পত্থম 20:5 - Chakma Bible

⁵ সে মানুচ্চো দঅ নিজেই মরে কোইয়্যে, সিবে তার বোন, আর সে মিলেবোয়ো কলঅ, সিবে তার্ ভেই। মুই সরল মনে এ কামান গোজ্যং; সিয়েনবাদে বারেন্দিয়ো মঅ বেবহার ভিদিরে কনঅ দুজ্ ন-এলঅ।”

পত্থম 20:5 Iomraidhean Croise

পত্থম 12:13

সেনত্তে তুই তারারে কবেদে, তুই মর্‌ বোন। সেক্কে তত্তে তারা মঅ লগে গম্‌ বেবহার গুরিবাক্‌ আর মরে বাজেই রাগেবাক্‌।”

পত্থম 20:13

গোজেনে যেক্কে মরে মঅ বাবঅ ঘরত্তুন্‌ নিগিলে আনিলো সেক্কে মুই মঅ মোক্কোরে কোইয়োং, তুই যে মরে কোচ্‌পাজ্‌ সিয়েন এবাবোত্যেগুরি দেগেচ্‌। আমি যিয়েনত্‌ যেদং চাত্‌, তুই মরে তঅ ভেই বিলিনে চিনেই দিজ্‌।”

পত্থম 20:16

সে পরেদি তে সারারে কলঅ, “চাহ্, মুই তঅ উগুরে যে অন্যেয় গোজ্যং সিয়েন্‌ তর্‌ মানুচ্চুনো ইধু যেনে গুমোর্ থায় সেনত্তে তঅ ভেইবোরে এক আজার্‌ রুবো কত্তা দোঙর্‌। ইয়েন্দোই বেক্কুনো মুজুঙোত্‌ ফগদাঙ্‌ অবদে, তুই কনঅ দুজ্ ন-গরচ্‌।”

১ রাজাবলী 9:4

আর তুই, তুই যুনি তঅ বাপ্পো দায়ূদো ধোক্ক্যেন্‌ দোল্ মনে, গমেডালে মঅ মুজুঙোত্‌ আদচ্‌ আর মর্‌ বেক্‌ উগুমানি, সুদোমানি আর নিদ্দেশ্‌ছানি পালাচ্‌,

২ রাজাবলী 20:3

“ও লগেপ্রভু, তুই ইদোত্‌ তুলি চাহ্ মুই তঅ মুজুঙোত্‌ কেধোক্ক্যেন বিশ্বেজ্ গুরিনে আর পুরো মন ভোক্তিলোই চোল্যং আর তঅ চোগেন্দি যিয়েনি ঠিগ্‌ সিয়েনি গোজ্যং।” ইয়েন্‌ কোইনে হিষ্কিয় অমকদ কানা ধুরিলো।

১ বংশধর 29:17

ও মর্‌ গোজেন, মুই হবর্‌ পাঙ্, তুই মনানিরে যগা চাজ্‌ আর গমত্‌ হুজি অচ্‌। এ বেক্‌ জিনিজ্‌ছানি মুই হুজি ওইনে আর মন ভোক্তিলোই দুয়োং। ইক্কিনে মুই দেগিনে হুজি অলুং, তঅ মানুচ্চুনে যিগুনে ইদু আগন্‌ তারায়ো কেধোক্ক্যেন হুজি ওইনে তরে দুয়োন্‌।

ইয়োব 33:9

তুই কোইয়োচ্ছে, মুই সিজি, মর্ কনঅ পাপ নেই; মুই খাটি, মর্ কনঅ দুষ্ নেই।

গীতসংহিতা 24:4

বানা তেয়ই যগাজ্যে, যিবের্ আঢ্‌‌তান্ নিদ্দুজি, মনান্ দোল্, মনান্ মিজে কধা ইন্দি নয়, আর মুয়োদি নেই মিজে শমক্।

গীতসংহিতা 25:21

মর্ গম আর ন্যায় কামানিয়ে মরে রোক্ষ্যে গোরোক্, কিত্যে মুই তঅ উগুরে মর্ আজাগান রাগেয়োং।

গীতসংহিতা 26:6

ও লগেপ্রভু, মুই নিদ্দুযি অবস্থায় আঢ্‌‌তান্ ধোই ফেলেম আর তর্ পুজোবোর চেরোকিত্তে ঘুরি এইম্,

গীতসংহিতা 7:8

লগেপ্রভু যেনে তারারে বিচের্ গরে। ও লগেপ্রভু, মর্ ন্যায় কাম্ আর গম্ কাম মজিম্ তুই মরে বিচের্ গর্।

গীতসংহিতা 7:9

ও ধার্মিগো গোজেন, তুই পরাণানিরে আর মনানিরে যগা চাজ্; তুই পাজিগুনোর্ শদানিগানি শেজ্ গর্ মাত্তর্ তঅ ভক্তগুনোরে গমেডালে থিদেবর্ রাগা।

গীতসংহিতা 73:13

মঅ মনানরে মুই অনত্তক্ ঠিগ্ রাগেয়োং, মঅ আঢ্‌তানরে মিজে মিজে ঠিগ্ রাগেয়োং।

গীতসংহিতা 78:72

দায়ূদে তার দোল মন-মানসিক নিইনে তারারে পালেল; তে তারারে মগজ খাদেইনে চালেই নেযেল।

গম্ উপদেজ্ 11:3

গম মানুচ্চুনে পরিচালিত অন্ তারার গম্ কামানিলোই, মাত্তর্ অবিশ্বেজি মানুচ্চুনে ভস্ত অন্ নিজোর ছলনালোই।

গম্ উপদেজ্ 20:7

গোজেন ভক্ত মান্‌জ্যে গমেডালে চলে; বর্ পেইয়্যে তার বংশগুন!

দানিয়েল 6:22

মর্ গোজেনে তার্ দূত পাধেইনে সিংহগুনোর মুয়োনি বানি দিয়্যে। তারা মরে আঘাত্ ন-গরন, কিত্যে গোজেনর চোগেদি মুই নিদ্দুযি এলুং। ও মহারাজ, তঅ মুজুঙোত্অ মুই কনঅ দুষ ন-গরং।”

২ করিন্হীয় 1:12

আমি যিয়েনত্যে দেমাগে ফুলি উদিই সিয়েন এই-আমা বিবেগ্‌‌‌কানিয়ে এ সাক্ষ্যগানি দেত্তে যে, গোজেনর্ দিয়্যে পবিত্রতালোই আর সরলতায় আমি বেক্ মানুচ্চুনো ইধু, বিশেষ গুরি তমা ইধু জিংকানি কাদেয়্যেই। সেই জিংকানিগানি আমি জগদ জ্ঞানর্ পরিচালনায় ন-কাদেই বরং গোজেনর্ দোয়্যেই পরিচালনায় কাদেয়্যেই।

১ থিষলনীকীয় 2:10

তুমি যিগুনে বিশ্বেজ্ গোজ্জ্য, তমা লগে আমার বেবহার যে পবিত্র, গম্ আর থুদো নেইয়্যে এলঅ, সিয়েনর সাক্ষী তুমিয়ো আঘঅ আর গোজেনেয়ো আঘে।

১ তীমথিয় 1:13

যুনিয়ো মুই আগে খ্রীষ্টরে বদ্‌নাঙ গত্তুং আর অত্যেচারী আহ্ ভান্ন্যেইরাগী এলুং তো মরে তে এ কামত্ বেঈ লোইয়্যে। মরে তে দোয়্যে গোজ্জ্যে, কিয়া মর্ অবিশ্বেজত্যে মুই হবর্ ন-পেইনে সিয়েনি বেক্কানি গত্তুং।

যিহোশূয় 22:22

বেক্কুনোর্‌ দাঙর্‌ গোজেন লগেপ্রভু! বেক্কুনোর্‌ দাঙর্‌ গোজেন লগেপ্রভু! তে দঅ‌ হবর্‌ পায় আর ইস্রায়েলীয়গুনেয়ো হবর্‌ পাদোক্‌। ইয়েন যুনি লগেপ্রভুর বিরুদ্ধে কনঅ‌ উল্লোমী বা অবাধ্য অনার্‌ কাম্‌ ওই থায় সালে তুমি এচ্চ্যে আমারে রেহাই ন-দিবা।