি এক্কান্‌ দেজত্‌ পাদেই দিলো।

গম্ উপদেজ্ 22:10

নিন্দে গুরিয়্যেবোরে ধাবেই দুয়ো, হাঙেলেত্যেয়ো দূর্ অবঅ; কোল্-কোজ্যে আর অগমান থুম্ ওই যেবঅ।

মথি লেখ্যে গম্ হবর্ 22:13

সেক্কে রাজা চাগরুনোরে কলঅ, ‘ইবের্ আঢ্-টেঙানি বানিনে বারেদি আন্ধারত্ ফেলেই দুয়ো। সেই জাগানত্ মান্‌জ্যে কানাকুদি গুরিবাক্ আর যন্ত্রণালোই দাত্ কামেরেবাক্।’ ”

যোহন 8:35

চাগরে জনমভরা ঘরত্ ন-থায় মাত্তর্ পুয়োবো জনমান থায়।

গালাতীয় 3:18

গোজেনর্ বর্ পানাগান যুনি রীতি-সুদোম্ পালানা উগুরে নির্ভর গরে সালে দঅ আর এগেম উগুরে সিয়েন নির্ভর ন-গরের্। মাত্তর্ গোজেনে দোয়্যে গুরিনে এক্কান এগেমর্ মাধ্যমে অব্রাহামরে বর্ দিয়্যে।

গালাতীয় 4:7

সেনত্তে তুমি আর চাগর্ নয় বরং পুয়ো। তুমি যুনি পুয়ো ওই থাগঅ সালে গোজেনে যিয়েন দিবো বিলিনে এগেম্ গোজ্জ্যে তুমি সিয়েনর্ অধিকারী।

১ পিতর 1:4

অত্তাৎ ভবিচ্চদে এন্ এক্কান সম্বোত্তি পেবার আশ্বাস আমি পেইয়্যেই যিয়েন কনদিন্অ ভস্ত ন-অবঅ, যিয়েনত্ ভান্ন্যেই কিচ্চু ন-থেবঅ আর যিয়েন উমরত্যে নুয়ো থেবঅ। এ সোম্বোত্তিগান তমাত্যে স্বর্গত্ থুবেইয়্যে আঘে।

১ যোহন 2:19

খ্রীষ্টর্ এ শত্রুগুন আমা ভিদিরেত্তুন্ নিগিলি যেয়োন। মাত্তর্ তারা আমা মানুচ্‌ ন-এলাক্। যুনি তারা আমার্ অদাক্ সালে আমা সমারে থেদাক্, মাত্তর্ তারা নিগিলি যেইয়োন বিলিনে বুঝো যার্, তারা কেঅই আমার নয়।

বিচের গুরিয়্যেগুন 11:2

গিলিয়দর নিজো মোক্কোর্‌ কয়েক্কো পূঅ এলাক্‌। তারা দাঙর্‌ ওইনে যিপ্তহরে ইয়েন কোইনে ধাবেই দিলাক্‌, “তুই আমা গিরির্ সোম্বোত্তির ভাগ্‌ ন-পেবে, কিয়া তুই অলদে সাদাঙা পূঅ।”