পত্থম 2:7 - Chakma Bible

⁷ পরেদি লগেপ্রভু গোজেনে মাদিলোই এক্কো মরদ্‌ মানুচ্‌ বানেল আর তা নাগত্‌ ফুন্‌ দিইনে তা ভিদিরে পরাণান্‌ ভোরেই দিলো। সেক্কে সে মানুচ্চো এক্কো জেদা প্রাণি অলঅ।

পত্থম 2:7 Iomraidhean Croise

পত্থম 1:27

পরেদি গোজেনে তা ধোক্ক্যেন গুরি মানুচ্‌ বানেল। অয়, তে গোজেন ধোক্ক্যেন গুরি মানুচ্‌ বানেল, বানেল মরদ আর মিলে ইজেবে।

পত্থম 2:6

মাত্তর্ মাদি তলেত্তুন পানি উদিদো আর সিয়েনদোই মাদিগান ভিজিদো।

পত্থম 3:19

যে মাদিত্তুন্‌ তরে বানা ওইয়্যে সে মাদিত্‌ ফিরি ন-যানা সং মাঢার ঘাম্‌ টেঙত্‌ ফেলেনে তত্তুন্ হা-পুরিবো। তর এ ধুল্যার কিয়্যেগান্‌ ধুল্যাদই ফিরি যেবঅ।”

পত্থম 3:23

ইয়েন্‌ কোইনে লগেপ্রভু গোজেনে মাদিলোই বানেয়্যে মানুচ্চ্যরে মাদিত্‌ চাষ গুরিবাত্তে এদন বাগানত্তুন্ নিগিলেই দিলো।

পত্থম 7:22

শুগুনো মাদি উগুরে যিদুক্কুন প্রাণী থেদাক্‌, অত্তাৎ নিজেস্‌ ফেলেনে যিগুনে বাঁজি এলাক্‌ তারা বেক্কুন মুরি গেলাক্।

ইয়োব 27:3

যেদকদিন মইদু পরাণান আঘে, যেদকদিন গোজেনর নিজেস্‌সো মঅ নাগ ভিদিরে আঘে,

ইয়োব 33:4

গোজেনর আত্মাগানে মরে বানেয়্যে; বেগত্তুন্ খেমতাবলা গোজেনর্ নিজেজে মুই জিংকানি পাঙর্।

ইয়োব 33:6

গোজেনর মুজুঙোত্ তুই মুই সংসং; মরেয়ো মাদিলোই বানা ওইয়্যে।

ইয়োব 4:19

মাত্তর্‌ যিগুনে মাত্যে ঘরত্‌ বজত্তি গরন্‌, যিগুনোর গড়াগান্‌ অলদে ধূল্যেগান, যিগুনোরে পুগো ধোক্ক্যেন্ এনেবাদে মারে ফেলা যায়, তারা গোজেনর চোগেন্দি আরঅ‌ কত্তমান যে বেশ্‌ দুযি অবাক্‌!

গীতসংহিতা 100:3

তুমি হরব পঅ লগেপ্রভুই গোজেন। তেয়ই আমারে বানেয়্যে, আমি তার্; আমি তার্ মানুচ্, তার চোরেয়্যে ভেড়া।

গীতসংহিতা 103:14

কিবাবোত্যে গুরি আমারে বানেয়্যে সিয়েন দঅ তার জানা আঘে; আমি যে ধূল্যে বাদে আর্ কিচ্চু নয় সিয়েন তার ইদোত্ আঘে।

গম্ উপদেজ্ 20:27

মান্‌জ্যর আত্মাগান্ অলঅ লগেপ্রভুর চেরাগ; সিয়েন মান্‌জ্য মনর্ গভীনোত্ তোগেই চাই।

উপদেশক 12:7

মাদিগান্ মাদিত্ ফিরি যেবঅ, আর যে আত্মাগান্ গোজেনে দিয়্যে সে আত্মাগান্ তাইদু ফিরি যেবঅ।

উপদেশক 3:7

ফাদি ফেলেবার্ সময় আর সিলেবার্ সময়, জুরো গুরি থেবার্ সময় আর কধা কবার্ সময়,

যিশাইয় 2:22

তুমি মান্‌জ্য উগুরে নির্ভর্ গরানা ছাড়ি দুয়ো। মান্‌‌জ্যর পরাণান্ দঅ তা নাক্কোর্ এক্কো নিজেস্ বাদে আর্ কিচ্চু নয়; তার্ কনঅ দাম নেই।

যিশাইয় 64:8

তো, ও লগেপ্রভু, তুয়ই আমার বাপ। মাদি মাদি, তুই কুমোর্; আমি বেক্কুনে তঅ আঢর্ কাম।

আবিলেচ্ 4:20

যিবে লগেপ্রভুর বেঈ লোইয়্যে, যিবে আমার জিংকানির বোইয়্যের্, তে তারার ফালত্ ধরা পোজ্যে; মাত্তর্ আমি মনে গোজ্যেদে তা ছাবাত্ জাদ্‌তুনো ভিদিরে আমি বজত্তি গুরিবোং।

যিহিষ্কেল 37:5

প্রভু লগেপ্রভু কত্তে, ‘মুই তমা ভিদিরে নিজেস্ ভোরেই দিম্ আর তুমি জেদা অবা।

যিহিষ্কেল 37:6

মুই তমা আড়ুনো লগে আড়্ বানি দিম, তমা উগুরে য়েরা বাড়েই দিম আর চামাড়ালোই সিয়েনি নাঢি দিম। মুই তমা ভিদিরে নিজেস্ দিম আর তুমি জেদা অবা। সেক্কে তুমি হবর্ পেবা যে, মুয়ই লগেপ্রভু।’”

সখরিয় 12:1

ইবে অলঅ ইস্রায়েল পৌইদ্যেনে লগেপ্রভুর্ কধা। লগেপ্রভু, যিবে আগাজ্‌‌‌‌চানরে মিলি দিয়্যে, যিবে পিত্‌‌‌‌থিমীর গোড়াগানরে থিদেবর্ গোজ্যে, যিবে মান্‌‌‌‌জ্য ভিদিরে আত্মা বানেই দিয়্যে, তে কোইয়্যেদে,

গণাণা 16:22

মাত্তর্‌ মোশি আর হারোণে মাদিত্‌ আদু পাড়ি পড়িনে কলাক্কে, “ও গোজেন, তুই বেক্‌ মানুচ্চুনোর পরাণর গিরোজ্‌। বানা এক্কো মান্‌জে পাপ গোজ্যে বিলি কি তুই গোদা ইস্রায়েলীয় সমাজ উগুরে তর্‌ রাক্কান্‌ দেগেবে?”

যোহন 20:22

এ কধাগান্ কোইনে তে শিচ্চ্যগুনো উগুরে ফুন্ দিইনে কলঅ, “পবিত্র আত্মাগানরে গুজি লঅ।

প্রেরিত্‌ 17:25

তার কনঅ অভাব নেই, সেনত্তে মান্‌জ্য আঢত্তুন্ পূজো গুজি লবার্‌‌‌অ তার দরকার্ নেই, কিয়া তেয়ই বেক্‌ মানুচ্চুনোরে জিংকানি, পরাণান্ আর অন্য বেক্কানি দান গরে।

রোমীয় 9:20

সিয়েনর্ জোবত্ মুই কোম্‌বে, তুই মানুচ্‌; গোজেনর্ কধানি উগুরে কধা কবার্ তুই কন্না? কনঅ মান্‌জ্যে যুনি এক্কান্ জিনিচ্‌ বানায় সালে সেই বানেইয়্যে জিনিচ্চানে কি তারে পুযোর্ গুরি পারে, “কিত্ত্যে মরে এবাবোত্যে বানেলে?”

১ করিন্হীয় 15:45

পবিত্র বোইবোত্ এবাবোত্যে গুরি লেগা আঘে, “পত্তম মানুচ্‌ আদম জেদা প্রাণী অলঅ।” আর শেজ্ আদম জিংকানিদান গুরিয়্যে আত্মা অলঅ।

১ করিন্হীয় 15:47

মাত্তর্ দ্বি লম্বরত্ মানুচ্চো স্বর্গত্তুন্ এচ্চ্যে।

২ করিন্হীয় 4:7

মাত্তর্ এই ধন মাত্ত্যা পিলেত্ থুয়ো ওইয়্যে; আর আমিই সেই মাত্ত্যা পিলাগুন্। মাত্ত্যা পিলেত্ সিয়েন থুয়ো ওইয়্যে যেন মান্‌জ্যে বুঝি পারন্ যে, এ অসাধারণ দাঙর্ খেমতাগান আমা নিজোত্তুন্ ন-এজে বরং গোজেনত্তুনই এচ্চ্যে।

২ করিন্হীয় 5:1

আমি এ কধাগান্ কোই পারিই যে, এ পিত্‌থিমীত যে তাম্বুলানত্ আমি বজত্তি গুরির্, অত্তাৎ যে বল্‌পোজ্যে কিয়্যেগানিলোই আমি আঘিই সিয়েন যুনি বর্‌বাদ ওই যায় তো গোজেনর্ দিয়্যে এক্কান্ ঘর আমার আঘে। এ ঘরান্ মান্‌জ্যর্ আঢে বানেইয়্যে নয়, সিয়েন স্বর্গত্ উমরত্যে আঘে।

১ তীমথিয় 2:13

কিয়া পত্তমে আদমরে আর যেরেদি হবারে সৃট্টি গরা ওইয়্যে।

ইব্রীয় 12:9

ইয়েন বাদে আমি দেক্ক্যেই, আমা জগদ বাব্‌পুনে আমারে শাসন গুরিদাক্ আর আমি তারারে সর্মান গুরিদোং। সালে যিবে বেক্ আত্মাগুনোর্ বাপ্ তা অধিনোত্ থানা কি আমার্ আরঅ উজিত্ নয়, যেনে আমি জিংকানি পেই?