পত্থম 2:8 - Chakma Bible

⁸ ইয়েনর্ আগেদি লগেপ্রভু গোজেনে পুগেদি এদন দেজত্‌ এক্কান বাগান গোজ্যে, আর সিয়োদোই তে তার বানেইয়্যে মানুচ্চোরে রাগেল।

পত্থম 2:8 Iomraidhean Croise

পত্থম 13:10

সেক্কে লোটে রিনি চেইনে দেগিলো যর্দনর্ বেক্ সংজাগানত্‌ বোউত্‌ পানি আঘে আর জাগায়ান্‌ চাদে পেরায় লগেপ্রভুর বাগান ধোক্ক্যেন, আর সিয়েন্‌ ন-অলেয়ো প্রায় সোয়রত্‌ যেবার পদত্‌ মিসর দেজছান ধোক্ক্যেন। সেক্কেয়ো লগেপ্রভু সদোম আর ঘমোরা শঅরান্‌ ভস্ত গুরি ন-ফেলায়।

পত্থম 3:23

ইয়েন্‌ কোইনে লগেপ্রভু গোজেনে মাদিলোই বানেয়্যে মানুচ্চ্যরে মাদিত্‌ চাষ গুরিবাত্তে এদন বাগানত্তুন্ নিগিলেই দিলো।

পত্থম 3:24

এধোক্ক্যেন গুরি তে তারারে ধাবেই দিলো। সে পরেদি তে জীংকানি-গাজ্‌চো ইধু যেবার পথ্‌তান্ চুগি দিবাত্তে এদন বাগান পূগেদি করূব্‌পুনোরে রাগেল, আর সে সমারে সিয়োত্‌ এক্কান জোল্‌জোল্যা খড়্‌গঅ রাগেল যিয়েনে নিত্য ঘুরোনাত্‌ থেলঅ।

পত্থম 4:16

ইয়েন পরেদি কয়িনে লগেপ্রভুর্ মুজুঙোত্তুন্ যেইনে এদনর্ পূগেদি নোদ নাঙে এক্কান দেজত্‌ বজত্তি গরা ধুরিলো।

২ রাজাবলী 19:12

মর্‌ পূরোণি মানুচ্চুনে যিদুক্কুন্‌ জাদরে ভস্ত গোজ্যন্‌ তারা দেবেদাগুনে, অত্তাৎ গোষণ, হারণ, রেৎসফ আর তলঃসরত্‌ বজত্তিগুরিয়্যে এদনর মানুচ্চুনো দেবেদাগুনে কি তারারে রোক্ষ্যে গোজ্যন্‌?

যিশাইয় 51:3

মুই হামাক্কাই সিয়োনানরে বুঝেম্ আর তার বেক্ ভস্তর্ জাগানি উগুরে মেয়্যে গুরিম; তার ধূল্যেচর-চাগালাগানরে মুই এদন বাগান ধোক্ক্যেন গুরিম আর ধূল্যেচরানরে লগেপ্রভুর বাগান ধোক্ক্যেন গুরিম। সিয়েন ভিদিরে, রঙ্গ, ফুত্তি, ভালেদি আর গীদোর্ রঅ পাহ্ যেবঅ।

যিহিষ্কেল 27:23

হারণ, কন্নী, এদন আর শিবার বেবসায়ীগুনে আর আসিরিয়া আহ্ কিল্‌‌‌‌‌‌‌‌‌মদ তঅ লগে বেবসা গুরিদাক্।

যিহিষ্কেল 28:13

তুই গোজেনর বাগান এদনত্ এলে। নানান্ বাবোত্যে মংগা মংগা পাত্তর্, সার্দীয়মুণি, সূর্যকান্তমণি, নীলকান্তমণি, চুনী, পান্না আর সোনালোই তুই সাজেয়্যে এলে; তর্ সিরিস্টির্ দিনোত্ ইগুনোরে যুক্কোল্ গরা ওইয়্যে।

যিহিষ্কেল 31:16

মরা মানুচ্চুনো লগে মুই যেক্কে তারে মরণ জাগাত্ লামেই দিলুং সেক্কে তার পড়ি যানার্ রলোই জাদ্‌‌‌‌‌তুনে গির্‌‌‌‌‌গিরে উদিলাক্। সেক্কে এদনর্ বেক গাজ্‌‌‌‌‌চুন, লেবাননর্ বেঈ লোইয়্যে আর সেরা গাজ্‌‌‌‌‌চুন আর গমেডালে পানি পেইয়্যে বেক্ গাজ্‌‌‌‌‌চুন পিত্‌‌‌‌‌থিমীর গভীনোত্ সান্তনা পেলাক্।

যিহিষ্কেল 31:18

ও ফরৌণ, সয়-সাগোজ্যে আর বাঈনী গরানাগান ইন্দি এদনর্ গাজ্‌চুনো ভিদিরে এক্কোয়ো তর্ সং সং নয়। তো এদনর্ গাজ্‌‌‌‌‌‌চুনো সমারে তরেয়ো পিত্‌‌‌‌‌‌থিমীর গভীনোত্ লামেই দিয়্যে অবঅ; যিগুনে যুদ্ধোত্ মুরি যেইয়োন সেই সু্ন্নত-ন-গোজ্যে মানুচ্চুনো সমারে তুই পড়ি থেবে। মুই প্রভু লগেপ্রভু কঙর্, সেই গাজ্‌‌‌‌‌‌‌চুন অলাক্ ফরৌণ আর তার বেক্ দলুন।

যোয়েল 2:3

তারার্ আগে আগে গিলি ফেলেয়্যে আগুনানে আর তারা পিজেদি আগুনো জিলান্ জ্বলের্। তারা মুজুঙোত্ দেজ্‌‌চান যেন এদন বাগান ধোক্ক্যেন্, আর তারা পিজেদি ভস্ত ওই যেইয়্যে ধূল্যেচর-চাগালাগান; কিচ্ছু সিয়েনত্তুন্ রোক্ষ্যে ন-পার্।