পত্থম 21:1 - Chakma Bible

¹ লগেপ্রভু তা কধা মজিম্‌ সারা ইন্দি মনযোগ দিলো আর তে তাত্তে যিয়েনি গুরিবো বিলি এগেম্ গোজ্যে সিয়েনি গুরিলো।

পত্থম 21:1 Iomraidhean Croise

পত্থম 17:16

মুই তারে বর্ দিইনে তা ভিদিরেদি তরে এক্কো মরদপুয়ো দিম্‌। মুই তারে আরঅ বর্ দিম্‌ যেনে তে ভালোক্কুন জাদর্‌ আর তারা রাজাগুনোর্‌ আগ মা অয়।”

পত্থম 17:19

সেক্কে গোজেনে কলঅ, “তঅ মোক্কো সারার হামাক্কায় পুয়ো অবঅ, আর তুই তা নাঙান্‌ রাগেবে ইস্‌হাক (যিয়েনর্‌ ভেদ্‌‌তান ‘আজানা’)। তার্‌ আর তা বংশর্‌ মানুচ্চোত্তে মুই মর্‌ উমরর্ সুদোমান চালু রাগেম্‌। মাত্তর্‌ ইশ্মায়েল পৌইদ্যেনে তুই যিয়েনি কোইয়োচ্‌ সিয়েনি মুই শুনিলুং।

পত্থম 17:21

মাত্তর্‌ ইস্‌হাকত্তে মুই মর্‌ সুদোমান চালু রাগেম্‌। এজেত্তে বজর্‌ এ সময়োত্‌ তে সারার্‌ করত্‌ এবঅ।”

পত্থম 18:10

সেক্কে তারা ভিদিরেত্তুন একজনে কলঅ, “এজেত্তে বজর্‌ এ সময়োত্‌ মুই হামাক্কায়্‌ তইধু আরঅ এইম্‌। সেক্কে তঅ মোক্কো সারা করত্‌ এক্কো পুয়ো থেবঅ।” সারা অব্রাহাম পিজেন্দি তাম্বুলো দোরানত্তুন্‌ বেক্‌ কধানি শুন্যে।

পত্থম 18:14

লগেপ্রভু ইধু ন-পারে পারা কি কিজু আঘে? এজেত্তে বজর্‌ ঠিগ্ এ সময়োত্‌ মুই আরঅ তমা ইধু ফিরি এইম্‌ আর সেক্কে সারা করত্‌ এক্কো পুয়ো থেবঅ।”

পত্থম 24:36

তা মোক্কো সারার বুড়ো বয়জত্‌ তা পেদত্‌ মঅ গিারোজ্‌সোর্‌ এক্কো পুয়োর জর্ম ওইয়্যে, আর সে পুয়োবোরে তে তার বেক্‌ সোম্বোত্তিগানি দিলো।

পত্থম 50:24

পরেদি এক সময়ত্‌ যোষেফে তা ভেইয়ুনোরে কলঅ, “মর্‌ মুরিবার্‌ অক্ত ওই এচ্চ্যে, মাত্তর্‌ ইয়েন্‌ ঘেচ্চেকগুরি, গোজেনে তমারে দেগাশুনো গুরিবো। তে অব্রাহাম, ইসহাক আর যাকোবরে যে দেজ্‌সান্‌ দিবো বিলি শমক্‌ গোজ্যে সে দেজ্‌সানত্‌ তে তমারে ইয়োত্তুন্‌ নেযেব।”

২ রাজাবলী 4:17

পরেন্দি মিলেবো পিদিলী অলঅ আর ইলীশায় যেধোক্ক্যেন কোইয়্যে ঠিগ্‌ সেধোক্ক্যেন যেরে বজর্‌বোত্‌ একই সময়োত্‌ তে পুয়োর্‌ মা অলঅ।

গীতসংহিতা 106:4

ও লগেপ্রভু, তঅ মানুচ্চুনোরে মেয়্যে দেগেবার অক্তত্ মরে ভুলি ন-যেচ্; তারারে উদ্ধোর্ গুরিবার সময়োত্ মন্দি আঢ্ বাবেই দিচ্।

গীতসংহিতা 12:6

লগেপ্রভুর কধাত্ ভেজাল্ নেই; সিয়েন্ যেন আগুন্দোই পুজ্যে রুবো, সাত্পল্লা গুরি শুদ্ধো গোজ্যে রুবো।

যাত্রা 20:5

তুমি তারারে পূজোয়ো ন-গুরিবা, তারারে সেবায়ো ন-গুরিবা, কিত্তে বানা মুয়ই লগেপ্রভু তমার্‌ গোজেন। মর্‌ পাওনা ভোক্তিগান মুই চাং। যিগুনে মরে ঘিনেন্‌ তারার্‌ পাবর্‌ সাজা-মুই তারারে তিনোত্তুন্‌ ধুরি চের্‌ পুরুষ সং দুয়োং।

যাত্রা 3:16

তুই যেইনে ইস্রায়েলীয় বুড়ো নেতাগুনোরে একলগে এগত্তর্‌ গুরি তারারে কবেদে, তারার্‌ পুরোণি মানুচ্ অব্রাহাম, ইস্‌হাক আর যাকোবর্‌ গোজেন লগেপ্রভু তরে দেগা দিইনে কোইয়্যেদে, তমা ইন্দি আর মিসরত্‌ তমা উগুরে যিয়েনি গরা অর্‌ সিন্দি মর্‌ চোগ্‌ আঘে।

যাত্রা 4:31

সেক্কে মানুচ্চুনে বিশ্বেজ্ গুরিলাক্। তারা যেক্কে শুনিলাক্, লগেপ্রভু ইস্রায়েলীয়গুনোর্‌ দুখ্‌কানি দেক্ক্যে আর তারা কধানি চিদে গোজ্যে সেক্কে তারা মাদিত্‌ মাঢা নিগিরিনে লগেপ্রভুরে তারার্‌ মনর্ ভোক্তি জানেলাক্।

মথি লেখ্যে গম্ হবর্ 24:35

আগাজ্ আর পিত্‌থিমীগান্ শেজ্ অবঅ, মাত্তর্ মঅ কধানি উমরত্তে থেবঅ।

লূকে লেখ্যে গম্ হবর্ 1:68

“ইস্রায়েলর প্রভু গোজেনরে নাঙ্ গিনে ওক্, কিয়া তে তার্ নিজো মানুচ্চুনো ইন্দি মনযোগ্ দিয়্যে আর তারারে উদ্ধোর্ গোজ্যে।

লূকে লেখ্যে গম্ হবর্ 19:44

তারা তরে আর তঅ ভিদিরে বেক্‌ মানুচ্চুনোরে ধুরিনে মাদিত্ আঝার্ মারিবাক্ আর এক্কো পাত্তর উগুরে আর এক্কো পাত্তর্ ন-থবাক্, কিয়া গোজেনে যে অক্তত্ তইন্দি মনযোগ্ দিয়্যে সেই সময়ান্ তুই ন-চিনোচ্।”

গালাতীয় 4:23

স্বাভাবিক্ ভাবে সে চাগরাণিবোর্ পুয়োবো জোর্মেয়্যে, মাত্তর্ যে স্বাধীন এলঅ তার্ পুয়োবো গোজেনর্ এগেমান্দোই জোর্মেয়্যে।

গালাতীয় 4:28

ভেইলগ্, তুমি ইস্‌হাক ধোক্ক্যেন গোজেনর্ এগেম্বোই জোর্মেয়ো।

তীত 1:2

উমর্‌‌অ জিংকানি পেবার আজালোই মুই খ্রীষ্টরে সেবা গুরি যাঙর্। জগদ্‌‌তান সৃট্টি অবার আগেদি গোজেনে, যিবে মিজে কধা ন-কয়, তে এই জিংকানিগান দিবার এগেম্ গোজ্জ্যে।

রূত 1:6

মোয়াব দেজত্‌ থাগদে নয়মী শুনিলোদে, লগেপ্রভু তা মানুচ্চুনোরে হানার যুক্কোল্‌ গুরিনে তারা ইন্দি মনান্‌ দিয়্যে। সেনত্তেই তে তার দ্বিবে পূদবোরে নেযেইনে মোয়াব দেজত্তুন ঘরত্‌ ফিরি যেবাত্তে যুক্কোল্‌ অলঅ‌।

১ শমূয়েল 1:19

তার কেল্যে বেন্যেপোত্যে তারা ঘুমোত্তুন্ উদিনে উবোসনা-ঘরত্‌ যেইনে লগেপ্রভুরে তবনা গুরিলাক্। সে পরেন্দি তারা রামাত্ তারার নিজো ঘরত্‌ ফিরি গেলাক্। পরেন্দি ইল্‌কানা তা মোক্কো হান্না সমারে মিজেল আর লগেপ্রভুয়ো হান্নার ইন্দি মনযোগ দিলো।

১ শমূয়েল 2:21

লগেপ্রভু জদবদে হান্নারে মেইয়্যে গুরিলো। সেক্কে হান্না পিদিলী অলঅ আর তার্‌ বেক্কুনে তিন্নো পূঅ আর দ্বিবে মিলে অলাক্। ইন্দি চিগোন শমূয়েলে লগেপ্রভুর লগে থেইনে দাঙর্‌ উয়ো ধুরিলো।